Genesisi 47:4 - Siswati 1996 Bible

⁴ Sitfutsele kulelive, ngobe eKhenani indlala seyibhoke kangangobe sekuze kuphele nemadlelo alemfuyo yetfu. Siyakucela kutsi mane usivumele sikhosele eGosheni.”

Genesisi 47:4 Referencias Cruzadas

Genesisi 12:10

Kwase kuba nendlala lenkhulu eKhenani. Ngako-ke Abrama wehlela eGibhithe; wahlala khona sikhashana, ngobe indlala yayiyinkhulu kakhulu eKhenani.

Genesisi 15:13

Simakadze watsi ku-Abrama: “Yati ngempela kutsi situkulwane sakho siyawuba sihambi eveni lekungesilo laso; siyawuba sigcili sakulelo live, sigcilateke iminyaka lengema-400.

Genesisi 43:1

Indlala yadlanga kakhulu eveni.

Genesisi 45:10

Utawuhlala eveni laseGosheni, ubesedvute nami, wena nebantfwabakho, nebatukulu bakho, nemihlambi yakho yetimvu, neyetinkhomo, nako konkhe lonako.

Genesisi 46:34

nibomphendvula nitsi: ‘Tinceku takho tibelusi betinkhomo kusukela ebusheni bato kuze kube ngunyalo, tsine nabobabe betfu.’ Nanimlandzise kanjalo, utanivumela kutsi nakhe lapha eGosheni.” Phela Josefa abesho loku, ngobe emaGibhithe abewubukela phansi umsebenti wekwelusa.

Genesisi 47:5

Faro wakhuluma kuJosefa watsi: “Uyihlo nabomnakenu bete kuwe.

Tihlabelelo 105:23

Israyeli wase uyefika eGibhithe, Jakobe wakhonta eveni lakaHhamu.

Isaya 52:4

Ngobe naku-ke lokushiwo yiNkhosi Simakadze, itsi: “Ekucaleni sive sami sehla sayawuhlala eGibhithe; emvakwaloko i-Asiriya yasicindzetela.”

Imisebenti yebaPhostoli 7:11

Kwase kuba khona indlala kulo lonkhe laseGibhithe naseKhenani, leyaletsa kuhlupheka lokukhulu. Nabokhokho kwabaphelela kudla.

Imisebenti yebaPhostoli 7:6

Nkulunkulu watsi kuye: ‘Titukulwane takho tiyawuhlala eveni letive, lapho tiyawuba tigcili khona tiphatseke kabuhlungu, kuze kuphele iminyaka lengema-400.

Dutheronomi 26:5

Uyawube sewuyamemetela embikwaSimakadze Nkulunkulu wakho, utsi: ‘Khokho wami abengum-Aramu labezulazula. Wehlela eGibhithe anebantfu labambalwa wahlala khona, waze wandza waba sive lesikhulu, nalesinemandla, nalesinyenti kakhulu.