Habakhuki 3:3 - Siswati 1996 Bible

³ Nkulunkulu uchamuka eThemani, Longcwele wesuka eNtsabeni iPharani. Cabanga. Inkhatimulo yakhe isibekela emazulu, ludvumo lwakhe lugcwalisa umhlaba.

Habakhuki 3:3 Referencias Cruzadas

Genesisi 21:21

Ngesikhatsi ahlala ehlane lasePharani, unina wamtsatsela umfati labengumGibhithe.

Genesisi 36:11

Emadvodzana a-Elifazi bekubo-Themani, na-Omari, naSefo, naGatamu, naKhenazi.

1 Emakhosi 11:18

Besuka kulakaMidiyani bacondza ePharani. Batsatsa emadvodza ePharani, bahamba nawo baya eGibhithe kuFaro, inkhosi yaseGibhithe. Faro wanika Hadadi indlu nemhlaba, wamupha nekudla.

Tihlabelelo 113:4

Simakadze ungetulu kwato tonkhe tive, nenkhatimulo yakhe idlondlobele ngetulu kwemazulu.

Tihlabelelo 148:13

Bonkhe abadvumise libito laSimakadze, ngobe lakhe kuphela libito leliphakeme; inkhatimulo yakhe ingetulu kwemhlaba nelizulu.

Tihlabelelo 3:2

Banyenti lese bafakana imilomo ngami, batsi: “Nkulunkulu angeke amsindzise.” Cabanga.

Tihlabelelo 3:4

Ngelivi lami ngikhala kuSimakadze, uyangiphendvula asentsabeni yakhe lengcwele. Cabanga.

Tihlabelelo 4:4

Nanitfukutsele ningoni, cabangisisani nisathulile etinhlitiyweni tenu, nisacambalele emacansini enu. Cabanga.

Tihlabelelo 48:10

Yebo, Nkulunkulu! Ludvumo lwakho lufana nelibito lakho, luhamba luze lufike emaphetselweni emhlaba. Sandla sakho sangesekudla sigcwele kulunga.

Tihlabelelo 68:17

Tincola taNkulunkulu titinkhulungwane letingemashumi netinkhulungwane ngetinkhulungwane, Simakadze usemkhatsini wato ngebukhosi bakhe lobunjengebungcwele baseSinayi.

Tihlabelelo 9:16

Simakadze sewutibonakalisile, wakhipha sigwebo sakhe, lababi babanjwa ngumsebenti wetandla tabo. Cabanga.

Tihlabelelo 9:20

Bente bakwesabe, Simakadze, kuze bati kutsi babantfu nje. Cabanga.

Eksodusi 20:18

Batsi bantfu nabakuva lokudvuma nekukhala kwelicilongo babona nemibane nentfutfu yembese intsaba, bonkhe bantfu betfuka batfutfumela ngenca yekwesaba, bema bucalu.

Isaya 31:1

Maye kulabo labaya eGibhithe bayewucela khona lusito, labetsembela emahhashini, betsembele nasebunyentini betincola tabo temphi, nasemandleni lamakhulu ebagibeli babo bemahhashi, kodvwa bangabuki kuLongcwele waka-Israyeli, nome-ke bafune lusito kuSimakadze.

Isaya 6:3

Abememetana odvwana, ngulelo nalelo litsi: “Ungcwele, ungcwele, ungcwele, Simakadze longuSomandla! Umhlaba wonkhe ugcwele bukhosi bakhe.”

Isaya 64:3

Ngobe watsi nawenta tintfo letesabekako lesasingazange sitilindzele, wehla, tintsaba tatfutfumela embikwakho.

Jeremiya 49:7

Macondzana ne-Edomu: Naku lokushiwo nguSimakadze longuSomandla, utsi: “Sekwabate yini kuhlakanipha eThemani? Setaphela yini teluleko kulabahlakaniphile? Kuhlakanipha kwabo sekwabola yini?

Hezekeli 43:2

lapho ngabona khona inkhatimulo yebukhona baNkulunkulu wema-Israyeli ichamuka ngasemphumalanga. Livi lakhe lalifanana nekudvuma kwemabhudlo emanti, live lalicwebetela ngenca yenkhatimulo yakhe.

Amose 1:12

Ngako-ke ngitakwehlisela umlilo etikwaThemani lotawucotfula tigodlo taseBhosra.”

Obadiya 1:9

Emabutfo akho, Themani, ayakutfutfumela, bonkhe bantfu labaseveni letintsaba, lekulive laka-Edomu, bayakubulawa.”

Habakhuki 2:14

Ngobe umhlaba uyawugcwala kwati bukhosi baSimakadze, njengaloku emanti asibekela lwandle.

Numeri 10:12

Sive sema-Israyeli satfutsa eHlane laseSinayi, siphuma ngeticheme taso. Lifu lahamba laze layakuma eHlane lasePharani.

Dutheronomi 33:2

Wakhuluma watsi: “Simakadze wachamuka eSinayi, kwasa kitsi nakavela eSeyiri, wakhanya aseNtsabeni iPharani. Wefika achamuka etinkhulungwaneni talabangcwele, weta kuvutsa umlilo ngasesandleni sakhe sangesekudla.

Dutheronomi 5:24

Nafike natsi: ‘Simakadze Nkulunkulu wetfu usikhombise inkhatimulo yakhe nebukhosi bakhe, neliphimbo lakhe silive ekhatsi emlilweni. Lamuhla sesibonile kutsi kantsi umuntfu angajinge aphile nome Nkulunkulu akhuluma naye.

1 Samuweli 25:1

Samuweli wafa, kwatsi sonkhe sive sema-Israyeli seta, sahlangana ndzawonye, satakumlilela. Wangcwatjwa ekhaya lakhe, eRama. Davide wase uyehla waya eHlane laseMayoni.