Genesisi 6:11 - Siswati 1996 Bible

¹¹ Umhlaba wawonakele emehlweni aNkulunkulu; umhlaba wawugcwele budlova.

Genesisi 6:11 Referencias Cruzadas

Genesisi 10:9

Abengumtingeli lonemandla kakhulu embikwaSimakadze, ngako-ke kutsiwa: “NjengaNimrodi umtingeli labenemandla embikwaSimakadze.”

Genesisi 13:13

Kepha bantfu baseSodoma babekhohlakele, bona kakhulu kuSimakadze.

Genesisi 6:10

Nowa abenemadvodzana lamatsatfu: BekuboShemi, naHhamu, naJafethi.

Genesisi 7:1

Simakadze watsi kuNowa: “Ngena emkhunjini wena nendlu yakho, ngobe sengibonile kutsi nguwe wedvwa lolungile kulesitukulwane.

2 Tikhronike 34:27

Njengobe inhlitiyo yakho itsintsekile, wase uyatitfoba embikwaNkulunkulu, nawuva kutsi abetsiteni ngalendzawo kanye nangebantfu bayo, ngobe wena utitfobile embikwami, waklebhula tingubo takho, wakhala embikwami, ngikuvile, kusho Simakadze.

Tihlabelelo 11:5

Simakadze uyamvivinya lolungile, kodvwa uyamtondza lomubi nalotsandza budlova.

Tihlabelelo 140:11

Shangatsi labo labacambela labanye emanga, bangete baphumelela. Shangatsi bubi bungahlasela tidlova.

Tihlabelelo 55:9

Hhawu, Simakadze, citsa lusongo lwabo, uphambanise inkhulumo yabo, ngobe ngibona umbango nekuphikisana kulelidolobha.

Eksodusi 32:7

Simakadze wakhuluma kuMosi watsi: “Ncandzeka wewuke, ngobe labantfu bakho lowabakhipha eveni laseGibhithe sebonakele.

Isaya 60:18

Akuseyiwuba nekulwa eveni lakho, kuyawubate incitsakalo nembhubhiso emikhawulweni yelive lakho. Kodvwa uyawubita tibondza takho ngekutsi yiNsindziso, nemasango akho ngekutsi Ludvumo.

Jeremiya 6:7

Njengemtfombo umpompota emanti awo, nalo liwukhafula kanjalo-ke umonakalo walo. Budlwangudlwangu nembhubhiso kuhokoma kulo, kugula kwalo nemanceba alo asembikwami njalo.

Hezekeli 28:16

Ngekutsengisa kwakho lokunyenti wagcwala budlova, wase uyona. Ngako ngakulahla ngobe ungcolile ngekwemtsetfo, ngakususa entsabeni yaNkulunkulu, ngakucosha, awu, kherubhi lelalingumelusi, wesuka emkhatsini wematje emlilo.

Hezekeli 8:17

Watsi kimi: “Ndvodzana yemuntfu, ukubonile loko? Kuyintfo lencane yini kutsi indlu yakaJuda yente letintfo letisinengiso kangaka labatentako lapho? Kufanele yini kutsi nabo baphindze bagcwalise nelive ngebudlwangudlwangu bachubeke nekungichukuluta kutsi ngitfukutsele? Ase ubabuke nje, nase bahlohlela ligala emakhaleni abo!

Habakhuki 1:2

Awu, Simakadze, kuyawudzimate kube ngunini solo ngikhala ngicela lusito, kodvwa wena solomane ungalaleli? Kuyawudzimate kube ngunini ngimemeta ngikhala kuwe ngitsi: “Budlwangudlwangu!” kodvwa wena ungasindzisi?

Habakhuki 2:17

Lobudlova lobente kuyo iLebanoni buyawukwehlula, nekubhubhisa kwakho tilwane kuyawukwesabisa. Ngobe ucitse ingati yebantfu, wabhubhisa emave nemadolobha kanye nabo bonkhe labebahlala kuwo.

Habakhuki 2:8

Njengobe uphange tive letinyenti, letive letisele tiyawukuphanga nawe. Ngobe ucitse ingati yebantfu, wabhubhisa emave nemadolobha kanye nabo bonkhe labebahlala kuwo.

Lukha 1:6

Bobabili babephila imphilo lengcwele kuNkulunkulu, babeyigcina yonkhe imiyalo nemitsetfo yeNkhosi.

KubaseRoma 2:13

Ngobe akusibo labawuvako umtsetfo labalungile kuNkulunkulu, kepha ngulabo labawentako umtsetfo labayakwemukelwa nguNkulunkulu ngekutsi balungile.

KubaseRoma 3:19

Siyati kutsi konkhe lokusemtsetfweni kucondzene nalabo labangephansi kwawo, khona kutewuvinjwa tonkhe taba tebantfu, nemhlaba wonkhe utfolakale unelicala kuNkulunkulu.

Dutheronomi 31:29

Ngobe ngiyati kutsi emvakwekufa kwami nakanjani niyawuba babi kakhulu, nize niphambuke nakulendlela lenginiyale kutsi nihambe ngayo. Kulamalanga letako, nitakwehlelwa tigemegeme letimbi, ngobe niyakwenta bubi embikwaSimakadze nimtfukutselise ngaloko tandla tenu letikwentile.”

Tikhulu 2:19

Kodvwa kwakutsi nje sikhulu singafa, bantfu babuyele etindleleni tabo letimbi kakhulu kunetaboyise, balandzele labanye bonkulunkulu, babakhonte, bakhotsame kubo. Bala kwehlukana netindlela tabo letimbi, nemikhuba yabo, nenkhani yabo.