Genesisi 42:20 - Siswati 1996 Bible

²⁰ Kufanele nite naye la kimi lomnakenu lomncane. Ngako-ke nitabe senikhombise ngempela kutsi benikhuluma liciniso, futsi ningeke nisabulawa.” Bakuvuma loko.

Genesisi 42:20 Referencias Cruzadas

Genesisi 42:15

Nitawuvivinywa kanjena-ke: Ngifunga Faro, ngitsi ningeke nikhululeke kutsi nihambe, ningakamletsi la umnakenu lomncane.

Genesisi 42:19

Naningemadvodza letsembekile, shiyani munye la esitokisini, laba labanye bahambe bayewutsatsa lokudla bakumikise emakhaya enu, ngobe naku indlala ibhokile.

Genesisi 42:26

BomnakaboJosefa bayikhweta-ke imitfwalo yabo etimbongolweni tabo, besuka bahamba.

Genesisi 42:33

Lendvodza lengundvunankhulu isiphendvule yatsi: ‘Naku lengitanihlola ngako kutsi netsembekile: Lomunye wenu utawusala nami, laba labanye benu bahambe bamikise kudla emakhaya, ngobe naku indlala ibhokile.

Genesisi 42:34

Niboletsa lomnakenu lomncane lapha kimi. Ngitawubona ngaloko-ke kutsi nine ningemadvodza letsembekile, anisito tinhloli. Ngitabe sengiyaninika-ke futsi lomnakenu nani nihambe nikhululekile kulelive; kutsi ningakha, nitsenge, nitsengise ngekutsandza.’ ”

Genesisi 43:19

Ngako bahamba baya kulendvuna yetisebenti tendlu yaJosefa, bakhuluma nayo beme emnyango,

Genesisi 43:3

Kodvwa Juda wamphendvula watsi: “Leya ndvodza yasiyalisisa yatsi: ‘Ningeke ningibone ngisho nekungibona, naningeti naye lomnakenu.’

Genesisi 43:5

Kodvwa nawungasivumeli kutsi sihambe naye, singeke sewuke, ngobe lendvodza yakhuluma yatsi: ‘Ningeke ningibone ngisho nekungibona, naningeti naye lomnakenu.’ ”

Genesisi 44:21

Inkhosi yatsi etincekwini tayo: ‘Mletseni la kimi ngitembona ngemehlo.’

Genesisi 44:23

Kodvwa watjela tinceku takho watsi: ‘Ngaphandle kwekutsi nite nemnakenu lomncane, ningeke niyitfole imvume yekubonana nami.’

Genesisi 6:22

Nowa wakwenta konkhe layalwa nguNkulunkulu kutsi akwente.

Johane 2:5

Unina watsi etincekwini: “Nibokwenta konkhe latanitjela kona.”