Genesisi 47:19 - Siswati 1996 Bible

¹⁹ Utasiyekela nje sibulawe yindlala embikwakho tsine nelive letfu? Sitsengisele kudla ngatsi nangemasimi etfu. Tsine nelive letfu sitawuba tigcili taFaro. Siphe kudla kuze siphunge indlala, singafi; usiphe nenhlanyelo sitewuhlanyela emasimini etfu.”

Genesisi 47:19 Referencias Cruzadas

Genesisi 41:36

Lokudla-ke kutawugcinelwa lelive kutsi kudliwe ngesikhatsi sendlala letakwembesa iGibhithe yonkhe, kuze live lingabhubhi ngenca yendlala.”

Genesisi 47:15

Yatsi kube iphele yonkhe imali eveni laseGibhithe nelaseKhenani, onkhe emaGibhithe eta kuJosefa afike atsi: “Siphe kudla! Ungasiyekela nje kodvwa sibulawe yindlala embikwakho? Yonkhe imali yetfu seyiphelile.”

Genesisi 47:18

Watsi kube uphele lowo mnyaka, beta kuye ekucaleni kwemnyaka lolandzelako, bafike batsi: “Singeke sikufihle loku, nkhosi, kutsi imali yetfu yonkhe seyiphelile, nekutsi imfuyo yetfu ngeyakho. Kute lesingabe sisakunika kona manje, ngaphandle kwemitimba yetfu nemasimi etfu.

Genesisi 47:20

Ngako-ke Josefa walitsenga lonkhe live laseGibhithe, ngobe onkhe emaGibhithe atsengisa ngawo onkhe emasimi awo, ngenca yekubhokelwa yindlala. Live lonkhe laba laFaro.

Jobe 2:4

Sathane waphendvula Simakadze, watsi: “Sikhumba esikhunjeni! Umuntfu angalahlekelwa nguko konkhe lanako ngenca yemphilo yakhe.

Sililo 1:11

Bonkhe bantfu bayo bayabubula ngesikhatsi bafunana kudla bantjintjisa imicebo yabo ngenca yekudla, batsi bentele kutsi batiphilise. “Awu Simakadze, buka unake, ngobe ngibukelwa phansi.”

Sililo 5:6

Satinikela kubaseGibhithe nakubase-Asiriya, kuze sitfole kudla lokwenele.

Sililo 5:9

Kudla kwetfu sikutfola ngekutidzela ematsambo ngenca yenkemba lesehlane.

Matewu 16:26

Ngobe kuyawumsita ngani umuntfu kutfola live lonkhe, kepha alahlekelwe ngumphefumulo wakhe? Ingabe angakhiphani umuntfu kuhlenga umphefumulo wakhe?