Genesisi 49:26 - Siswati 1996 Bible

²⁶ Tibusiso teyihlo tinemandla kunetibusiso letiphuma etintsabeni taphakadze, tendlula ngisho nenala yasetintsabeni. Shangatsi tonkhe letibusiso tingehlela etikwaJosefa nasebuntini lakhe lowehlukaniswa kubomnakabo.

Genesisi 49:26 Referencias Cruzadas

Genesisi 37:28

Kwatsi nase kwendlula bahwebi bemaMidiyani, Josefa bamkhipha kulomgodzi, bamtsengisa kulama-Ishmayeli ngetinhlavu tesiliva letatingemashumi lamabili. Ema-Ishmayeli ahamba naye aya eGibhithe.

Genesisi 37:8

Labomnakabo bambuta batsi: “Usho kutsi wena utawuba yinkhosi ubuse etikwetfu?” Bachubeka bamtondza kakhulu ngenca yemaphupho akhe nenkhulumo yakhe.

Genesisi 49:27

“Bhenjamini uyimphisi lebefutelako; ekuseni uchwaga lakuphangile, entsambama akwabe loko lakuphangile.”

Tihlabelelo 132:18

Titsa takhe ngiyawutembesa ngelihlazo, kodvwa umbuso wakhe uyawuphumelela uchume.”

Tihlabelelo 89:36

Intalo yakhe iyawuma kuze kube phakadze, nesihlalo sakhe sebukhosi asiyiwugucuka, siyawuma njengelilanga lelisembikwami.

Isaya 54:10

Nome tintsaba tingatanyatanyiswa nemagcuma esuswe, noko lutsandvo lwami lolungapheli lengikutsandza ngalo, lungeke lutanyatanyiswe, nesivumelwane sami sekuthula singeke sisuswe,” kusho Simakadze lonesihawu kuwe.

Isaya 66:5

Vanini livi laSimakadze, nine lenitfutfumeliswa livi lakhe, utsi: “Bomnakenu labanitondzako banikhiphe inyumbazana ngenca yeLibito lami, batsite: ‘Akadvunyiswe Simakadze, kuze sitewubona injabulo yenu!’ Noko bayawutseleka ngelihlazo.

Jona 2:6

Ngehlela emajukujukwini emhlaba, live lelimasango alo ahlala akhiyiwe kuze kube phakadze; kodvwa imphilo yami wayenyula emgodzini, Simakadze, Nkulunkulu wami.

Habakhuki 3:6

Nakema, kunyikanyika umhlaba, nakabuka, kutfutfumela tive. Tintsaba takudzala tiyahhihlika, nemagcuma akadzenidzeni ayagocana. Tindlela takhe taphakadze naphakadze.

Numeri 6:2

“Tjela sive sema-Israyeli utsi: ‘Nome ngubani lomdvuna nome lomsikati, loyakwenta setsembiso sekuba ngumNaziri ngekutehlukanisela Simakadze,

Imisebenti yebaPhostoli 7:9

“Bokhokho baba nemona ngaJosefa, bamtsengisa njengesigcili eGibhithe. Kodvwa Nkulunkulu waba naye,

Kubase-Efesu 1:3

Akabongwe Nkulunkulu longuYise weNkhosi yetfu Jesu Khristu, ngobe usibusise kuKhristu ngato tonkhe tibusiso taMoya tasezulwini.