Genesisi 45:5 - Siswati 1996 Bible

⁵ Kodvwa ningakhatsateki futsi ningahlupheki ngekutsi nangitsengisa la. Empeleni nguNkulunkulu lowangitfumela kutsi ngite kulendzawo. Abentela kutsi nginendvulele ngekuta lapha ngitewusindzisa timphilo tebantfu.

Genesisi 45:5 Referencias Cruzadas

Genesisi 37:28

Kwatsi nase kwendlula bahwebi bemaMidiyani, Josefa bamkhipha kulomgodzi, bamtsengisa kulama-Ishmayeli ngetinhlavu tesiliva letatingemashumi lamabili. Ema-Ishmayeli ahamba naye aya eGibhithe.

Genesisi 47:25

Bamphendvula batsi: “Utisindzisile timphilo tetfu. Usiphetse ngesandla lesihle, nkhosi. Sitaba tigcili taFaro.”

Genesisi 50:19

Kodvwa Josefa wakhuluma kubo watsi: “Ningesabi. Ngingeke ngitibeke endzaweni yaNkulunkulu.

Genesisi 50:20

Nine nanitimisele lokubi ngami; kodvwa Nkulunkulu loko wakugucula kwaba ngulokuhle, entela kutsi ngalesikhatsi kusindziswe bantfu labanyenti, bangabulawa yindlala.

Genesisi 50:21

Ngako-ke ningesabi. Nine nebantfwabenu ngitaniphatsa ngetandla letifutfumele.” Ngalenkhulumo wabanika siciniseko, tinhlitiyo tabo tadvudvuteka.

2 Samuweli 12:12

Wena loku ukwentele emasitseleni, kodvwa mine loko ngitakwenta emini kala bha, sonkhe sive sema-Israyeli sibuka.’ ”

2 Samuweli 17:14

Absalomu kanye nawo onkhe emadvodza aka-Israyeli batsi: “Leseluleko saHushayi, um-Akhi, sincono kunalesa sa-Ahithofeli.” Loku kwentiwa kutsi Simakadze abecondze kuswabisa leseluleko sa-Ahithofeli, kuze ehlisele bubi ku-Absalomu.

Esta 4:14

Nawuthula manje kulesikhatsi, lusito nenkhululeko yemaJuda iyawuchamuka kulenye indzawo, wena nemndeni weyihlo utawubhujiswa. Empeleni, ngubani nje lowatiko kutsi mhlawumbe wena wentelwa sona lesikhatsi kutsi ube yinkhosikati lenkhulu?”

Jobe 1:21

watsi: “Ngaphuma esiswini samake ngingcunu, kanjalo futsi ngiyawubuyela ngingcunu. Simakadze uphile, Simakadze utsatsile. Alidvunyiswe libito laSimakadze.”

Lukha 23:34

[Jesu watsi: “Batsetselele, Babe; abakwati labakwentako.”] Behlukaniselana timphahla takhe ngekwenta inkatho.

2 kubaseKorinthe 2:11

Siyawati emachinga aSathane; ngako-ke akukafaneli simvumele asehlule.

2 kubaseKorinthe 2:7

Nyalo-ke sekufuneka nine nimcolele nibuye nimkhutsate, ningamyekeleli etinhlungwini adzimate aphele.

kuFilemoni 1:15

Ngobe encenye Onesimuse wehlukaniswa nawe kwesikhashana nje, khona atawuphindze abuyiselwe kuwe, ningasenawuphindza nehlukane.

1 Samuweli 1:19

Ekuseni ngakusasa besuka bayawukhonta Simakadze, base bayancandzeka babuyela ekhaya labo eRama. Elkhana walala naHana, umkakhe, Simakadze wamkhumbula Hana.