Genesisi 45:19 - Siswati 1996 Bible

¹⁹ Ubatjele batsatse tincola talapha eGibhithe, batekwetfwala ngato bantfwababo, nebafati babo, neyihlo, bete nabo.

Genesisi 45:19 Referencias Cruzadas

Genesisi 45:20

Bangahlupheki ngekushiya emagugu abo emuva, ngobe konkhe lokuhle kakhulu kwalapha eGibhithe kutawuba kwabo.”

Genesisi 45:21

Emadvodzana a-Israyeli enta njengobe abetjeliwe. Josefa wabanika tincola njengekuyala kwaFaro, wabanika nemiphako yendlela.

Genesisi 45:27

Kodvwa kwatsi sebamtjele yonkhe inkhulumo yaJosefa layikhulume kubo, asabone netincola letatitfunyelwe nguJosefa kutsi titemetfwala, umoya waJakobe, uyise, wavuseleleka.

Genesisi 46:5

Jakobe wesuka eBherisheba; emadvodzana akhe agibelisa uyise, nebantfwabawo, nebafati bawo etincoleni lababetitfunyelelwe nguFaro kutsi titewubetfwala.

Isaya 49:1

Lalelani kimi, nine tichingi, vanini loku, nine tive letikhashane, Simakadze wangibita ngisengakatalwa, kusukela ekutalweni walibita libito lami.

Isaya 49:23

Emakhosi ayawuba bacizeli bakho, nemakhosikati awo amunyise bantfwabakho. Bayawuguca embikwakho, buso babo bubheke phansi emhlabatsini, bayawukhotsa lutfuli lwetinyawo takho ngelulwimi. Uyawube sewuyati-ke lapho kutsi mine nginguSimakadze. Labo labetsembela kimi bangeke bajabhiswe.”

Numeri 7:3

Baletsa iminikelo yabo kuSimakadze: tincola letisitfupha letimbonyiwe, netinkhabi letili-12, incola iyinye yayiphuma kubaholi lababili, inkhabi iyinye yayiphuma kumholi munye; konkhe loku bakunikela embikwelithende lekukhontela.