Genesisi 49:28 - Siswati 1996 Bible

²⁸ Tonkhe leti tive taka-Israyeli letili-12. Ngiwo lawa-ke emavi lakhulunywa nguyise asabavalelisa bonkhe ngamunye ngulowo amnika sibusiso lesifanele yena.

Genesisi 49:28 Referencias Cruzadas

Genesisi 35:22

Israyeli asahleti kuleyo ndzawo, Rubeni walala nenina lomncane, Bhilha, lomunye webafati beyise. Israyeli wakuva loko. Asawonkhe emadvodzana aJakobe abelishumi namabili.

Genesisi 49:27

“Bhenjamini uyimphisi lebefutelako; ekuseni uchwaga lakuphangile, entsambama akwabe loko lakuphangile.”

Genesisi 49:29

Jakobe wabe sewuyabayala utsi: “Sekusele kancane ngilandzele bokhokho. Ngicela ningingcwabe kubokhokho emhumeni losensimini ya-Efroni, umHethi.

1 Emakhosi 18:31

Elija watsatsa ematje lali-12, lilinye limele leso naleso sive lesasivela emadvodzaneni aJakobe, lapho kwefika khona livi laSimakadze kuye, mhlazana atsi: “Libito lakho kuyawuba ngu-Israyeli.”

Esta 8:11

Letincwadzi tatichaza kutsi inkhosi seyinike onkhe emaJuda kuwo onkhe emadolobha kutsi abe nelilungelo lekutivikela. Banikwa nelilungelo kutsi bativikele nabahlaselwa titsa nome kukuliphi live lalombuso, balwe naleto titsa, babulale bafati bato nebantfwabato, nakwenteka baticedze tonkhe badle ngisho netimphahla tato.

Esta 8:7

Inkhosi Ahashiveroshi wakhuluma kuModekhayi, na-Esta akhona, yatsi: “Asubuke la, sengimncumile loHamani labehlose kubhubhisa emaJuda; timphahla takhe sengitetfule etandleni ta-Esta.

Esta 8:9

Loku kwenteka ngelilanga lema-23, enyangeni yesitsatfu, lebitwa ngekutsi nguSivani. Modekhayi wabita bomabhalane benkhosi wabeka inkhulumo, bona bayibhala phansi. Letincwadzi tamikiswa kumaJuda, nebabusi, netindvuna, netiphatsimandla, nakuto tonkhe tifundza letatili-127, kusukela eNdiya kuze kufike eSudani. Letincwadzi tabhalwa ngelulwimi nangeluhlobo lwekubhala lwaleso naleso sifundza lapho tatiya khona, nakuwo emaJuda ngelulwimi lwawo nangeluhlobo lwekubhala kwawo.

Eksodusi 28:21

Kufanele kube nematje lali-12, ngulelo nalelo litje libe nelibito lendvodzana ya-Israyeli; ngulelo nalelo litje libekwe luphawu ngekusikwa kwelibito lesive setive letili-12 taka-Israyeli.

Numeri 23:24

Lesive sivuka njengelibhubesi lelisikati, siphakame njengenkunzi yelibhubesi, lelingaphumuli lingakayidli layicedza inyamatane leliyibambile, linatse nengati yaleto tinyamatane lelitibulele.”

Imisebenti yebaPhostoli 26:7

Ngiso lesetsembiso lesasibhekwe tive takitsi letili-12 kutsi sigcwaliseke, njengobe tikhonta Nkulunkulu ngesineke imini nebusuku. Nguleso setsembiso-ke, Nkhosi, langibeke licala ngaso emaJuda.

Dutheronomi 33:1

Lesi sibusiso Mosi, umuntfu waNkulunkulu, labusisa ngaso ema-Israyeli ngaphambi kwekufa kwakhe.

YaJakobe 1:1

Lencwadzi iphuma kuJakobe, inceku yaNkulunkulu neyeNkhosi Jesu Khristu. Iya etiveni letili-12 letisakatekile. Ngiyanibingelela.

Sembulo 7:4

Ngase ngitjelwa sibalo salababekwe luphawu kutsi bati-144 000. Babephuma kuto tonkhe tive taka-Israyeli: