Genesisi 8:21 - Siswati 1996 Bible

²¹ Nkulunkulu waliva leliphunga lelinuka lusi lolumnandzi, watsi enhlitiyweni yakhe: “Ngingeke ngiphindze ngiwucalekise umhlabatsi ngenca yemuntfu, ngobe imizindlo yenhlitiyo yemuntfu mibi kwasebusheni bakhe. Ngingeke ngiphindze ngikubhubhise konkhe lokuphilako, njengobe ngentile.

Genesisi 8:21 Referencias Cruzadas

Genesisi 3:17

Ku-Adamu watsi: “Njengobe ulalele livi lemfati wakho, wasidla lesitselo salesihlahla lengakuyala ngaso ngatsi: ‘Ungasidli,’ umhlaba sewucalekisiwe ngenca yakho. Sewuyakudla kuwo kamatima onkhe emalanga ekuphila kwakho.

Genesisi 4:12

Nawulima umhlabatsi, ngeke usakunika sivuno sawo lesihle; wena sewuyawuba ngumhambuma neluzulane emhlabeni.”

Genesisi 5:29

Lendvodzana wayetsa libito, watsi nguNowa, atsi: “Lona-ke nguye lotasidvudvuta emsebentini wetfu nasekukhatsatekeni kwetfu kuwo lomhlabatsi lowacalekiswa nguSimakadze.”

Genesisi 6:13

Nkulunkulu watsi kuNowa: “Sengincume kutsi ngibacedze bonkhe bantfu; ngobe umhlaba ugcwele budlova ngenca yabo. Ngitawubabhubhisa, ngibesuse bonkhe emhlabeni.

Genesisi 6:17

Ngitawuletsa zamcolo emhlabeni, utawufika abulale yonkhe inyama lenemoya wekuphila, lengaphansi kwelizulu. Konkhe lokusemhlabeni kutawubhubha.

Genesisi 6:5

Simakadze wabona kutsi kukhulu kona kwemuntfu emhlabeni, nekutsi yonkhe imizindlo nemicabango yenhlitiyo yakhe mibi ngaso sonkhe sikhatsi.

Genesisi 6:7

Ngako Simakadze watsi: “Ngitabacitsa labantfu lengibadalile emhlabeni; yebo, bantfu, netifuyo, netilwane letihamba ngesisu, netinyoni letindiza emoyeni, ngobe sengiyatisola ngekutsi ngakwenta.”

Jobe 14:4

Ngubani longakhipha lokuhlantekile kulokungakahlanteki? Kute!

Tihlabelelo 51:5

Empeleni ngatalwa vele ngisesonweni, ngaba soni kusukela make atsatsa sisu.

Tihlabelelo 58:3

Bantfu lababi batsi batalwa nje, babe bangenela indlela lembi, bacale emanga.

Tihlabelelo 58:4

Sihlungu sabo sinjengesihlungu senyoka, banjengaphemphetfwane lovale tindlebe takhe,

Eksodusi 29:18

Sonkhe lesihhanca usishisele etikwelilati sibe ngumnikelo wekushiswa kuSimakadze. Lelo liphunga lelinuka lusi lolumnandzi kuSimakadze, umnikelo lowentiwa ngemlilo kuSimakadze.

Eksodusi 29:25

Ubobe sewuyakutsatsa kubo ukushisele etikwemnikelo wekushiswa loselatini. Lelo liphunga lelinuka lusi lolumnandzi kuSimakadze, umnikelo lowentiwa ngemlilo kuSimakadze.

Taga 20:9

Ngubani longasho atsi: “Inhlitiyo yami ngiyigcine imsulwa, ngihlantiwe esonweni sami”?

Umshumayeli 7:20

Kute nome munye umuntfu lolungile emhlabeni lowenta lokuhle kuphela, kubete lakonako.

Isaya 47:12

“Chubeka-ke manje nalamaloyo akho, nebunyenti bekutsakatsa kwakho, lowakushikashikela kusukela ebuntfwaneni; mhlawumbe uyawuphumelela, encenye utibangele kwesaba titsa takho.

Isaya 47:15

Nguloko nje kuphela labangakwentela kona, labo lebewushikashikeka nabo, solomane uhambisene nabo kusukela ebuntfwaneni. Ngulowo nalowo atichubekela ngekwakakhe kona; kute namunye longakusindzisa.”

Isaya 48:8

Anikeva, futsi anikacondzi, kusukela endvulo tindlebe tenu tatisolomane tivalekile. Empeleni bengati kahle hle kutsi naniyengana kanjani, nanibitwa ngekutsi nibahlubuki kusukela ekutalweni.

Isaya 53:6

Tsine sonkhe sedukile njengetimvu, ngulowo nalowo utihambele ngendlela yakhe, Simakadze wayetfwesa kona kwetfu sonkhe.

Isaya 65:6

“Buka la, kuhlala kubhaliwe embikwami, kutsi: Ngingeke ngibindze, kodvwa ngitakukhokhela ngalokugcwele, ngitakukhokhela ematsangeni abo,

Jeremiya 17:9

Inhlitiyo iyayengana ngetulu kwato tonkhe tintfo, futsi yonakele ngalokwengcile. Ngubani nje longayicondza?

Jeremiya 18:12

Kodvwa bayawuphendvula batsi: ‘Akunamsebenti. Sitatichubekela ngemasu etfu, ngulowo nalowo wetfu utatichubekela ngenkhani yenhlitiyo yakhe lembi.’ ”

Jeremiya 8:6

Ngibalalele kahle hle, kodvwa abakhulumi lokulungile. Kute namunye lophendvukako ebubini bakhe, atibute, atsi: “Ngenteni kantsi?” Ngulowo nalowo utihambela ngendlela yakhe njengelihhashi nalihlasela ekulweni.

Hezekeli 20:41

Ngiyawunemukela njengeliphunga lelimnandzi lemphepho, nanginikhipha emkhatsini wetive, nginibutsa emaveni lapho benisakatelwe khona, ngiyawutibonakalisa mine ngingcwele emkhatsini wenu emehlweni etive.

Levithikusi 1:13

Lomuntfu kufanele ageze loku kwangekhatsi kwayo nemilente yayo; umphristi bese ushisa wonkhe lomhlatjelo etikwelilati. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.

Levithikusi 1:17

Utalibamba ngetimphiko totimbili alidzabule ekhatsi ngaphandle kwekuhluphula timphiko talo, bese ulishisa lonkhe etikwetinkhuni letivutsako letiselatini. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.”

Levithikusi 1:9

Lomuntfu kufanele ageze loku kwangekhatsi nemilente; umphristi bese ushisa wonkhe lomhlatjelo etikwelilati. Loku kungumnikelo wekushiswa, umnikelo lowentiwa ngemlilo, liphunga lelinuka lusi lolumnandzi kuSimakadze.

Levithikusi 26:31

Emadolobha enu ngiyakuwenta abe tindzala, netindzawo tenu tekukhontela ngitente tibe lihlane, kantsi neliphunga lelinuka lusi lelimnandzi leminikelo yenu yekushiswa ngingeke ngilemukele.

Levithikusi 4:31

Uyawube sewukhipha onkhe emanoni ayo, njengobe enta nakukhishwa emanoni kuletilwane temnikelo wekuthula. Umphristi uyawube sewuwashisela elatini, khona kutawuba liphunga lelinuka lusi lolumnandzi kuSimakadze, uyawumentela kanjalo-ke inhlawulo yekubuyisana naSimakadze, bese-ke lomuntfu uyatsetselelwa sono sakhe.

Levithikusi 8:28

Mosi watsatsa lokudla kubo wakushisela elatini, etikwemnikelo wekushiswa, waba ngumnikelo wekugcotjwa lowentiwa ngemlilo, kwaba liphunga lelinuka lusi lolumnandzi kuSimakadze.

Numeri 15:3

nibobe seniletsa iminikelo leyentiwa ngemlilo kuSimakadze, ibe yetinkhomo, nome yetimbuti, nome yetimvu, kube liphunga lelinuka lusi lolumnandzi kuSimakadze. Kungaba ngumnikelo wekushiswa, nome umhlatjelo wekugcwalisa setsembiso lesitsite, nome umnikelo wesihle, nome iminikelo yemikhosi.

Matewu 15:19

Ngobe enhlitiyweni kuvela imicabango lemibi, nekubulala, nekuphinga, nebugwadla, nekuba, nekucalemanga, nekuhlambalata.

Johane 3:6

Loko lokutelwe yinyama kuyinyama, naloko lokutelwe nguMoya kungumoya.

KubaseRoma 1:21

ngobe batsi kantsi Nkulunkulu bayamati bangete bambonga bamnike neludvumo lolumfanele njengaNkulunkulu. Esikhundleni saloko imicabango yabo yaba lite, netinhlitiyo tabo taba mnyama.

KubaseRoma 3:23

Bonkhe bantfu bonile, bakhashane kakhulu nenkhatimulo yaNkulunkulu.

2 kubaseKorinthe 2:15

Ngempela siliphunga lelimnandzi laKhristu kuNkulunkulu, emkhatsini walabasindziswako nasemkhatsini walabasendleleni lebange ekubhujisweni.

Kubase-Efesu 5:2

Niphile imphilo yelutsandvo, njengobe naKhristu asitsandza watinikela ngenca yetfu, waba ngumnikelo nemhlatjelo loliphunga lelimnandzi kuNkulunkulu.

KubaseFiliphi 4:18

Ngemukele konkhe ngalokungetulu, ngenelisekile ngetipho lengitinikwe ngu-Ephafrodithu tichamuka kini, letingumnikelo longemakha lamnandzi, umhlatjelo lowemukelekako nalojabulisako kuNkulunkulu.

1 yaJohane 5:19

Siyati kutsi sibaNkulunkulu nekutsi umhlaba wonkhe ungephansi kwemandla aLomubi.

1 Samuweli 26:19

Nkhosi! Inkhosi yami ayilalele emavi enceku yayo. Nangabe nguSimakadze lokutjotjotele kutsi ungibulale, kulungile-ke, akawutsatse lowo mnikelo. Kodvwa noko nangabe loko kwentiwe bantfu, ababe ngulabacalekisiwe kuSimakadze! Manje sebangikhiphile eveni lekusabelo sami, efeni laSimakadze, batsi: ‘Hamba uyewukhonta labanye bonkulunkulu.’