18 “Simakadze, ngilindzele insindziso yakho.
Dani uyawuba yinyoka eceleni kwemgwaco, abe yinyoka lenesihlungu eceleni kwendlela, lehlalela kuluma titsendze telihhashi, kuze umgibeli walo awe nyova.
Yebo, Simakadze, ngetsemba insindziso yakho, ngiyayenta imiyalo yakho.
Ngomele insindziso yakho, Simakadze, nemtsetfo wakho ukujabula kwami.
Shangatsi ungangiphatsa ngemusa wakho, Simakadze; ungigone ngensindziso yakho njengekwesetsembiso sakho.
Yebo, njengobe inceku yencike enkhosini yayo, nanjengobe umzanyana encike kumphatsi wakhe, natsi-ke sincike kuSimakadze, longuNkulunkulu wetfu, aze abe nesihawu kitsi.
Lusito lwaSimakadze, ngilubheke ngalabovu, umphefumulo wami uyawumlindzela. Ngiyaletsemba livi lakhe.
Shangatsi ingavela eSiyoni insindziso yesive sema-Israyeli. Mhlazana Nkulunkulu acedza lusizi lwebantfu bakhe, aphindze abahlumelelisa, Jakobe uyawujabula, Israyeli atfokote.
Lusito lwaNkulunkulu ngalulindzela ngesineke, wavula indlebe yakhe, wakuva kuncusa kwami.
Umphefumulo wami utithulele kuNkulunkulu kuphela, insindziso yami ivela kuye.
Mphefumulo wami, thula kuNkulunkulu, ngobe litsemba lami livela kuye.
Simakadze, sivise umusa wakho, usiphe insindziso yakho.
Simakadze uyingoma yami, nemandla ami, yena sewuyinsindziso yami. Nguye longuNkulunkulu wami, ngiyawudvumisa yena. Yena unguNkulunkulu wabobabemkhulu, ngiyawudvumisa bukhulu bakhe.
Umuntfu lomubi ucitfwa kutiphatsa kabi kwakhe; kodvwa lolungile uyasindza ngekuhlonipheka kwakhe.
Ngalelo langa bayakutsi: “Ngempela, lona nguNkulunkulu wetfu, besetsembela kuye, naye wasisindzisa. Lona nguSimakadze lebesetsembele kuye; asijabule sitfokote ngensindziso yakhe.”
Noko Simakadze ulangatelela kangaka kutsi abe nemusa kini. Uyaphakama kutsi anihawukele, ngobe Simakadze nguNkulunkulu lowehlulela ngemtsetfocotfo. Babusisiwe bonkhe labalindzela yena.
Awu Simakadze, bani nemusa kitsi; tsine silangatelela wena. Bani ngemandla etfu njalo nje ekuseni, nensindziso yetfu ngesikhatsi selusizi.
“ ‘Buya-ke nyalo, wente sivumelwane nemphatsi wami, inkhosi yase-Asiriya: Ngitakunika emahhashi lati-2 000, nawungaba nebantfu labangawagibela.
Ngitawulindzela Simakadze lofihla buso bakhe kuyo indlu yakaJakobe. Ngiyawubeka litsemba lami kuye.
Simakadze ulungile kulaba lababeke litsemba labo kuye, kulaba labamfunisisako.
Umhwebi usebentisa tikalo letingaketsembeki; uyakutsandza kukhwabanisa timali.
Kodvwa mine ngitakwetsembela kuSimakadze, ngilindzele Nkulunkulu ngesibindzi, ngobe nguye lotangiphephisa. Nkulunkulu wami utangiva.
Mariya utakutala indvodzana uyetse libito utsi nguJesu, ngobe nguye loyakusindzisa bantfu bakhe etonweni tabo.”
Josefa wase-Arimathiya, umhlonishwa walelo Liqoqo, labe ngulomunye walababelindzele umbuso waNkulunkulu, wacunga sibindzi waya kuPhilatu ayewucela sidvumbu saJesu.
Ingilosi yase itsi kuye: “Ungesabi, Mariya, ngobe utfole umusa kuNkulunkulu.
Ngaleso sikhatsi bekukhona indvodza leyayilungile yesaba Nkulunkulu, ihlala eJerusalema, libito layo kunguSimeyoni. Abelindzele indvudvuto ngensindziso yesive sema-Israyeli, Moya Longcwele abesetikwakhe.
ngobe emehlo ami asayibonile insindziso yakho
Indalo yonkhe ilindzele ngekulangatelela lokukhulu kutsi Nkulunkulu embule emadvodzana akhe.
Kodvwa nasetsemba loko lesingakuboni, sikulindzela ngekubeketela.
Tsine-ke sinelitsemba kutsi sitakwemukeleka kuNkulunkulu kutsi silungile, loko sikulindzele ngemandla aMoya Longcwele losebenta ngekukholwa.
Nonkhe nilindzele kuchamuka kweNdvodzana yakhe ezulwini, layivusa kulabafile. LeNdvodzana nguJesu losikhulula elulakeni lolutako.
