Habakhuki 3:2 - Siswati 1996 Bible

² Awu Simakadze, ngivile ngeludvumo lwakho; ngimangaliswa tento takho, wena Simakadze. Phindza utivusetele nangalamalanga etfu, tente tatiwe nangaletikhatsi tetfu. Elulakeni lwakho khumbula umusa.

Habakhuki 3:2 Referencias Cruzadas

Ezra 9:8

“Kodvwa nyalo, kulesikhashana, Simakadze Nkulunkulu wetfu ubenemusa ngekutsi asishiyele insali nekutsi asinike siphephelo endzaweni yakhe lengcwele, ngako Nkulunkulu wetfu ukhanyisa emehlo etfu asinike nekukhululeka lokuncane ekuboshweni kwetfu.

Jobe 42:5

Tindlebe tami setike teva ngawe, kodvwa nyalo emehlo ami asakubonile.

Tihlabelelo 119:120

Umtimba wami uyatfutfumela ngenca yekwesaba wena, netehlulelo takho ngiyatesaba.

Tihlabelelo 25:6

Simakadze, khumbula umusa wakho nelutsandvo lwakho, ngobe kwakuvele kukhona phakadze.

Tihlabelelo 38:1

Awu, Simakadze, ungangikhahli ngentfukutselo yakho, ungangijezisi ngelulaka lwakho.

Tihlabelelo 44:1

Yebo, Nkulunkulu! Sivile ngetindlebe tetfu bokhokho nabasitekela, tintfo lewawutenta ngemalanga abo, ngemalanga asendvulo.

Tihlabelelo 71:20

Nguwe lowentile kutsi ngibone tinsizi letinyenti naletibuhlungu, wangihlumelelisa futsi; wabuye wangimonyula ekujuleni kwemhlaba, wangikhiphela ngetulu kwawo.

Tihlabelelo 78:38

Kodvwa yena waba nesihawu, watisibekela tono tabo, akazange ababhubhise abacedze. Kanyenti watibamba ekutfukutseleni kwakhe, akaluvusanga lonkhe lulaka lwakhe.

Tihlabelelo 85:6

Ungeke yini usivuselele siphile, kuze kutsi sive sakho sijabule kuwe?

Isaya 53:1

Ngubani lowakholwa ngumbiko wetfu? Wona umkhono waSimakadze wembulwa kubani?

Isaya 54:8

Ngemfutfo wentfukutselo yami ngakufihlela buso bami kwesikhashana, kodvwa ngemusa waphakadze ngiyawuba nesihawu kuwe,” kusho Simakadze uMhlengi wakho.

Isaya 63:15

Buka phansi usezulwini lakho, ubone, usesihlalweni sakho sebukhosi lesingcwele. Kuphi kushisekela kwakho nemandla akho? Kunakekela kwakho nesihawu sakho kugodliwe kitsi.

Isaya 66:2

Tonkhe letintfo atikentiwa sandla sami yini, kuze kutsi tibe khona?” kusho Simakadze. “Ngulowo-ke mine lengimatisako, lowo lotfobekile nalodzabukile emoyeni, nalolitfutfumelelako livi lami.

Jeremiya 10:24

Awu, Simakadze, ngicondzise, loko ukwente ngemtsetfocotfo wakho kuphela, kungabi ngekwelulaka lwakho, funa ungehlise ngidzimate ngibe lite.

Jeremiya 10:7

Ngubani longete akuhlonipha wena, awu, wena Nkhosi yetive? Lolu ludvumo lolufanele wena. Kute namunye lofanana nawe, kuto tonkhe tihlakaniphi tetive, nakuyo yonkhe imibuso yato.

Jeremiya 29:10

“Naku lokushiwo nguSimakadze, utsi: ‘Naseyiphelile iminyaka lengema-70 yeBhabhulona, ngitawufika kini ngitewugcwalisa setsembiso sami semusa kutsi nginibuyise kulendzawo.

Jeremiya 46:28

Ungesabi, wena Jakobe, nceku yami, ngobe nginawe,” kusho Simakadze. “Noko, nome ngitibhubhisa ngiticedza tonkhe tive, lapho ngikucoshele khona, wena angiyiwukubhubhisa ngikucedze. Ngiyawukujezisa nje kuphela, nako loko ngikwente ngalokufanele umtsetfo, ngobe ngingeke ngikuyekele nje ngingakushayi.”

Sililo 3:32

Nome akuletsa kudzabuka, kodvwa uyawubuye ahawukele, lukhulu kangako-ke lutsandvo lwakhe.

Danyela 8:17

Watsi asasondzela kulendzawo lapho ngangime khona, ngesaba kakhulu ngawa phansi ngebuso. Watsi kimi: “Ndvodzana yemuntfu, visisa kahle kutsi lombono umacondzana nesikhatsi sekugcina.”

Danyela 9:2

ngemnyaka wakhe wekucala abekiwe, mine Danyela ngafundza ngeva kahle emiBhalweni njengekwelivi laSimakadze kuJeremiya, umphrofethi, kutsi kubhidlitwa kweJerusalema kuyawutsatsa iminyaka lengema-70, lapho iyawusala khona ikhala libhungane.

Habakhuki 3:1

Umthandazo waHabakhuki, umphrofethi, ngeShigiyonothi.

Habakhuki 3:16

Ngeva, nenhlitiyo yami yabhakuta, netindzebe temlomo wami tavevetela ngalomsindvo, kubola kwakhasabela ematsanjeni ami, imilente yami yachachatela. Noko ngiyakulilindzela ngekubeketela lilanga lesehlakalo leliyawusifikela sive lesisihlasele.

Zakhariya 1:12

Ingilosi yaSimakadze yatsi: “Simakadze Somandla, kuyawuze kube ngunini solomane sihawu sakho usigodlele iJerusalema nemadolobha akaJuda, lowawuwatfukutselele kuleminyaka lengema-70?”

Johane 10:10

Lisela litela kweba, nekubulala, nekubhubhisa. Mine ngitele kwekutsi bantfu babe nekuphila; babe nako kuphuphume.

KubaseRoma 10:16

Kodvwa liVangeli abalemukelanga bonkhe, ngobe Isaya utsi: “Nkhosi, ngubani lokholwe loko lakuve kitsi?”

KubaseFiliphi 1:6

Nginelitsemba leliphelele kutsi lowo lowacala umsebenti lomuhle kini, uyakuwufeza kuze kube lilanga laKhristu Jesu.

KumaHebheru 11:7

Ngekukholwa Nowa walalela tecwayiso taNkulunkulu ngetintfo letatingakabonakali letatitakwenteka. Walalela Nkulunkulu ngekwakha umkhumbi wekuphephisa umndeni wakhe. Ngekukholwa wadalula bubi belive, wase uba yindlalifa yekulunga lokutfolakala ngekukholwa.

KumaHebheru 12:21

Lombono wawesabeka kakhulu kangangekutsi Mosi wadzimate watsi: “Ngiyesaba kakhulu, ngiyatfutfumela.”

Sembulo 15:4

Ngubani longayikwesaba advumise libito lakho, Nkhosi? Ngobe nguwe wedvwana longcwele. Tonkhe tive tiyawufika kuwe tikukhonte, ngobe tehlulelo takho letilungile setibonakalisiwe.”