Genesisi 46:34 - Siswati 1996 Bible

³⁴ nibomphendvula nitsi: ‘Tinceku takho tibelusi betinkhomo kusukela ebusheni bato kuze kube ngunyalo, tsine nabobabe betfu.’ Nanimlandzise kanjalo, utanivumela kutsi nakhe lapha eGosheni.” Phela Josefa abesho loku, ngobe emaGibhithe abewubukela phansi umsebenti wekwelusa.

Genesisi 46:34 Referencias Cruzadas

Genesisi 13:7

Kwavela kucabana emkhatsini webelusi baka-Abrama nebelusi bakaLoti. Ngaleso sikhatsi emaKhenani nemaPheresi abesahlala kulelo live.

Genesisi 13:8

Ngako Abrama watsi kuLoti: “Tsine nawe sitihlobo. Ngako-ke akukafaneli kutsi sicabane ngenca yekucabana kwebelusi betfu.

Genesisi 26:20

Belusi baseGerari bacabana nebelusi ba-Isaka, batsi: “Lamanti ngewetfu!” Ngako lesicobho wasetsa libito watsi yi-Eseki, ngobe baphikisana naye ngaso.

Genesisi 30:35

Kodvwa ngalo lelo langa Labani watikhetsa tonkhe timphongo letinemibala naletimacabhacabha, tonkhe letinalokumhlophe nemazinyane lamnyama, watinika emadvodzana akhe kutsi ateluse,

Genesisi 34:5

Jakobe weva kutsi Shekhemu ungcolise indvodzakati yakhe; kodvwa akazange akhulume lutfo, kwaze kwabuya emadvodzana akhe labengekho asekweluseni.

Genesisi 37:12

BomnakaboJosefa bahamba baya eShekhemu bayakwelusa timvu netimbuti teyise.

Genesisi 37:2

Lona-ke ngumlandvo wesitukulwane saJakobe. Josefa, labesaneminyaka leli-17, abelusa timvu netimbuti kanye nabomnakabo bekutalwa nguBilha, naZilpha, bafati beyise. Josefa abeletsa umbiko kuyise ngaloko lokubi lababekwenta.

Genesisi 43:32

Josefa bamphakela yedvwa, nabomnakabo babaphakela bodvwana, nalamaGibhithe labedla nawo aphakelwa odvwana, ngobe phela emaGibhithe abekutsatsa ngekutsi kutehlisa kudla nemaHebheru.

Genesisi 45:10

Utawuhlala eveni laseGosheni, ubesedvute nami, wena nebantfwabakho, nebatukulu bakho, nemihlambi yakho yetimvu, neyetinkhomo, nako konkhe lonako.

Genesisi 45:18

balandze uyihlo nemindeni yabo bete la kimi. Ngitabanika lokuhle kakhulu la eGibhithe bahlale benabe ngekutsandza kwabo.

Genesisi 46:32

Ngitawufike ngimtjele kutsi nine nibelusi betinkhomo, nifuyile, ngimtjele nekutsi nite nayo yonkhe imihlambi yenu, netimvu, netinkhomo, nako konkhe leninako.

Genesisi 47:11

Josefa wabeka uyise nabomnakabo wabakhela eveni lelincono laseGibhithe, endzaweni levundze kakhulu, eceleni kwelidolobha laka-Ramsesi, njengobe abeyalwe nguFaro.

Genesisi 47:3

Inkhosi Faro yababuta yatsi: “Yini umsebenti wenu?” Bamphendvula batsi: “Sibelusi, njengobe nabobabe babengibo.

Genesisi 47:4

Sitfutsele kulelive, ngobe eKhenani indlala seyibhoke kangangobe sekuze kuphele nemadlelo alemfuyo yetfu. Siyakucela kutsi mane usivumele sikhosele eGosheni.”

Genesisi 47:6

Lonkhe lelive laseGibhithe lisetandleni takho. Babeke bakhe endzaweni lencono kakhulu, abakhe eGosheni. Nakukhona labanelikhono lekwelusa emkhatsini wabo, babeke babe tindvuna tebelusi bemfuyo yami.”

Eksodusi 8:22

Kodvwa live laseGosheni, lapho kuhlala khona sive sami, ngitaliphephisa; bangeke bahlaselwe tibawu, khona utekwati kutsi mine, Simakadze, ngikhona kulelive.

Eksodusi 8:26

Mosi wamphendvula watsi: “Cha, kungeke kulunge loko, ngobe leminikelo yetfu yemihlatjelo itawuba sikhubekiso nesicefe kubantfu baseGibhithe. Nasinikela ngemihlatjelo lesinengiso emehlweni abo, bangahlala kanjani bangasigcobi ngematje?