Genesisi 45:20 - Siswati 1996 Bible

²⁰ Bangahlupheki ngekushiya emagugu abo emuva, ngobe konkhe lokuhle kakhulu kwalapha eGibhithe kutawuba kwabo.”

Genesisi 45:20 Referencias Cruzadas

Genesisi 20:15

Abimeleki watsi: “Buka la, nali live lami, yakha lapho utsandza khona.”

Genesisi 45:18

balandze uyihlo nemindeni yabo bete la kimi. Ngitabanika lokuhle kakhulu la eGibhithe bahlale benabe ngekutsandza kwabo.

Genesisi 45:19

Ubatjele batsatse tincola talapha eGibhithe, batekwetfwala ngato bantfwababo, nebafati babo, neyihlo, bete nabo.

Genesisi 45:21

Emadvodzana a-Israyeli enta njengobe abetjeliwe. Josefa wabanika tincola njengekuyala kwaFaro, wabanika nemiphako yendlela.

Genesisi 47:6

Lonkhe lelive laseGibhithe lisetandleni takho. Babeke bakhe endzaweni lencono kakhulu, abakhe eGosheni. Nakukhona labanelikhono lekwelusa emkhatsini wabo, babeke babe tindvuna tebelusi bemfuyo yami.”

Ezra 9:12

Ngako-ke ningacali nivumele emadvodzakati enu kutsi atekwe ngemadvodzana ato, nemadvodzana enu angawateki emadvodzakati ato. Ningacali nome ngunini nitisekele emnotfweni wato, khona nitewucina nidle tintfo letimnandzi talelive, nilishiyele bantfwabenu kutsi litewuba lifa labo laphakadze naphakadze.’

Eksodusi 22:7

“Nangabe umuntfu avumile kulondvolotela lomunye imali nome letinye nje tintfo, bese letintfo tiyebiwa la endlini, lelisela nalitfolakele litawutenana ngalokuphindvwe kabili.

Isaya 1:19

Nangabe nivuma futsi nilalela, niyawudla sivuno lesihle kakhulu selive;

Isaya 13:18

Ngebutjoki babo lobugobile bayawudubula emajaha, abanamusa ngetinswane, futsi bate nesihawu ngebantfwana.

Hezekeli 20:17

Noko ngababuka ngesihawu, ngangete ngababhubhisa, ngangete ngabacedza ehlane.

Hezekeli 7:4

Angiyikukubuka ngesihawu, nome ngikushiye, ngempela ngiyakukubuyisela njengekutiphatsa kwakho nangaletinengiso letisemkhatsini wenu. Ngulapho-ke niyawukwati khona kutsi mine nginguSimakadze.

Hezekeli 7:9

Ngingeke ngikubuke ngesihawu nome ngikushiye, ngitakukhokhela njengekutiphatsa kwakho nangaletinengiso letisemkhatsini wenu. Khona-ke utawube sewuyati kutsi mine Simakadze ngimi lona logalela ngalendvuku.

Hezekeli 9:5

Ngatsi ngisalalele, watsi kulaba labanye: “Nani mlandzeleni kulo lonkhe lelidolobha nibulale, ningabuki muntfu ngesihawu, ningabi naluvelo.

Matewu 24:17

Umuntfu losetikwendlu angabe asehla kuyawutsatsa lutfo lolusendlini yakhe,

Lukha 17:31

“Umuntfu loyawube asetikwendlu yakhe ngalelo langa, angehli kuyawutsatsa timphahla takhe endlini, kanjalo futsi nemuntfu losensimini, angabuyeli emuva.

Dutheronomi 19:13

Lowo muntfu ningamhawukeli. Kufanele kukhishwe kuphele ka-Israyeli kucitsa ingati lengenacala, khona kutawunihambela kahle.”

Dutheronomi 19:21

Ningabi nasihawu: kuphila ngekuphila, liso ngeliso, litinyo ngelitinyo, sandla ngesandla, lunyawo ngelunyawo.”

Dutheronomi 7:16

Kufanele nibhubhise tonkhe leto tive Simakadze Nkulunkulu wenu lataninika tona. Ningatihawukeli ningabakhonti ngisho nabonkulunkulu bato, ngobe loko kuyawuba lugibe kini.

Joshuwa 7:11

Baka-Israyeli bonile; basephulile sivumelwane sami lengabayala ngaso kutsi basigcine. Batsetse letinye tetintfo bekufanele tibhujiswe; bebile, bacale emanga, letintfo labatebile batihlanganise netimphahla tabo.

1 Samuweli 10:22

Ngako baphindza babutisisa kuSimakadze, batsi: “Kungabe lomuntfu sewufikile yini lapha?” Simakadze wabaphendvula watsi: “Yebo, sewufikile, mane ubhace emkhatsini wemitfwalo.”

1 Samuweli 25:13

Davide wakhuluma kulamadvodza, watsi: “Hlomani tinkemba tenu!” Ngako lamadvodza avele ahloma, naDavide naye wahloma ngeyakakhe. Bekungemadvodza labengaba ngema-400 lenyuka naDavide, kwatsi lawa langema-200 wona asala agadza timphahla.

1 Samuweli 30:24

Ngubani-ke lotawulalela loku lenikushoko? Sabelo sendvodza lesele netimphahla kufanele silingane nesendvodza leyile yayakulwa. Sonkhe sitawucetunelana ngalokufananako.”