Genesisi 41:55 - Siswati 1996 Bible

⁵⁵ Yatsi kube indlala yembese lonkhe live, baseGibhithe bahamba bayawukhala kuFaro bamtjela kutsi sebabulawa yindlala. Faro wabaphendvula watsi: “Hambani niye kuJosefa, nente konkhe latanitjela kona.”

Genesisi 41:55 Referencias Cruzadas

Genesisi 41:56

Ngako-ke yatsi kube indlala yandze nalo lonkhe live, Josefa wativula tonkhe tingungu takhe watsengisela baseGibhithe kudla, ngobe indlala yase ilikhungetse lonkhe laseGibhithe.

Genesisi 42:6

Ngaleso sikhatsi Josefa abesangundvunankhulu walo lonkhe live. Kwakunguye labetsengisela bonkhe bantfu kudla. Batsi bomnakaboJosefa nabefika, bamkhotsamela, babhekise buso babo phansi.

Matewu 17:5

Watsi asakhuluma loko, kwachamuka lifu lelikhatimulako, labasibekela. Kwevakala livi kulelifu litsi: “Lena yiNdvodzana yami letsandzekako, lengitfokota ngayo; yilaleleni!”

Matewu 3:17

Kusenjalo kwevakala livi livela ezulwini litsi: “Lena yiNdvodzana yami, letsandzekako, lengijabula ngayo.”

Johane 2:5

Unina watsi etincekwini: “Nibokwenta konkhe latanitjela kona.”

KubaseFiliphi 4:19

Nkulunkulu wami utawuhlangabetana nako konkhe kweswela kwenu, kuye ngemcebo webukhosi bakhe lobukuKhristu Jesu.

KubaseKholose 1:19

Kwakuyintsandvo nenjongo yaNkulunkulu, kutsi ahlale kuJesu ngebuNkulunkulu bakhe bonkhe,