Genesisi 43:18 - Siswati 1996 Bible

¹⁸ BomnakaboJosefa besaba kakhulu, ngobe babengeniswe endlini kaJosefa, badzimate batsi: “Singeniswe lapha ngenca yalemali leyabuyiselwa emasakeni etfu nasite lapha kwekucala. Wentele kutsi atesituma, asitfumbe asente tigcili takhe, asemuke naletimbongolo tetfu.”

Genesisi 43:18 Referencias Cruzadas

Genesisi 42:21

Bakhuluma bodvwana batsi: “Ase nibheke-ke manje sesiyavuna ngalobubi lesabenta kumnaketfu Josefa. Satsi sesikubona kukhatsateka kwemphefumulo wakhe, nasincenga, satsalalisa sangete samlalela. Ngiko nje sesikulenhlupheko manje.”

Genesisi 42:27

Kwatsi lapho befike baphumula khona, lomunye wabo watsi uvula esakeni lakhe atewupha imbongolo yakhe, wakhandza imali yakhe emlonyeni welisaka lakhe.

Genesisi 42:28

Wakhuluma kubomnakabo watsi: “Imali yami ibuyiselwe nayi emlonyeni welisaka lami.” Tinhlitiyo tabo takhatsateka kakhulu ngaloko, badzimate bakhulumisana batsi: “Yini lena lasentele yona Nkulunkulu?”

Genesisi 42:35

Base bakhumula emasaka abo, kwaba ngulowo nalowo watfola imali yakhe emlonyeni welisaka lakhe. Bona neyise befikelwa kwesaba nekudvumala lokukhulu.

Genesisi 43:17

Sisebenti senta njengobe Josefa abeshito; satsatsa lamadvodza sawangenisa endlini kaJosefa.

Genesisi 43:19

Ngako bahamba baya kulendvuna yetisebenti tendlu yaJosefa, bakhuluma nayo beme emnyango,

Genesisi 44:8

Nalemali lesayikhandza emasakeni etfu, siphindze sabuya nayo nasiphuma eKhenani. Pho, besingayeba kanjani isiliva negolide endlini yenkhosi yakho?

Jobe 15:21

“Tindlebe takhe tigcwele imisindvo lesabisako, ngesikhatsi konkhe kubukeka shangatsi kuhle, umbhubhisi ngulapho amhlasela khona.

Jobe 30:14

Batseleka ngato tonkhe tintfunjana tenqaba batengihlasela. Bafohla lapho kubhidlike khona, batseleke ngekhatsi.

Tihlabelelo 53:5

Bayawufikelwa kwesaba lokukhulu, besabe ngisho nelite. Ngobe Nkulunkulu uyawasakata ematsambo alabo labakuhlaselako, uyawubahlazisa, ngobe Nkulunkulu wabadvuba wabalahla.

Tihlabelelo 73:16

Kodvwa kwatsi nase ngicabanga kutsi lendzaba ngingayiva njani, kwaba matima ngangete ngabona kahle.

Isaya 7:2

Indlu yakaDavide yatjelwa kwatsiwa: “ISiriya itihlanganise nelaka-Efrayimu.” Ngako tinhlitiyo tabo-Ahazi kanye netebantfu bakhe tesaba tatfutfumela njengetihlahla telihlatsi, natinyakatiswa ngumoya.

Danyela 6:4

Ngenca yaloko labengameli kanye naletikhulu, betama kutfola tizatfu tekutsi Danyela atfolakale anemacala macondzana nekuphatsa kwakhe tindzaba tembuso, kodvwa behluleka kukwenta loko. Abazange bayitfole inkhohlakalo kuye, ngobe abetsembekile, abengakakhohlakali, futsi anakekela kahle konkhe.

Makho 6:16

Kodvwa Herodi, nakeva ngesimo setintfo, watsi: “Johane, lengamjuba inhloko, sewuvusiwe, uyaphila.”

KubaseRoma 7:8

Kodvwa sono satfola litfuba ngemyalo, kwavuka kufisa konkhe kimi. Ngobe ngaphandle kwemtsetfo sono sifile.

Dutheronomi 22:14

bese iyayihlambalata iyinike libito lelibi itsi: ‘Ngishade nalentfombi, kodvwa ngitsite nangingena kuyo, ngakhandza kutsi sekwabate buntfombi,’

Dutheronomi 22:17

Manje seyiyihlambalatile yatsi: “Lendvodzakati yakho beyingasenabo buntfombi.” Kodvwa nalu luphawu lwebuntfombi bayo.’ Batali bayo batakweneka lengubo lenengati embikwalabaholi balelo dolobha.

Tikhulu 13:22

Manowa wakhuluma kumkakhe, watsi: “Sitakufa! Sibone Nkulunkulu!”

Tikhulu 14:4

Batali baSamsoni bebangati kutsi loko kwakuvela kuSimakadze labenguyena afunana nelitfuba lekuhlasela emaFilisti, ngobe ngaleso sikhatsi emaFilisti abebusa sive sema-Israyeli.