Genesisi 47:9 - Siswati 1996 Bible

⁹ Jakobe wamphendvula watsi: “Iminyaka yami yekuzulazula seyili-130. Leminyaka lembalwa inebulukhuni emphilweni yami. Noko ngisengakabi mdzala ngefika eminyakeni yabokhokho ekuzulazuleni kwabo.”

Genesisi 47:9 Referencias Cruzadas

Genesisi 11:11

Emvakwekutalwa kwa-Aphakshadi, Shemi waphila iminyaka lengema-500, watala emadvodzana nemadvodzakati.

Genesisi 35:28

Isaka wafa asaneminyaka leli-180.

Genesisi 47:28

Jakobe wahlala eveni laseGibhithe iminyaka leli-17. Iminyaka yekuphila kwaJakobe yaba li-147.

Genesisi 47:8

Faro wabuta Jakobe watsi: “Sewuneminyaka lemingakhi budzala?”

Genesisi 5:27

Methusela wafa asaneminyaka lengema-969.

Genesisi 50:26

Ngako-ke Josefa wafela eGibhithe asaneminyaka leli-110, sidvumbu sakhe somiswa ngemitsi, kuze singaboli, sabe sesiyalondvolotwa.

1 Tikhronike 29:15

Tsine sitihambi nebafokati embikwakho, njengabo bonkhe bokhokho betfu. Emalanga etfu lapha emhlabeni afanana nesitfunti, kute litsemba.

Jobe 14:1

“Umuntfu lotelwe ngumfati unemalangana nje lambalwa ekuphila, nawo agcwele lusizi.

Tihlabelelo 119:19

Ngisihambi lapha emhlabeni, ungangifihleli imiyalo yakho.

Tihlabelelo 119:54

Timiso takho tingumgogodla wetingoma lengitihlabelako, nome kukuphi lapha ngihlala khona.

Tihlabelelo 39:12

Hhawu, Simakadze! Lalela umkhuleko wami, ubeke indlebe yakho ekuncuseni kwami, ungatitibi tinyembeti tekukhala kwami. Ngobe mine ngingumfokati lokhosele kuwe, ngisihambi njengabokhokho bami bonkhe.

Tihlabelelo 39:13

Ngiyekele! Ungabe uloku ungigolotele, ngobe ngifuna kuphindze ngijabule, ngingakahambi emhlabeni.

Tihlabelelo 39:5

Imihla yami ingangemphama yesandla. Kuphila kwami kubukeka kulite kuwe. Impela, kuphila kwemuntfu kunjengenkhungu. Cabanga.

Eksodusi 6:4

Ngaphindze ngenta sivumelwane sami kanye nabo, ngabetsembisa kutsi ngiyawubanika live laseKhenani, lapho babehlala khona njengetihambi.

Eksodusi 7:7

Mosi abesaneminyaka lengema-80, kantsi Aroni abesaneminyaka lengema-83, nabakhulumisana naFaro.

2 kubaseKorinthe 5:6

Ngako-ke ngaso sonkhe sikhatsi sinelitsemba, ngobe siyati kutsi nasisekuwo lomtimba sisekhashane nalelikhaya leliseNkhosini.

Dutheronomi 34:7

Mosi abesaneminyaka leli-120 budzala ngesikhatsi afa, noko emehlo akhe abengakacundzeki, kantsi futsi nasemtimbeni abesecinile.

KumaHebheru 13:14

ngobe lapha site likhaya lelitawuma kuze kube phakadze, kodvwa sifuna likhaya lelitako.

YaJakobe 4:14

Ningakusho kanjani loko, njengobe ningalati likusasa lekuphila kwenu kutsi litawuba yini? Ngobe kuphila kwenu kunjengenkhungu, lechamuka ibonakale sikhashana, iphindze inyamalale.

Joshuwa 24:29

Emvakwaloko Joshuwa, umsa waNuni, inceku yaSimakadze, wafa asaneminyaka leli-110 budzala.

1 yaPhetro 2:11

Batsandzekako, ngiyanincenga, njengobe nitihambi nalabendlulako kulomhlaba, kutsi nitikhweshele tinkhanuko tenyama letilwa nemphefumulo.