Habakhuki 1:8 - Siswati 1996 Bible

⁸ “Emahhashi abo agijima kwendlula tingwe, esabeka kwendlula timphisi ebusuku. Emasotja abo lagibela emahhashi agijima ashiye inyosi. Bagibeli babo bemahhashi bachamuka khashane. Bandiza njengelusweti naluhlwitsa kudla.

Habakhuki 1:8 Referencias Cruzadas

Jobe 9:26

Endlula ngelihubo njengemikhumbi yetitfombo tephaphira, nanjengelusweti lusukela kudla kwalo lokuphansi luphatima njengembane.

Isaya 11:14

Bayawukwehla emaceleni aseFilistiya bawahlasele enshonalanga, bobabili bayawuphanga bantfu labahlala emphumalanga. Bayawulidla live laka-Edomu nelakaMowabi, babuse etikwema-Amoni.

Jeremiya 4:13

Bukelani, usondzela ukhephuka njengemafu, tincola takhe temphi tiyayalutela njengesiwunguwungwana, emahhashi akhe agijima kwendlula tinsweti.

Jeremiya 48:40

Naku lokushiwo nguSimakadze, utsi: “Bukani lusweti luntjweza lwehla, lwendlala emaphiko alo etikweMowabi.

Jeremiya 5:6

Ngako-ke batawuhlaselwa libhubesi leliphuma ehlatsini, batawuphangwa yimphisi lephuma ehlane, ingwe itawubalalela endleleni edvutane nemadolobha abo; itemdzabudzabula abe ticucu nome ngubani lotsi uyaphuma, ngobe kuhlubuka kwabo kukhulu, nekweduka kwabo kunyenti.

Jeremiya 50:42

Bahlome ngebutjoki nangetikhali; bavutsa lulaka, abanamusa. Bevakala njengekudvuma kwelwandle sebagibele emahhashini abo; beta ngeticheme temabutfo emphi, bete kutawuhlasela wena, Ndvodzakati yaseBhabhulona.

Sililo 4:19

Batingeli betfu babegijima kwendlula lusweti lwasesibhakabhakeni; basigijimisa etintsabeni, basibhacela ehlane.

Hezekeli 17:12

“Khuluma kulendlu lehlubukako, utsi: ‘Anati yini kutsi tisho kutsini letintfo?’ Shano kubo utsi: ‘Inkhosi yaseBhabhulona yaya eJerusalema yatsatsa inkhosi yakhona nalabahloniphekile bakhona, yeta nabo eBhabhulona.

Hezekeli 17:3

Khuluma kubo, utsi: ‘Naku lokushiwo yiNkhosi Simakadze, itsi: Kwefika lusweti lolukhulu eLebanoni, lusweti lolunetimphiko letinemandla netinsiba letindze, tinsiba letiphelele futsi timibalabala. Lwefika lwatsatsa sihloko semsedari,

Hezekeli 26:11

Tinselo temahhashi akhe tiyawugcobagcoba tonkhe titaladi takho, uyawubulala bantfu bakho ngenkemba, netinsika takho leticinile tiyawulahleka phansi.

Hoseya 8:1

“Beka licilongo etindzebeni takho temlomo! Lusweti lusetikwendlu yaSimakadze, ngobe sive sisephulile sivumelwane sami, sawuhlubuka nemtsetfo wami.

Nahume 2:5

Kuhlanganiswa emabutfo aseNineve elikhetselo. Noko ayakhubatela endleleni yawo. Agijima aye elubondzeni lwelidolobha, tivikelo tiyemiswa.

Zefaniya 3:3

Tiphatsimandla talo tingemabhubesi labhodlako, tikhulu talo titimphisi takusihlwa, letingashiyi lutfo lwangakusasa ekuseni.

Matewu 24:28

“Nome ngukuphi lapho kunesidvumbu khona emangce abutsana khona.”

Lukha 17:37

Bafundzi bambuta batsi: “Kuphi, Nkhosi?” Jesu wabaphendvula watsi: “Lapho kunesidvumbu khona, nemangce ahlangana khona.”

Dutheronomi 28:49

“Simakadze uyawuletsa sive lesiyawumelana nani, lesisuka khashane, emaphetselweni emhlaba sinihlwitse njengelusweti lolundizako, sive lesikhuluma lulwimi leningalwati,