Habakhuki 1:9 - Siswati 1996 Bible

⁹ “Bonkhe beta basahlose kulwa nekubhubhisa. Emabutfo abo agijima ashulungane njengemoya waselugwadvule, abutse batfunjwa njengesihlabatsi.

Habakhuki 1:9 Referencias Cruzadas

Genesisi 41:49

Josefa wasigcina sonkhe ngebunyenti baso lesivuno lesasingangetihlabatsi taselwandle, wadzimate wakuyekela nekusibala, ngobe sasingeke sisabaleka.

2 Emakhosi 12:17

Ngaleso sikhatsi Hazayeli, inkhosi yaseSiriya, yakhuphuka yayawuhlasela iGathi, yayitfumba; yesuka lapho yacondza eJerusalema, nayo yayihlasela.

Jobe 29:18

“Ngangicabanga ngitsi: ‘Nami ngiyawufela ekhaya lami, emalanga ami manyenti ngangesihlabatsi saselwandle.

Tihlabelelo 139:18

Nangingayibala, ingaba minyenti kwendlula tinhlavu tesihlabatsi. Nangivuka, wena usenami.

Isaya 27:8

Kulwa kwakhe nebaseJerusalema kugcina ngekutsi abadvungulule baye ekutfunjweni, abakhiphe ngesikhahlo sakhe njengekuhhusha kwemoya wasemphumalanga.

Jeremiya 15:8

Ngiyakwenta bafelokati babo babe banyenti kwendlula sihlabatsi saselwandle. Emini ngiyawuletsa umbhubhisi loyawucondzana nabonina bemajaha, ngekushesha ngibehlisele buhlungu nekutfutfumela.

Jeremiya 25:9

ngitawubita tonkhe tive tangasenyakatfo kanye nenceku yami Nebukhadnezari, inkhosi yaseBhabhulona, ngibaletse batekulwa nalelive kanye netakhamiti talo nato tonkhe tive letibomakhelwane,” kusho Simakadze. “Ngiyawubabhubhisa ngibacedze nya, ngibente intfo yekwesabisa, nenhlekisa, nencitsakalo yaphakadze.

Jeremiya 34:22

Simakadze utsi: Ngiyawukhipha umlayeto ngibabuyise kulelidolobha. Bayakulwa nalo, balitfumbe bese bayalishisa. Emadolobha akaJuda ngiyakuwenta abe tindzala, kuze kusale kukhala libhungane kuwo.”

Jeremiya 4:11

Ngalelo langa lesive kanye nebantfu baseJerusalema bayawutjelwa kutsiwe: “Umoya loshisako lochamuka etindzaweni letiphakeme tasehlane uhhusha ucondze kulesive sami, kodvwa hhayi kutewuhlunga nome kutewuhlambulula;

Jeremiya 4:7

Libhubesi liphumile emhumeni walo; umbhubhisi wetive sewuphumele ngephandle. Selisukile endzaweni yalo, litewuphundla lelive lenu. Emadolobha enu atawuba tindzala, abete bantfu labahlala kuwo.

Hezekeli 17:10

Kona kube bewungahlanyelwa kabusha, bewungaphumelela yini? Ungete wabuna yini uphele, nawushaywa ngumoya wasemphumalanga? Ungete wabuna yini kulendzawo lapho wakhulela khona?’ ”

Hezekeli 19:12

Kodvwa sazuphuneka ngenca yelulaka, salahlwa phansi emhlabatsini. Umoya wasemphumalanga wasomisa, saphundleka titselo taso, emagala aso lacinile abuna, umlilo wawadla.

Danyela 11:17

Uyawutimisela kuta ngemandla embuso wakhe wonkhe atihlanganise nenkhosi yaseningizimu, amendzisele nenkhosatana, khona atewuketula kahle lombuso wayo, kodvwa lawo masu akhe angeke aphumelele futsi ngeke amsite.

Hoseya 1:10

“Noko ema-Israyeli ayawuba manyenti ngangesihlabatsi saselugwini lwelwandle, lesingeke sikalwe nome sibalwe. Endzaweni lapho kwakukhulunywa khona kubo kwatsiwa: ‘Nine anisiso sive sami,’ bayawubitwa ngekutsi: ‘Ngemadvodzana aNkulunkulu lophilako.’

Hoseya 13:15

Ngisho nome angahluma njengembali emkhatsini wetinhlanga, umoya waSimakadze, wangasemphumalanga, uyakuta, uhhusha uchamuka ngasehlane, umtfombo waka-Efrayimu uyawuphelelwa ngemanti, nesicobho sakhe some. Likamelo lakhe lekulondvolota liyawuphangwa tonkhe tintfo talo letingemagugu.

Habakhuki 1:17

Kungabe batawuchubeka yini, batfulule emanetha abo, babhubhise tive ngelunya?

Habakhuki 1:6

Ngobe bukani-ke, ngivusa baseBhabhulona, leso sive lesingenamusa, nalesiphulukundlelako, lesidzabula wonkhe umhlaba sitewuphanga tindzawo tekuhlala letingasito taso.

KubaseRoma 9:27

Na-Isaya wamemeta nga-Israyeli atsi: “Nome bantfu baka-Israyeli bangaba banyenti babe ngangesihlabatsi saselwandle, noko kuyawuba yinsali yabo kuphela leyawusindziswa;

Tikhulu 7:12

EmaMidiyani, nema-Amaleki, nato tonkhe tive tangasemphumalanga tatimise esigodzini, titse gwacalala njengemabulo esikhonyane. Emakamela ato abengeke asabaleka, abesafanana nesihlabatsi selusentse lwaselwandle.