Genesisi 6:6 - Siswati 1996 Bible

⁶ Simakadze watisola ngekudala kwakhe umuntfu kutsi abe khona emhlabeni, wadzabuka enhlitiyweni yakhe.

Genesisi 6:6 Referencias Cruzadas

Genesisi 6:7

Ngako Simakadze watsi: “Ngitabacitsa labantfu lengibadalile emhlabeni; yebo, bantfu, netifuyo, netilwane letihamba ngesisu, netinyoni letindiza emoyeni, ngobe sengiyatisola ngekutsi ngakwenta.”

2 Samuweli 24:16

Kwatsi nje ingilosi yaSimakadze nayelula sandla sayo seyitawubhubhisa iJerusalema, Simakadze wadzabuka, nakabona lobusacasaca bekufa kwesive sakhe, wase ukhuluma kulengilosi yakhe leyayibulala labantfu, watsi: “Sekwenele! Susa sandla sakho!” Ngaleso sikhatsi lengilosi yaSimakadze yase ime ebaleni lekubhulela kolo laka-Arawuna, umJebhusi.

1 Tikhronike 21:15

Nkulunkulu watfumela ingilosi kutsi iyewubhubhisa iJerusalema. Kodvwa ingilosi yatsi isakwenta loko, Simakadze wakubona, wadzabuka ngalobusacasaca lobabehlela bantfu bakhe, wase utsi kulengilosi leyayibhubhisa bantfu: “Sekwenele! Susa sandla sakho.” Ngaleso sikhatsi ingilosi yaSimakadze yase ime ngasebaleni lekubhulela kolo laka-Arawuna, umJebhusi.

Tihlabelelo 106:45

Wabevela, wasikhumbula sivumelwane sakhe, ngenca yemusa wakhe lomkhulu wabuye wabahawukela.

Tihlabelelo 110:4

Simakadze wafunga, futsi angeke agucuke, watsi: “Wena ungumphristi loyawuhlala akhona kuze kube phakadze ngekuma kwaMelkhisedeki.”

Tihlabelelo 119:158

Nangibuka tihlubuki, ngifikelwa kumangala, ngobe atiyigcini imiyalo yakho.

Tihlabelelo 78:40

Kukanyenti kangakanani bamhlubuka ehlane, bamdzabukisa ehlane kalashameshame.

Tihlabelelo 81:13

Maye, kube sive sami siyangilalela na-Israyeli ahambe etindleleni tami!

Tihlabelelo 95:10

Iminyaka lengemashumi lamane nganengwa nguleso sive, ngadzimate ngatsi: ‘Basive, lesinhlitiyo yaso yedukile, abaticaphelanga tindlela tami.’

Eksodusi 32:14

Ngako Simakadze wagucula umcondvo wakhe, wangabe asababhubhisa bantfu bakhe.

Isaya 48:18

Kube mane naniyilalela imiyalo yami, kuthula nenhlalakahle yenu ngabe kunjengemifula, kulunga kwenu kube njengemagagasi elwandle.

Isaya 63:10

Noko, bamhlubuka, badzabukisa Moya wakhe Longcwele. Ngako-ke wagucuka waba sitsa sabo, yena cobo lwakhe walwa nabo.

Jeremiya 18:7

Nome ngangusiphi sikhatsi nangimemetela kutsi sive nome umbuso utawuzushunwa, ubhidlitwe uze ubhubhe,

Jeremiya 26:19

“Kungabe kambe Hezekiya, inkhosi yakaJuda, yena nome-ke lomunye nje wakaJuda wambulala yini? Hezekiya akazange yini esabe Simakadze wafuna sihawu saSimakadze? Akazange agucuke yini yena Simakadze kwekutsi angabe asasehlisa lesehlakalo labesasishito kubo? Tsine nje sesitakwehlisela sehlakalo lesibi etikwetfu!”

Hezekeli 33:11

Khuluma kubo utsi: ‘Ngifunga kuphila kwami, kusho iNkhosi Simakadze, angikujabuleli kufa kwalomubi, kodvwa ngitsandza kutsi agucuke etindleleni takhe letimbi aphile. Gucukani! Gucukani etindleleni tenu letimbi! Ningafelani, ninendlu yaka-Israyeli?’

Hoseya 11:8

“Ngingakuyekelela kanjani, wena Efrayimu? Ngingakulahla kanjani, wena Israyeli? Ngingakuphatsa kanjani njenga-Adma? Ngingakwenta kanjani ufanane naSeboyimu? Inhlitiyo yami iguculiwe ngekhatsi kwami; sonkhe sihawu sami sivuselelekile.

Joweli 2:13

Dzabulani tinhlitiyo tenu, hhayi tembatfo tenu. Buyelani kuSimakadze Nkulunkulu wenu, ngobe unemusa nesihawu, uyephuta kutfukutsela, unelutsandvo loluphuphumako, atsambe, angete ayehlisa inhlekelele.

Jona 3:10

Watsi kube Nkulunkulu abone loko labasebakwentile, kutsi batishiye tindlela tabo letimbi, watisola ngalokubi labeshito kutsi utabehlisela kona. Akazange abajezise.

Malakhi 3:6

“Mine, Simakadze, angigucuki. Ngako nani titukulwane taJakobe, anikabhujiswa.

Numeri 23:19

Nkulunkulu akasiye umuntfu kutsi angacala emanga, futsi akasiyo indvodzana yemuntfu legucukako engcondvweni yayo. Uyakhuluma yini angabe asenta? Uyetsembisa yini angabe asasifeza setsembiso sakhe?

KubaseRoma 11:29

Phela Nkulunkulu akakuguculi kwephana kwakhe kwamahhala nekubita kwakhe.

Kubase-Efesu 4:30

Ningamdzabukisi Moya Longcwele waNkulunkulu lenabekwa luphawu ngaye kudzimate kube lilanga lekuhlengwa.

Dutheronomi 32:29

Kube mane bebangahlakanipha, bakucondze loku, bakhanyelwe kutsi siphetfo sabo sitakuba yini!

Dutheronomi 32:36

Simakadze uyawusehlulela sive sakhe. Unesihawu etincekwini takhe, nase abone kutsi emandla ato aphelile, sekute namunye losasele, sigcili nome lokhululekile.

Dutheronomi 5:29

Yebo, shangatsi tinhlitiyo tabo tingatsambela ekungesabeni, bagcine imiyalo yami ngaso sonkhe sikhatsi, khona kutawubahambela kahle bona nebantfwababo kuze kube phakadze!

KumaHebheru 3:10

Nguloko-ke lokwangicansula kulabo bantfu baleto tikhatsi, ngadzimate ngatsi: ‘Solomane bayeduka ngemicabango yabo, netindlela tami abaticondzi.’

KumaHebheru 3:17

Bobani laba labamcansula iminyaka lengema-40? Bekungesibo yini labo labona bafela ehlane?

YaJakobe 1:17

Tonkhe tipho letinhle naletiphelele tivela ngetulu, tiphuma kuBabe uMdali wetibane tasesibhakabhakeni, lote kugucugucuka, njengobe tona tigucuka, tibohle tisishiya ebumnyameni.

1 Samuweli 15:11

“Sengiyatisola kutsi Sawula ngamenta inkhosi, ngobe sewungihlubukile, wangete wayigcina imiyalo yami.” Samuweli wakhatsateka kakhulu, wakhala kuSimakadze bonkhe lobo busuku.

1 Samuweli 15:29

Lowo Loyinkhatimulo yema-Israyeli akawacali emanga nome agucule umcondvo wakhe; ngobe akasiye umuntfu kutsi angaze agucule umcondvo wakhe.”

1 Samuweli 15:35

Samuweli waze wafa seloku angayi kuyawubona Sawula, kodvwa waphatseka kabi ngaye. Simakadze watisola ngekutsi abente Sawula kutsi abe yinkhosi yema-Israyeli.