Genesisi 43:14 - Siswati 1996 Bible

¹⁴ Shangatsi Nkulunkulu Somandla anganipha umusa ebusweni balowo muntfu, anikhululele umnakenu nibuye kanye naye naBhenjamini. Kepha-ke mine nangemukwa bantfwabami, ngiyemukwa.”

Genesisi 43:14 Referencias Cruzadas

Genesisi 17:1

Kwatsi Abrama nasaneminyaka lengema-99 budzala, Simakadze wabonakala kuye watsi: “NginguNkulunkulu Somandla; hamba entsandvweni yami, ube msulwa.

Genesisi 22:14

Ngako-ke Abrahama wetsa leyo ndzawo libito, watsi: “Simakadze uyatibonela.” Nalamuhla lendzawo bantfu basayibita ngekutsi: “Simakadze uyatibonela entsabeni.”

Genesisi 28:3

Shangatsi Nkulunkulu Somandla angakubusisa akuchumise, akwandzise, udzimate ube tive letinyenti.

Genesisi 35:11

Nkulunkulu wachubeka watsi kuye: “NginguNkulunkulu, Somandla. Tala, wandze ube sive. Tive letinyenti titawuphuma kuwe, ube ngukhokho wemakhosi.

Genesisi 39:21

Simakadze wajinge waba naye, wamentela umusa, wamupha kutsandzeka emehlweni emgcinijele.

Genesisi 42:24

Josefa wesuka kubo wayawukhala. Watsi kube acedze kukhala, asakwati kukhuluma kahle, wabuya weta kubo, wafike watsatsa Simeyoni wambopha embikwabo.

Genesisi 42:36

Uyise wakhuluma kubo watsi: “Maye mine bo! Bonkhe bantfwabami bayangiphelela; Josefa akasekho, naSimeyoni akasekho, kodvwa manje senifuna kutsatsa naBhenjamini. Mine konkhe nje kuyangihlanekela.”

Genesisi 43:13

Hambani nalomnakenu niyewukhombisa lendvodza.

Genesisi 44:12

Wafuna acala ngalomdzala waze wagcina ngalomncane. Indzebe yesiliva yaze yatfolakala esakeni laBhenjamini.

Ezra 7:27

Ezra wakhuluma watsi: “Akadvunyiswe Simakadze, Nkulunkulu wabobabe, lokubekile enhlitiyweni yenkhosi kutsi kuhlonishwe indlu yaSimakadze eJerusalema ngalendlela,

Nehemiya 1:11

Awu, Simakadze, indlebe yakho ayiwuve umthandazo wenceku yakho, iwuve nalomthandazo wetinceku takho letijabulela kuhlonipha Libito lakho. Nika inceku yakho imphumelelo lamuhla ngekuyipha kubonelelwa nekuvelwa ngulombusi.” Ngaleso sikhatsi ngangingumphatsi wesitja senkhosi.

Esta 4:16

“Hamba uhlanganise onkhe emaJuda laseSusa, nizile ningithandazele. Ningadli kudla, ninganatsi nemanti kuze kube ngemalanga lamatsatfu nebusuku bawo. Nami netincekukati tami sitawuzila njengani. Emvakwaloko ngitawuvele ngitidzikele, ngingene enkhosini, nome loko kuphambene nemtsetfo. Nangabe ngiyafa, ngife kube kanye.”

Tihlabelelo 100:5

Ngobe Simakadze muhle, umusa wakhe uhlala umile kuze kube nguphakadze naphakadze; nekwetsembeka kwakhe kuhlala kumile titukulwane ngetitukulwane.

Tihlabelelo 106:46

Wenta bonkhe batfumbi babo kutsi babahawukele.

Tihlabelelo 119:41

Shangatsi ungangiphatsa ngemusa wakho, Simakadze; ungigone ngensindziso yakho njengekwesetsembiso sakho.

Tihlabelelo 85:7

Simakadze, sivise umusa wakho, usiphe insindziso yakho.

Taga 1:1

Taga taSolomoni, umsa waDavide, inkhosi yema-Israyeli.

Taga 16:7

Nangabe umuntfu ajabulisa Simakadze ngesimilo sakhe, Simakadze ubese wenta titsa takhe tihlalisane kahle naye.

Taga 21:1

Inhlitiyo yenkhosi isesandleni saSimakadze, uyicondzisa kalula njengemanti emfula.

Isaya 49:13

Memetani ngenjabulo, mazulu! Tsakasa, nawe mhlaba! Klabalazani nihlabele, nani tintsaba! Ngobe Simakadze uyabadvudvuta bantfu bakhe, futsi uyawuba nesihawu kulabo labadzabukisiwe bakhe.

Lukha 1:50

Ubonakalisa sihawu sakhe kubo bonkhe labamesabako, kusukela esitukulwaneni, kuya esitukulwaneni.

Johane 19:22

Philatu wabaphendvula watsi: “Loko lesengikubhalile, ngikubhalile.”

Imisebenti yebaPhostoli 21:14

Sehluleka kumvimbela, sase siyamyekela satsi: “Akwenteke intsandvo yeNkhosi!”

Imisebenti yebaPhostoli 7:10

wamsindzisa kuto tonkhe tinhlupheko takhe. Josefa watsi nakema embikwaFaro, inkhosi yaseGibhithe, Nkulunkulu wamnika umoya lomuhle nekuhlakanipha. Faro wamenta umbusi etikwalo lonkhe laseGibhithe nasetikwendlu yakhe yonkhe.

1 kuThimothi 1:16

Kodvwa ngahawukelwa ngaso lesizatfu sekutsi kimi lengisembili, Jesu Khristu abonakalise konkhe kubeketela kwakhe, kube sibonelo kulabo labayawukholwa kuye, badzimate babe nekuphila lokuphakadze.

1 kuThimothi 1:2

Iya kuThimothi, umntfwanami sibili ekukholweni. Umusa, nebubele, nekuthula lokuvela kuNkulunkulu, longuBabe, nakuKhristu Jesu iNkhosi yetfu, akube nawe.

kuThithusi 1:4

Lencwadzi iya kuThithusi, umntfwanami weliciniso ngekukholwa. Akube kuwe umusa nekuthula lokuvela kuNkulunkulu, longuBabe, nakuKhristu Jesu, uMsindzisi wetfu.

2 yaJohane 1:3

Shangatsi umusa, nesihawu, nekuthula lokuvela kuNkulunkulu, longuBabe, nakuJesu Khristu iNdvodzana yeYise kungaba natsi ngeliciniso nangelutsandvo.