Genesisi 41:7 - Siswati 1996 Bible

⁷ Letikhutu tamita letibhuluja; Faro wase uyaphaphama, nalapho wakhandza kutsi abebhudza.

Genesisi 41:7 Referencias Cruzadas

Genesisi 20:3

Kodvwa Nkulunkulu weta ku-Abimeleki ngeliphupho ebusuku watsi kuye: “Wena utakufa ngenca yalomfati lomtsetse, ngobe ungumfati walendvodza.”

Genesisi 37:5

Ngalelinye lilanga Josefa wabhudza; watsi nakabatjela labomnakabo, bamtondza kakhulu futsi.

Genesisi 41:6

Emvakwato, kwase kubhaceka tikhutu letisikhombisa kungatsi tihangulwe ngumoya wasemphumalanga.

Genesisi 41:8

Ngakusasa ekuseni umphefumulo wakhe wakhatsateka kakhulu kangangekutsi wadzimate wabita tonkhe tangoma taseGibhithe kanye nabo bonkhe bosiyazi bakhona. Batsi kube befike, Faro wabalandzisa lamaphupho akhe, kodvwa kwabate ngisho namunye lowaba nemandla ekumchazela ngawo.

1 Emakhosi 3:15

Solomoni wase uyaphaphama. Wabona kutsi abebhudza. Wancandzeka wabuyela eJerusalema, wafike wema embikwelibhokisi lesivumelwane saSimakadze wenta imihlatjelo yekushiswa neyekuthula. Emvakwaloko wase wenta lidzili labo bonkhe bantfu basesigodlweni sakhe.