Genesisi 46:32 - Siswati 1996 Bible

³² Ngitawufike ngimtjele kutsi nine nibelusi betinkhomo, nifuyile, ngimtjele nekutsi nite nayo yonkhe imihlambi yenu, netimvu, netinkhomo, nako konkhe leninako.

Genesisi 46:32 Referencias Cruzadas

Genesisi 31:18

wayichuba yonkhe imfuyo yakhe kanye nako konkhe kwakhe labekuholile eMesophothamiya, wancandzeka wabuyela kuyise, Isaka, eveni laseKhenani.

Genesisi 37:2

Lona-ke ngumlandvo wesitukulwane saJakobe. Josefa, labesaneminyaka leli-17, abelusa timvu netimbuti kanye nabomnakabo bekutalwa nguBilha, naZilpha, bafati beyise. Josefa abeletsa umbiko kuyise ngaloko lokubi lababekwenta.

Genesisi 4:2

Emvakwaloko watala Abela, umnakabo. Yena-ke Abela waba ngumelusi wetimvu, Khayini waba ngumlimi wemhlabatsi.

Genesisi 45:10

Utawuhlala eveni laseGosheni, ubesedvute nami, wena nebantfwabakho, nebatukulu bakho, nemihlambi yakho yetimvu, neyetinkhomo, nako konkhe lonako.

Genesisi 46:31

Josefa wakhuluma kubomnakabo kanye nemndeni wonkhe weyise, watsi: “Kufanele ngenyuke ngiye kuFaro ngimatise kutsi bomnaketfu nemndeni wababe labebaseKhenani, sebefikile, bete kimi.

Genesisi 46:33

Nasanibita-ke Faro abuta atsi: ‘Yini umsebenti wenu?’

Genesisi 46:34

nibomphendvula nitsi: ‘Tinceku takho tibelusi betinkhomo kusukela ebusheni bato kuze kube ngunyalo, tsine nabobabe betfu.’ Nanimlandzise kanjalo, utanivumela kutsi nakhe lapha eGosheni.” Phela Josefa abesho loku, ngobe emaGibhithe abewubukela phansi umsebenti wekwelusa.

Genesisi 47:3

Inkhosi Faro yababuta yatsi: “Yini umsebenti wenu?” Bamphendvula batsi: “Sibelusi, njengobe nabobabe babengibo.

Genesisi 9:20

Nowa abengumlimi, waba wekucala kuhlanyela sivini.

1 Emakhosi 9:27

Hiramu watfumela emadvodza akakhe, ematilosi labenelwati ngetaselwandle, kutsi asebente kanye nemadvodza akaSolomoni kuleyo mikhumbi.

Eksodusi 3:1

Kwatsi ngalelinye lilanga Mosi eluse umhlambi wetimvu netimbuti teyisetala, Jethro, labengumphristi wakaMidiyani, asachuba lomhlambi weyisetala ayakuwelusela ngesheya kwelihlane, wadzimate wefika eHorebe, intsaba yaNkulunkulu.

Isaya 40:11

Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.

Zakhariya 13:5

Uyakutsi: ‘Angisiye umphrofethi, ngingumlimi; kusukela ebusheni bami seloku ngisebentana nemhlaba.’

1 Samuweli 16:11

Ngako Samuweli wabuta Jese watsi: “Ngulawa kuphela yini emadvodzana akho?” Jese wamphendvula watsi: “Kusasele lencane kunawo onkhe, kodvwa yeluse timvu.” Samuweli watsi: “Tfumela iyewubitwa, singeke sihlale phansi, sidle umhlatjelo, ingakefiki.”

1 Samuweli 17:15

Davide yena abevamise kubuyela ekhaya ashiye Sawula ayewubona timvu teyise ekhaya eBhetlehema.