Genesisi 43:11 - Siswati 1996 Bible

¹¹ Israyeli, uyise, wakhuluma kubo watsi: “Nangabe kufanele kube njalo-ke, hambani netipho letititselo telikhetselo talelive, nitifake emasakeni enu, nifike nitiphe lendvodza leniyishoko: nitsatse litsantana lebhalisamu, neleluju lwetinyosi, nelemakha, nelemure, nelemaphisitakhiwo, nelema-alimondi.

Genesisi 43:11 Referencias Cruzadas

Genesisi 33:10

Jakobe watsi: “Cha, mnaketfu, ngiyacela nangabe ngemukele umusa emehlweni akho semukele lesipho sami; ngobe kimi kubona buso bakho kunjengekubona buso baNkulunkulu, kakhulu nje ngobe nawe sewungemukele ngemoya lomuhle.

Genesisi 37:25

Bahlala phansi badla. Batsi basadla babona ludvwendvwe lwema-Ishmayeli luchamuka kaGileyadi lwehlela eGibhithe. Emakamela abo abetfwele tinandzisi tekudla nemakha.

Genesisi 43:10

Kube asikabambeleleki nje, ngabe sesihambe saze sabuyela nakabili.”

Genesisi 43:14

Shangatsi Nkulunkulu Somandla anganipha umusa ebusweni balowo muntfu, anikhululele umnakenu nibuye kanye naye naBhenjamini. Kepha-ke mine nangemukwa bantfwabami, ngiyemukwa.”

Genesisi 43:15

Ngako-ke lamadvodza esuka lapho atsatsa sipho, nemali seyiphindvwe kabili, batsatsa naBhenjamini bahamba naye baya eGibhithe bafike bakhulekela kuJosefa.

Genesisi 43:25

Lamadvodza abe asalungisa tipho tawo alungela kutetfula kuJosefa nakefika emini, njengobe abesavile kutsi abetakudla kanye nawo.

Genesisi 43:26

Watsi kube efike ekhaya Josefa, bomnakabo base bangenisa tipho lababemphatsele tona batetfula kuye, bamkhotsama.

1 Emakhosi 10:15

ngaphandle kwemitselo yebahwebi neyebatsengisi leyayiphuma kuwo onkhe emakhosi ase-Arabiya kanye nakubabusi belive.

1 Emakhosi 10:25

Umnyaka ngemnyaka, wonkhe labeta kuye abefika nesipho: tintfo letentiwe ngesiliva, nangegolide, nemijiva, netikhali, netinandzisi, nemahhashi kanye neminyuzi.

1 Emakhosi 15:19

Watsi: “Akube nesivumelwane emkhatsini wetfu sobabili, njengobe sasikhona emkhatsini wababe neyihlo. Ngikutfumelela naso sipho sesiliva nesegolide. Manje-ke yephula sivumelwane sakho naBhasha, inkhosi yaka-Israyeli, kuze esuke kimi.”

1 Emakhosi 4:21

Solomoni abebusa etikwayo yonkhe imibuso kusukela emfuleni iYufrathe, kuye eveni lemaFilisti, kuze kuyewufika emnyeleni waseGibhithe. Onkhe-ke lawo mave abeletsa tetfulo tawo kuSolomoni, ngobe abebuswa nguye imphilo yakhe yonkhe.

2 Emakhosi 16:8

Ahazi watsatsa isiliva negolide leyayingatfolakala ethempelini laSimakadze nasendlini yengcebo yasesigodlweni senkhosi, wakutfumela njengesipho enkhosini yase-Asiriya.

2 Emakhosi 20:12

Ngaleso sikhatsi Merodaki Baladani, umsa waBaladani, inkhosi yaseBhabhulona, watfumelela Hezekiya tincwadzi nesipho, njengobe abebikelwe ngekugula kwaHezekiya.

2 Emakhosi 8:8

yatsi kuHazayeli: “Tsatsa sipho uhambe naso uyewuhlangabeta lomuntfu waNkulunkulu ngaso. Buta kuSimakadze ngaye, utsi: ‘Ngitawusindza yini kulokugula?’ ”

Esta 4:16

“Hamba uhlanganise onkhe emaJuda laseSusa, nizile ningithandazele. Ningadli kudla, ninganatsi nemanti kuze kube ngemalanga lamatsatfu nebusuku bawo. Nami netincekukati tami sitawuzila njengani. Emvakwaloko ngitawuvele ngitidzikele, ngingene enkhosini, nome loko kuphambene nemtsetfo. Nangabe ngiyafa, ngife kube kanye.”

Tihlabelelo 68:29

ngesikhatsi usethempelini lakho, eJerusalema, emakhosi atakuletsela tipho takho khona.

Tihlabelelo 72:10

Shangatsi emakhosi aseThashishi nasetichingini, angetfula tipho kuyo. Shangatsi emakhosi aseSheba newaseSeba angetfula kuyo imitselo yawo.

Tihlabelelo 76:11

Yentani tetsembiso netifungo tenu kuSimakadze longuNkulunkulu wenu, nitigcwalise. Bonkhe labasedvute naye abaletse tipho kulowo lofanele kwesatjwa.

Eksodusi 3:8

Ngako-ke sengehlile kutebakhulula esandleni semaGibhithe nekubakhipha eveni laseGibhithe, ngibayise eveni lelibanti nalelivundzile, lelinelubisi neluju lwetinyosi. Lelive liyindzawo yemaKhenani, nemaHethi, nema-Amori, nemaPheresi, nemaHivi, nemaJebhusi.

Taga 17:18

Ngumuntfu longenangcondvo kuphela lowetsembisa kuba sibambiso ekukhokheni tikwelede talomunye umuntfu.

Taga 18:16

Sipho sakhe umuntfu simphendlela indlela, simholele kulabakhulu.

Taga 19:6

Banyenti labafuna kutsandvwa ngulabakhulu; wonkhe umuntfu ufuna kuba ngumngani wemuntfu lonemvula yetipho.

Taga 21:14

Intfukutselo yemuntfu ungayiphotisa ngekumnika sipho ngasese, nekutfukutsela kwakhe ungakuphotisa ngemdizo wekutfukuswa.

Ingoma Yetingoma 4:10

Maye, lumnandzi bo lutsandvo lwakho, dzadzewetfu, makoti wami. Lujabulisa kangakanani-ke lutsandvo lwakho kuneliwayini, neliphunga lemakha akho limnandzi kunelesinongo!

Ingoma Yetingoma 4:14

inadi nesafroni, ikalamu nesinamoni, nayo yonkhe inhlobo yesihlahla semphepho, nesemure, nesenhlaba, nato tonkhe tinandzisi leticolisakele.

Ingoma Yetingoma 8:14

Phumela ebaleni, wena longitsandzako, bani njengemgankla, nome-ke njengelizinyane lenyamatane, etintsabeni letigcwele emakha.

Jeremiya 8:22

Sekute yini ibhalisamu kulakaGileyadi? Sekute yini inyanga lapho? Kepha sekute leni kuphiliswa kwemanceba ebantfu bami?

Hezekeli 27:15

“ ‘Emadvodza aseDedani atsengiselana nawe, nemave lamanyenti langaselwandle abekutsengisela kakhulu; abuyisela kuwe ematinyo etindlovu netigodvo letimnyama temsimbithi.

Hezekeli 27:17

“ ‘Bahwebi bakaJuda nebaka-Israyeli babetsengiselana nawe; babekutsengisela timphahla takho ngakolo labephuma eMinithi, nangabojece, nangeluju lwetinyosi, nangemafutsa, nangebhalisamu.

Hezekeli 27:22

“ ‘Bahwebi baseSheba nebaseRama babetsengiselana nawe; ngetimphahla takho tekutsengiswa babekunika tinhlobonhlobo tetinongo leticolisakele, netematje laligugu, negolide.

Levithikusi 20:24

Kodvwa nine nganetsembisa kutsi lelo live labo, leligcwele lubisi neluju lwetinyosi liyawuba lenu, ngiyakunipha lona libe lifa lenu. NginguSimakadze, Nkulunkulu wenu, lonehlukise kuletinye tive.

Imisebenti yebaPhostoli 21:14

Sehluleka kumvimbela, sase siyamyekela satsi: “Akwenteke intsandvo yeNkhosi!”

Dutheronomi 33:14

Akalibusise ngalokuncono kakhulu lokuvetwa lilanga, nangetivuno letinhle tenyanga.

1 Samuweli 25:27

Shangatsi lesipho lesiletfwe ngulencekukati yakho enkhosini yayo singanikwa lawo madvodza layilandzelako.

1 Samuweli 9:7

Sawula wakhuluma esisebentini sakhe, watsi: “Nangabe siya kuye nyalo sitawufike simnikeni? Kudla bekulapha emasakeni etfu sekuphelile. Kute sipho lesingahamba naso siye kulomuntfu waNkulunkulu. Yini nje lesinayo?”