Genesisi 42:24 - Siswati 1996 Bible

²⁴ Josefa wesuka kubo wayawukhala. Watsi kube acedze kukhala, asakwati kukhuluma kahle, wabuya weta kubo, wafike watsatsa Simeyoni wambopha embikwabo.

Genesisi 42:24 Referencias Cruzadas

Genesisi 34:25

Kwatsi ngelilanga lesitsatfu basokile, basesebuhlungwini, emadvodzana lamabili aJakobe, lekwakubomnakaboDina, boSimeyoni naLevi, batsatsa tinkemba tabo. Banyenya, bangenela lelidolobha, bafike babulala bonkhe labadvuna.

Genesisi 42:23

Babengati kutsi Josefa abeluva lolulwimi lwabo, ngobe kwakukhona labemhumushela.

Genesisi 43:14

Shangatsi Nkulunkulu Somandla anganipha umusa ebusweni balowo muntfu, anikhululele umnakenu nibuye kanye naye naBhenjamini. Kepha-ke mine nangemukwa bantfwabami, ngiyemukwa.”

Genesisi 43:23

Lendvuna yabaphendvula yatsi: “Cha, kulungile, ningesabi. Nkulunkulu wenu, longuNkulunkulu weyihlo, uniphile lomcebo emasakeni enu. Mine ngayitfola inkhokhelo yenu.” Yase ibakhiphela Simeyoni, yabaletsela yena.

Genesisi 43:30

Josefa washesha waphuma, ngobe inhlitiyo yakhe yefikelwa buhlungu, wafuna indzawo lesitsele, wangena khona wakhala.

Genesisi 45:1

Josefa wehluleka kutibamba embikwetisebenti takhe, ngako watsi: “Abakhishwe bonkhe la endlini.” Ngako-ke kwakungasekho muntfu ngesikhatsi atjela bomnakabo kutsi ungubani.

Genesisi 45:2

Wakhala kakhulu, kwadzimate kweva nemaGibhithe, kanye nebendlu yakaFaro.

Isaya 63:9

Kuko konkhe kukhatsateka kwabo naye abekhatsatekile, ingilosi yebukhona bakhe yabasindzisa, ngelutsandvo lwakhe nangemusa wakhe wabahlenga. Wabatsatsa wabetfwala kuwo onkhe emalanga akadzeni.

Lukha 19:41

Asasondzela eJerusalema wayibuka wayililela.

KubaseRoma 12:15

Nijabule nalabajabulako, nikhale nalabakhalako.

1 kubaseKorinthe 12:26

Nangabe kuhlupheka sitfo sinye, kuhlupheka titfo tonkhe kanye naso; nangabe kudvunyiswa sitfo sinye, kujabula titfo tonkhe kanye naso.

KumaHebheru 4:15

LomPhristi wetfu Lomkhulu akasiye lowehluleka kuvelana natsi ebutsakatsakeni betfu, kodvwa walingwa ngayo yonkhe indlela njengatsi, noko akazange one.