Genesisi 42:21 - Siswati 1996 Bible

²¹ Bakhuluma bodvwana batsi: “Ase nibheke-ke manje sesiyavuna ngalobubi lesabenta kumnaketfu Josefa. Satsi sesikubona kukhatsateka kwemphefumulo wakhe, nasincenga, satsalalisa sangete samlalela. Ngiko nje sesikulenhlupheko manje.”

Genesisi 42:21 Referencias Cruzadas

Genesisi 41:9

Lomphatsi lomkhulu wetitja taFaro wakhuluma kuFaro watsi: “Sengiyakhumbula tiphosiso tami lamuhla.

Genesisi 44:16

Juda waphendvula watsi: “Kute lesingahle sikusho kuwe, nkhosi yami. Singakhulumani nje? Singaphikani nje? Nkulunkulu sewulembulile licala letfu. Sonkhe sesitigcili tenkhosi yami, tsine sonkhe kanye nalona lekutfolakale kuye indzebe.”

Genesisi 45:3

Josefa watjela bomnakabo watsi: “Phela mine nginguJosefa; babe usaphila yini?” Kodvwa bomnakabo abazange bakhone kumphendvula, ngobe babesetfuke kakhulu.

Genesisi 50:15

Kwatsi kube bomnakaboJosefa babone kutsi uyise sewufile, bakhuluma bodvwana batsi: “Kungahle kwenteke kutsi Josefa usasibambele emagcubu, afune kutenanela ngako konkhe lokubi lesamenta kona.”

2 Samuweli 12:13

Davide wakhuluma kuNathani, watsi: “Ngonile kuSimakadze.” Nathani waphendvula watsi: “Simakadze sewusisusile sono sakho. Ungeke usafa.

1 Emakhosi 17:18

Lomfelokati wakhuluma ku-Elija, watsi: “Ngoneni kuwe, muntfu waNkulunkulu? Kantsi lapha kami utele kutangikhumbuta sono sami, ubulale nendvodzana yami.”

Taga 21:13

Umuntfu longafuni kulalela sikhalo salomphofu, naye angeke aphendvulwe nakakhalela lusito.

Taga 28:17

Umuntfu nakanelicala lekubulala, myekele abaleke aze afe.

Jeremiya 2:17

Ngabe anikatiletseli nine yini loku, ngalokutsi nishiye Simakadze Nkulunkulu wenu ngesikhatsi asanihola kahle endleleni?

Jeremiya 2:19

Bubi benu butanijezisa, nekuhlubuka kwenu kutanitsetsisa. Cabangani-ke nibukisise kahle kutsi kubi kangakanani nekutsi kunibabela kangakanani, nanishiya Simakadze Nkulunkulu wenu, ningangesabi mine,” kusho Simakadze, Simakadze longuSomandla.

Jeremiya 34:17

“Ngako-ke, naku lokushiwo nguSimakadze, utsi: Anikangilaleli; anikayimemeteli inkhululeko yebantfu bakini. Ngako manje sengimemetela ‘inkhululeko’ yenu, kusho Simakadze, ‘inkhululeko’ yekubulawa ngenkemba, nangesifo lesibulalanako kanye nangendlala. Ngiyawunenta nenyanyeke kuyo yonkhe imibuso yemhlaba.

Jeremiya 4:18

“Kutiphatsa kwakho netento takho, nguko lokwehlisele loku etikwakho. Lesi sijeziso sakho. Maye, kubuhlungu bo! Maye, kuyayihlaba inhlitiyo bo!”

Hoseya 5:15

Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”

Numeri 32:23

Kodvwa naningakwenti loko, niyona kuSimakadze, futsi-ke nibociniseka-ke kutsi salakutjelwa sibona ngemopho.

Matewu 7:2

Ngobe ngaloko kwehlulela lenehlulela ngako labanye, nani niyakwehlulelwa ngako; nangaleso silinganiso lenilinganisa ngaso, nani niyakulinganiswa ngaso.

Makho 9:48

‘Kuleyo ndzawo timphetfu takhona atifi, nemlilo wakhona awucimi.’

Lukha 16:28

Lapho nginebanaketfu labasihlanu, efike abatjele kutsi bangete beta lapha kulendzawo lengikuyo.’

Imisebenti yebaPhostoli 19:18

Labanyenti labese bakholiwe beta bavuma konkhe labebakwentile.

YaJakobe 2:13

Ngobe kwehlulela akunabo bubele kulowo longenabo bubele; kodvwa bubele buyawucoloshela kwehlulela.

1 yaJohane 1:9

Kodvwa nasitivuma tono tetfu, Nkulunkulu wetsembekile, futsi ulungile, utasitsetselela tono tetfu abuye asihlambulule kuko konkhe kungalungi.

Tikhulu 1:7

Adoni Bhezeki wakhuluma watsi: “Emakhosi langema-70 labejutjwe titfupha tawo kanye naboqukulu bawo abevame kubutsa timvutfuluka ngaphansi kwelitafula lami. Nyalo Nkulunkulu sewungibuyisele ngaloko lengakwenta kubo.” Beta naye eJerusalema, wafike wafela lapho.