Genesisi 47:7 - Siswati 1996 Bible

⁷ Josefa wabe sewungenisa Jakobe, uyise, wametfula kuFaro. Jakobe wakhulekela kuFaro amfisela tibusiso.

Genesisi 47:7 Referencias Cruzadas

Genesisi 14:19

Melkhisedeki wabusisa Abrama watsi: “Abrama akabusiswe nguNkulunkulu Losetikwako Konkhe, uMdali welizulu nemhlaba.

Genesisi 35:27

Jakobe wahamba waze wefika ekhaya leyise, Isaka, eMamre ngaseKhiriyathi Abha leseyatiwa ngekutsi iHebroni, lapho kwakuhlala khona Abrahama na-Isaka.

Genesisi 47:10

Jakobe wase ubusisa Faro, wavalelisa, waphuma.

Genesisi 47:8

Faro wabuta Jakobe watsi: “Sewuneminyaka lemingakhi budzala?”

2 Samuweli 14:22

Jowabe wakhotsamisa buso bakhe wabubhekisa phansi emhlabatsini, ahlonipha inkhosi, ayibusisa. Jowabe watsi: “Lamuhla sengiyati kutsi ngizuze umusa emehlweni akho, nkhosi yami, ngobe inkhosi isemukele sicelo senceku yayo.”

2 Samuweli 19:39

Ngako bonkhe bantfu base bewela umfula iJordane, nenkhosi yase iyewela. Inkhosi yavalelisa Bhazilayi ngekumanga nangekumbusisa. Bhazilayi wase uyancandzeka ubuyela ekhaya kakhe.

2 Samuweli 8:10

Thoyi wase utfumela indvodzana yakhe Joramu kuDavide, inkhosi, kutsi iyekumbingelela iphindze imhalalisele ngekuncoba kwakhe emphini yabo naHadadezeri. Hadadezeri abeke walwa naThoyi ngaphambili. Joramu waphatsela Davide tintfo tesiliva, netegolide, netelitfusi.

1 Emakhosi 1:47

ngisho netindvuna tasebukhosini setifikile kutawuhalalisela inkhosi yetfu, Davide, tafike tatsi: ‘Shangatsi Nkulunkulu wakho angenta libito laSolomoni lidvume, latiwe kakhulu kunelakho, nesihlalo sakhe sebukhosi sibe sikhulu kakhulu kunesakho!’ Nenkhosi ivele yakhotsama khona embhedzeni wayo,

1 Emakhosi 8:66

Kwatsi ngelilanga lelilandzelako wabe sewuyabacitsa bantfu. Batsi kube bantfu bayibusise inkhosi, babuyela emakhaya abo bajabule kakhulu, batsakasile etinhlitiyweni tabo ngako konkhe lokuhle Simakadze labekwentele inceku yakhe Davide kanye nesive sakhe, ema-Israyeli.

2 Emakhosi 4:29

Elisha wakhuluma kuGehazi, watsi: “Shesha uvunule, utsatse indvuku yami uyiphatse ngesandla sakho, ugijime. Lohlangana naye endleleni, ungambingeleli, kantsi nakukhona lokubingelelako, ungavumi. Lendvuku yami ubofike uyibeke etikwebuso balomfana.”

Eksodusi 12:32

Hambani nemihlambi yenu yetimvu, neyetimbuti, neyetinkhomo, nisuke nihambe la. Ningibusise nami.”

Matewu 26:26

Batsi basadla, Jesu watsatsa sinkhwa, wasibusisa, wasihlephula, wasinika bafundzi, watsi: “Tsatsani nidle, loku ngumtimba wami.”

Lukha 22:19

Wase utsatsa sinkhwa, wabonga kuNkulunkulu, wasihlephula, wabanika watsi kubo: “Loku ngumtimba wami [lonikelwe esikhundleni senu. Yentani loku kuze kube sikhumbuto ngami.”

Joshuwa 14:13

Ngako Joshuwa wabusisa Khalebi, umsa waJefune, wamabela iHebroni, yaba lifa lakhe.

Joshuwa 22:6

Ngako Joshuwa wababusisa, wase uyabahambisa, babuyela emakhaya abo.

1 yaPhetro 2:17

Hloniphani bonkhe bantfu, nitsandze bazalwane, nesabe Nkulunkulu, nihloniphe uMbusi.

1 Samuweli 2:20

Eli abebabusisa bo-Elkhana nemkakhe, atsi: “Shangatsi Simakadze angakupha bantfwana ngalomfati lona, kuze bavale sikhala salona lamthandazela wase umnikela kuSimakadze.” Babeyaye bese bayancandzeka emvakwaloko, babuyela ekhaya labo.