7 “Talanani, nandze, nigcwalise umhlaba.”
Nkulunkulu wababusisa watsi: “Talanani, nandze, nigcwalise umhlaba, niwuncobe. Nibuse etikwetinhlanti taselwandle, nasetikwetinyoni tasemoyeni, nasetikwato tonkhe tilwane letihamba emhlabeni.”
Nkulunkulu wachubeka watsi kuye: “NginguNkulunkulu, Somandla. Tala, wandze ube sive. Tive letinyenti titawuphuma kuwe, ube ngukhokho wemakhosi.
Phuma kanye nato tonkhe tilwane letiphilako letinawe tayo yonkhe inhlobo: tinyoni, netifuyo, nato tonkhe tilwane letihamba ngesisu, khona titekwandza emhlabeni titalane tigcwalise umhlaba.”
Nkulunkulu wambusisa Nowa kanye nemadvodzana akhe, watsi kubo: “Talanani nandze, nigcwalise umhlaba.
Bobatsatfu bekungemadvodzana aNowa; umhlaba wonkhe wagcwaliswa yintalo yabo.
Nkulunkulu wakhuluma kuNowa nemadvodzana akhe, watsi:
Tsatsani bafati nitale emadvodzana nemadvodzakati, nitsatsele emadvodzana enu bafati, nendzise nemadvodzakati enu, kuze kutsi nabo batewuba nemadvodzana nemadvodzakati. Talanani nandze nangesibalo lapho, ninganciphi.
