Genesisi 50:10 - Siswati 1996 Bible

¹⁰ Batsi nabefika ka-Athadi ebaleni lekubhulela emabele ngesheya kwe-Jordane, bakhala kabuhlungu. Josefa wenta imisimeto yekulila emalanga lasikhombisa.

Genesisi 50:10 Referencias Cruzadas

Genesisi 27:41

Esawu wamtondza Jakobe ngenca yesibusiso labesitsatse kuyise, wadzimate watsi enhlitiyweni yakhe: “Emalanga ekulilela babe asayasondzela, emvakwawo Jakobe, umnaketfu, ngitambulala.”

Genesisi 50:11

Kwatsi kube emaKhenani, takhamiti takulelo live, bakubone lokulila, ebaleni laka-Athadi, atsi: “Maye, lokulila kwemaGibhithe kubuhlungu bo!” Ngako-ke, lendzawo yetsiwa libito ngekutsi yi-Abela Misrayimu; ingesheya kwemfula iJordane.

Genesisi 50:3

Lesidvumbu sasetjentwa emalanga langema-40 lekwakusikhatsi lesasidzingeka ekufezeni lowo msebenti. EmaGibhithe azilela Israyeli emalanga langema-70.

Genesisi 50:4

Kwatsi kube kuphele emalanga ekuzila, Josefa wakhuluma etindvuneni taFaro kutsi tiyewumbika kuFaro, watsi: “Ngicela ningibike kuFaro kutsi:

Genesisi 50:9

Wenyuka ngetincola kanye nebagibeli bemahhashi; kwaba sicumbi lesikhulu.

2 Samuweli 1:17

Davide washo nasi sililo, alilela Sawula nemsa wakhe Jonathani,

2 Samuweli 11:26

Umka-Uriya watsi kube eve kutsi indvodza yakhe seyifile, wayizilela.

1 Tikhronike 10:12

tonkhe tihlabani takhona tashuca tayakutsatsa letidvumbu taboSawula kanye nemadvodzana akhe batimikisa eJabeshi. Tase tingcwaba ematsambo abo ngaphansi kwesihlahla lesikhulu saseJabeshi, tazila emalanga lasikhombisa.

Jobe 2:13

Bahlala naye phansi emhlabatsini emalanga lasikhombisa nebusuku bakhona. Kute nome munye lowase wakhuluma lutfo kuye, ngobe babebona buhlungu lobukhulu labekubo.

Umshumayeli 12:5

ngesikhatsi bantfu besaba konkhe lokuphakeme, kanye netingoti tasetitaladini, ngesikhatsi tihlahla te-alimondi setichakaza, nentsetse itotoba endleleni yayo, nenkhabunkhabu iphela. Umuntfu uya ekhaya lakhe laphakadze, labalilako bazulazula etitaladini.

Numeri 19:11

“Umuntfu loyawutsintsa sidvumbu nome ngabe sabani uyawuba ngulongcolile ngekwemtsetfo emalanga lasikhombisa.

Numeri 20:29

Sonkhe sive saka-Israyeli satsi kube sive kutsi Aroni sewufile, samlilela emalanga langema-30.

Imisebenti yebaPhostoli 8:2

Lamanye emadvodza lakholwako asingcwaba sidvumbu saStefano; akhala kakhulu amlilela.

Dutheronomi 1:1

Lawa-ke ngemavi aMosi lawakhuluma kuso sonkhe sive sema-Israyeli basesehlane ngasemphumalanga nemfula iJordane, e-Arabha, macondzana neSufi, emkhatsini wePharani neThofeli, neLabani, neHaserothi, neDizahabi.

Dutheronomi 34:8

Sive saka-Israyeli salilela Mosi ematsafeni akaMowabi emalanga langema-30, kwaze kwaphela leso sikhatsi sekukhala nekulila.

1 Samuweli 31:13

Tatsatsa ematsambo abo tayakuwangcwaba ngaphansi kwesihlahla selitamariske, eJabeshi, tazila emalanga lasikhombisa.