Genesisi 41:52 - Siswati 1996 Bible

⁵² Lona wesibili Josefa wametsa libito watsi ngu-Efrayimu, ngaloko abesho kutsi: “Nkulunkulu ungiphe bantfwana eveni lekuhlupheka kwami.”

Genesisi 41:52 Referencias Cruzadas

Genesisi 17:6

Ngitakupha intalo lenyenti, ngikwente tive letinyenti, labanye kuto bayawuba ngemakhosi.

Genesisi 28:3

Shangatsi Nkulunkulu Somandla angakubusisa akuchumise, akwandzise, udzimate ube tive letinyenti.

Genesisi 41:51

Lona wekucala Josefa wametsa libito watsi nguManase, ngobe ngaloko abesho kutsi: “Nkulunkulu ungente ngakhohlwa konkhe kuhlupheka kwami nemndeni waketfu.”

Genesisi 41:53

Yaphela-ke iminyaka lesikhombisa yenala eveni laseGibhithe,

Genesisi 48:1

Emvakwaloko Josefa wabikelwa kutsi uyise uyagula. Ngako-ke Josefa wesuka watsatsa emadvodzana akhe omabili boManase na-Efrayimu, waya nawo kuyise.

Genesisi 48:14

Kodvwa Israyeli welula sandla sakhe sangesekudla wasibeka etikwa-Efrayimu, nome abengulomncane; sandla sakhe sangesancele waselula wasibeka etikwaManase, labelitubulo.

Genesisi 48:5

Wachubeka watsi: “Lamadvodzana akho lamabili lowawatalelwa lapha eveni laseGibhithe ngisengakafiki mine, nguwona awami. Efrayimu naManase batawuba bami, njengobe Rubeni naSimeyoni babami.

Genesisi 49:22

“Josefa uligala lelitselako lemvini, ligala lelitsela ngasemtfonjeni wemanti, emagala akhe ayakhula acance lubondza.

Genesisi 50:23

Josefa wakhula, wadzimate wabona bantfwana ba-Efrayimu nebatukulu bakhe; wabona nebantfwana baMakhire, umsa waManase; Josefa wabafaka emndenini wakhe.

Amose 6:6

Ninatsa liwayini ngetitja letigcwele, nitigcobise ngemafutsa lanuka kamnandzi, kodvwa anidzabuki ngekucitfwa kwaJosefa.

Numeri 26:28

Titukulwane takaJosefa lusendvo ngelusendvo kusukela kuboManase na-Efrayimu tatime kanje:

Imisebenti yebaPhostoli 7:10

wamsindzisa kuto tonkhe tinhlupheko takhe. Josefa watsi nakema embikwaFaro, inkhosi yaseGibhithe, Nkulunkulu wamnika umoya lomuhle nekuhlakanipha. Faro wamenta umbusi etikwalo lonkhe laseGibhithe nasetikwendlu yakhe yonkhe.

Joshuwa 14:4

ngobe emadvodzana aJosefa abesative letimbili: sive sakaManase, nesaka-Efrayimu. EmaLevi akazange abelwe live, kodvwa abelwa emadolobha lapho abetawuhlala khona, abelwa nemadlelo etifuyo tawo.

Joshuwa 16:4

Ngako-ke Manase na-Efrayimu, titukulwane taJosefa, tabelwa lelo lifa.

Joshuwa 17:1

Nali-ke live lelabelwa sive sakaManase, labelitubulo laJosefa; lelabelwa Makhire, litubulo laManase. Makhire abengukhokho webakaGileyadi, labemukele iGileyadi neBhashani, ngobe Makhire abeyingwazi ledvumile.

1 Samuweli 1:20

Ngekuhamba kwesikhatsi Hana wakhulelwa watala indvodzana, wayetsa libito watsi nguSamuweli, atsi: “Ngamcela kuSimakadze.”