Genesisi 49:24 - Siswati 1996 Bible

²⁴ Kodvwa butjoki bakhe buhlala bucinile, imikhono yakhe iciniswa tandla taLonemandla waJakobe, nguMelusi loliDvwala laka-Israyeli.

Genesisi 49:24 Referencias Cruzadas

Genesisi 45:11

Ngitaninakekela kahle nanilapho, ngobe kusasele iminyaka lesihlanu yendlala. Angifuni kutsi wena nendlu yakho nako konkhe nife nibulawe yindlala.’ ”

Genesisi 45:5

Kodvwa ningakhatsateki futsi ningahlupheki ngekutsi nangitsengisa la. Empeleni nguNkulunkulu lowangitfumela kutsi ngite kulendzawo. Abentela kutsi nginendvulele ngekuta lapha ngitewusindzisa timphilo tebantfu.

Genesisi 45:7

Ngako nguNkulunkulu lowatsi anginendvulele ngekuta lapha, kuze anilondvolote nibe yinsali emhlabeni, nisindziswe kube kukhululwa lokukhulu.

Genesisi 47:12

Josefa wapha uyise kudla, wapha nabomnakabo, nemndeni weyise; kwaya ngebunyenti babo.

Genesisi 48:15

Jakobe wabe sewubusisa Josefa, watsi: “Shangatsi Nkulunkulu wabobabe, lowakhontwa bo-Abrahama na-Isaka, yena loNkulunkulu longihole kuyo yonkhe imphilo yami, kwaze kwaba ngulamuhla, angababusisa labafana.

Genesisi 49:23

Titsa takhe timhlasela ngalokwesabekako, timcoshe ngebutjoki nangemicibisholo.

Genesisi 50:21

Ngako-ke ningesabi. Nine nebantfwabenu ngitaniphatsa ngetandla letifutfumele.” Ngalenkhulumo wabanika siciniseko, tinhlitiyo tabo tadvudvuteka.

2 Samuweli 5:2

Kadzeni, ngesikhatsi Sawula aseyinkhosi etikwetfu, nguwe lowawuhola sive sema-Israyeli nasiyekulwa etimphini. Simakadze wakhuluma kuwe, watsi: ‘Wena utawuba ngumelusi wesive sami ema-Israyeli, ube ngumbusi waso.’ ”

2 Emakhosi 13:16

Elisha watjela inkhosi, watsi: “Bamba lobutjoki ngetandla takho.” Yatsi inkhosi nase ibubambile, Elisha wabeka takhe tandla etikwaleti tenkhosi.

Nehemiya 6:9

Bonkhe babetama kusesabisa bacabanga batsi: “Tandla tabo titawuba butsakatsaka tingabe tisasebenta, lomsebenti ungabe usaphela.” Kodvwa ngathandaza ngatsi: “Nkulunkulu, cinisa tandla tami.”

Jobe 29:20

Inkhatimulo yami iyawuhlala iyinsha njalo kimi, nebutjoki bami buhlale bubusha njalo esandleni sami.’

Tihlabelelo 118:22

Litje lekwakha lelaliwa bakhi, ngobe batsi alinamsebenti, seligucuke laba litje lekusimisa indlu.

Tihlabelelo 132:1

Yebo, Simakadze, khumbula Davide, kanye nato tonkhe tinhlupheko takhe.

Tihlabelelo 132:2

Khumbula tifungo takhe kuSimakadze, netetsembiso latenta kuSomandla waJakobe nakatsi:

Tihlabelelo 132:5

ngingakamtfoleli Simakadze indzawo, ngakhe likhaya laSomandla waJakobe.”

Tihlabelelo 18:1

Ngiyakutsandza, Simakadze, wena, longemandla ami.

Tihlabelelo 18:30

Indlela yaNkulunkulu ilungile, livi laSimakadze letsembekile. Yena usihlangu sabo bonkhe labaphephela kuye.

Tihlabelelo 23:1

Simakadze ngumelusi wami, ngeke ngeswele lutfo.

Tihlabelelo 27:14

Tsemba kuSimakadze, cina ungadzangali, ube nesibindzi. Yebo, tsemba kuSimakadze.

Tihlabelelo 28:8

Simakadze ungemandla ebantfu bakhe, usiphephelo sekusindzisa logcotjiwe wakhe.

Tihlabelelo 44:7

Kodvwa wena usisindzisile kulabamelene natsi, wabajabhisa labo labasitondzako.

Tihlabelelo 73:23

Noko-ke mine ngihlala nawe onkhe emalanga, ungibambe ngesandla sami sekudla,

Tihlabelelo 80:1

Sive, Melusi waka-Israyeli, wena lohola Josefa njengemhlambi wetimvu. Wena lohlala emkhatsini wemakherubhi, bonakala ngekukhatimula kwakho.

Tihlabelelo 89:1

Yebo, Simakadze! Ngiyawuhlabela kuze kube phakadze ngemisebenti yemusa wakho. Kwetsembeka kwakho ngiyawukumemetela ngemlomo wami etitukulwaneni nasetitukulwaneni.

Eksodusi 3:6

NginguNkulunkulu wabokhokho bakho: Nkulunkulu wa-Abrahama, naNkulunkulu wa-Isaka, naNkulunkulu waJakobe.” Mosi wambonya buso bakhe, ngobe esaba kubukana naNkulunkulu.

Isaya 1:24

Ngako-ke iNkhosi Simakadze lenguSomandla, lowo longuMnikati Wemandla waka-Israyeli utsi: “Awu, ngitake ngiphumule etitseni tami, ngitiphindzisele kulabangitondzako.

Isaya 28:16

Ngako-ke naku lokushiwo nguSimakadze longuSomandla, utsi: “Buka la, ngibeka litje eSiyoni, litje lelihloliwe, litje leliligugu lekusimisa indlu, lelisisekelo lesetsembekile sendlu; lowo lowetsembele kimi ngeke ajabhe.

Isaya 29:24

Labo labanhlanhlatselako emoyeni bayawuba nelwati, labo labakhononako bayakwetsabela kufundziswa.”

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 49:26

Bacindzeteli bakho ngiyakubenta badle inyama yemtimba wabo, bayawudzakwa kunatsa ingati yabo kube shangatsi bebanatsa liwayini. Tive tonkhe-ke tiyawube setiyati kutsi mine Simakadze nginguMsindzisi wakho, uMhlengi wakho, longuSomandla waJakobe.”

Isaya 60:16

Uyawunatsa lubisi lwetive, umunyiswe emabeleni ebukhosi. Uyawube sewuyati-ke kutsi mine, Simakadze, nginguMsindzisi wakho, nekutsi Somandla wakaJakobe unguMhlengi wakho.

Zakhariya 10:12

Baka-Israyeli ngiyawubacinisa kuSimakadze, nabo bayawuhamba kulo Libito lakhe,” kusho Simakadze.

Zakhariya 3:9

Buka, litje lengilimise embikwaJeshuwa. Kunemehlo lasikhombisa kulelitje linye, mine ngitawucopha umbhalo kulo, nesono salelive ngiyawusisusa ngalanga linye,’ kusho Simakadze longuSomandla.

Matewu 21:42

Jesu watsi kubo: “Anizange nifundze yini emiBhalweni kutsi: “ ‘Litje lelaliwa bakhi, ngobe batsi alinamsebenti, ligucuke laba litje lekusimisa indlu? Loko kwentiwa yiNkhosi. Maye, kuyasimangalisa!’

Makho 12:10

“Anifundzanga yini kulomBhalo lotsi: “ ‘Lelo litje lelaliwa bakhi, ngobe bebatsi alinamsebenti, seligucuke laba litje lekusimisa indlu?

Lukha 20:17

Kodvwa Jesu wababuka, wase uyababuta utsi: “LomBhalo uchazani? “ ‘Litje lelaliwa bakhi ngobe batsi alinamsebenti, seligucuke laba litje lekusimisa indlu.’

Imisebenti yebaPhostoli 4:11

“Jesu nguye umBhalo lokhuluma ngaye kutsi: ‘Litje lenaledzelela, nine bakhi, selijike laba litje lesisekelo.’

KubaseRoma 14:4

Ungubani wena kutsi ungehlulela sisebenti salomunye? Kuma nekuwa kwaso kwenkhosi yaso; kodvwa siyakuma ngobe iNkhosi inemandla ekusimisa.

Kubase-Efesu 2:20

Lendlu yakhelwa etikwesisekelo sebaphostoli nebaphrofethi; Jesu Khristu lucobo ulitje lelisimise lendlu.

Dutheronomi 32:4

“Yena uLidvwala, imisebenti yakhe iphelele; yebo, netindlela takhe tonkhe tilungile. Nkulunkulu lowetsembekile longakwenti lokubi, ucotfo akakhetsi muntfu.

Dutheronomi 33:27

Nkulunkulu waphakadze siphephelo sakho, ngaphansi ngimikhono yaphakadze. Uyawucosha titsa takho embikwakho, akhulume atsi: ‘Tibhubhise!’

Dutheronomi 34:9

Joshuwa, umsa waNuni, abesagcwaliswe ngaMoya wekuhlakanipha, ngobe Mosi abeke wabeka tandla takhe etikwakhe. Ngako-ke sive sema-Israyeli samlalela senta loko Simakadze labeyale Mosi kutsi sikwente.

KubaseKholose 1:11

Sinincusela kutsi Nkulunkulu anicinise ngemandla ebukhosi bakhe, kuze kutsi nome sekuvelani kodvwa nine nisime, nime, nibeketele ngekujabula,

2 kuThimothi 4:17

Kodvwa iNkhosi yema nami yangicinisa kuze inshumayelo yami ipheleliselwe ngami, nebetive beve. Ngako-ke ngakhululwa emlonyeni welibhubesi.

Joshuwa 17:18

kodvwa ninikwa nalelive letintsaba lelinemahlatsi. Lihhehleni lonkhe lelihlatsi nitsatse yonkhe leyo ndzawo ibe yenu, kuze kuyewufika lapho ligcina khona; nome emaKhenani anetincola tetinsimbi kantsi acinile, kodvwa nine ningawadvungulula niwacitse.”

Tikhulu 1:22

Umndeni wakaJosefa nawo wahlasela iBetheli, kantsi futsi naSimakadze abenawo.