Habakhuki 2:1 - Siswati 1996 Bible

¹ Ngitawuma embonisweni yami ngibuke, ngitimise kahle etingosini tami, ngitawubukisisa kahle ngitewubona kutsi Nkulunkulu utawutsini kimi, nekutsi ngitawuphendvula ngitsini ngalokukhonona.

Habakhuki 2:1 Referencias Cruzadas

2 Samuweli 18:24

Ngaleso sikhatsi Davide asehleti emkhatsini wemnyango longekhatsi edolobheni nelisango lelingaphandle, gadzi wakhuphukela etulu eluphahleni lwelisango lelingaselubondzeni. Watsi uphakamisa emehlo, wabona umuntfu eta agijima, ayedvwana.

2 Emakhosi 17:9

Baka-Israyeli benta tintfo ngasense letatiphambene naSimakadze Nkulunkulu wabo, letatingakalungi. Kusukela etimbonisweni kuye emadolobheni labiyelwe, batakhela tindzawo letiphakeme tekukhontela tithico kuwo onkhe emadolobha abo.

2 Emakhosi 9:17

Kwatsi mahlalesangweni waseJezreyeli nakatsi uphakamisa emehlo, asetulu embhoshongweni, wabona ngemabutfo aJehu eta avivile, wamemeta watsi: “Ngibona emabutfo eta avivile.” Joramu watsi: “Tfumela sigijimi lesingumgibeli, usitfume kutsi siyewubabuta sitsi: ‘Nita ngekuthula yini?’ ”

Jobe 31:35

“Awu! Kube mane kunemuntfu longangiva! Sengiyakusicilela manje kutivikela kwami. Akangiphendvule phela Somandla. Lowo longibeka licala akalibhale phansi.

Jobe 31:37

Bengingamlandzisa ngato tonkhe tinyatselo tami, bengingalingisa umbusi, ngicondzane naye ngco.

Tihlabelelo 5:3

Simakadze, nakudzabuka kusa, uyaliva livi lami; nakudzabuka kusa, ngihlela ticelo tami kuwe, bese ngiyema ngilindzela wena.

Tihlabelelo 85:8

Ase ngilalele loko lokutawukhulunywa nguNkulunkulu Simakadze, ngobe ukhuluma kuthula esiveni sakhe nakulabangcwele bakhe, nabangancandzeki babuyele ebubini.

Tihlabelelo 85:9

Ngempela insindziso yakhe isedvute kulabo labamesabako, kuze live letfu libe neludvumo lwakhe,

Isaya 21:5

Bendlala ematafula, bendlale emacansi, bayadla, banatse! Bese kuphuma simemetelo sitsi: “Sukumani, nine tindvuna! Gcobisani emahawu enu!”

Isaya 21:6

Naku-ke lokushiwo nguSimakadze kimi, utsi: “Hamba ubeke umlindzi, umtjele akubikele ngako konkhe lakubonako.

Isaya 21:8

Lomlindzi wamemeta watsi: “Lilanga ngelilanga, nkhosi yami, ngima etulu embhoshongweni wekulindza, busuku ngebusuku ngihlala ngisemsebentini wami.

Isaya 62:6

Ngibeke balindzi etibondzeni takho, Jerusalema, bangeke bathule imini nebusuku. Nine lenibita Simakadze, ningatiniki kuphumula,

Jeremiya 12:1

Yebo Simakadze, wena uhlala ungcwele, nangiletsa indzaba embikwakho. Noko ngifuna kukhuluma nawe macondzana nekwehlulela kwakho. Kwentiwa yini kutsi indlela yalomubi iphumelele? Kwentiwa yini kutsi labangaketsembeki bahlale kahle bakhululekile?

Jeremiya 6:17

Ngabeka balindzi etikwenu, ngatsi: ‘Lalelani kukhala kwempalampala,’ kodvwa nine natsi: ‘Ngeke sikulalele.’

Hezekeli 3:17

“Ndvodzana yemuntfu, sengikubeke kutsi ube ngumlindzi wendlu yaka-Israyeli; ngako-ke vani livi lengilikhulumako, ubanike secwayiso lesiphuma kimi.

Hezekeli 33:7

“Ndvodzana yemuntfu, sengikubeke kutsi ube ngumlindzi wendlu yaka-Israyeli; ngako-ke vani livi lengilikhuluma kuwe, ubanike secwayiso lesiphuma kimi.

Mikha 7:7

Kodvwa mine ngitakwetsembela kuSimakadze, ngilindzele Nkulunkulu ngesibindzi, ngobe nguye lotangiphephisa. Nkulunkulu wami utangiva.

2 kubaseKorinthe 13:3

njengobe nifuna siciniseko kutsi Khristu ukhuluma kimi. Yena angeke aniphatse ngebutsakatsaka, kodvwa unemandla kini.

KubaseGalathiya 1:16

kungembulela iNdvodzana yakhe kutsi ngiyishumayele kubetive, angibutanga muntfu.