Genesisi 41:42 - Siswati 1996 Bible

⁴² Faro wakhipha indandatho yakhe esandleni sakhe, wayifaka esandleni saJosefa; wamembatsisa ingubo yelineni lecolisakele, wamegabisa buhlalu begolide entsanyeni.

Genesisi 41:42 Referencias Cruzadas

Genesisi 38:18

Juda wabuta watsi: “Sibambiso sini lengingakunika sona?” Wamphendvula watsi: “Indandatho leneluphawu lwakho, nentsambo yakho, neludvondvolo lwakho lolusesandleni sakho.” Wamnika. Wangena, walala naye; Thamari wakhulelwa.

Genesisi 41:43

Wamekhweta encoleni yakhe yesibili. Bogadzi bakhe bahamba embikwakhe, bamemeta batsi: “Khweshani! Khweshani!” Wambeka kanjalo-ke kutsi engamele lonkhe laseGibhithe.

Esta 10:3

Modekhayi waba siphatsimandla lesaba lisekela lenkhosi Ahashiveroshi. EmaJuda abemhlonipha amatisa, kunjalo nje naye abesebentela kutsi bantfu besive sakubo netitukulwane tabo tihlale tinekuphepha.

Esta 3:10

Inkhosi yakhumula indandatho yayo leyayineluphawu lwekugcoba simemetelo lesiphuma enkhosini, yayinika lesitsa semaJuda, Hamani, umsa waHamedatha, umtukulu wa-Agagi.

Esta 3:12

Ngako-ke kwatsi ngelilanga leli-13 lenyanga yekucala, Hamani wabita bonkhe bomabhalane benkhosi, ababitela lesatiso kuze basihumushe basibhale ngato tonkhe tilimi neluhlobo lwekubhala lolwalusetjentiswa eveni lasePheresiya. Tase titfunyelwa kuto tonkhe tindvuna, netikhulu, netiphatsimandla temibuso. Takhishwa egameni lenkhosi Ahashiveroshi tineluphawu lwendandatho yakhe.

Esta 8:10

Modekhayi watibhala tonkhe letincwadzi egameni lenkhosi Ahashiveroshi, watingcivita ngendandatho yeluphawu lwenkhosi. Kwakhishwa emancusa labegibele emahhashi enkhosi elikhetselo lagijima kakhulukati.

Esta 8:15

Modekhayi waphuma endlunkhulu embetse imijiva yebukhosi lelingangane nalemhlophe, nengubo lebukhwebeletane kanye nemchele lomuhle wegolide. Bonkhe bantfu edolobheni laseSusa bema etitaladini bamemeta ngalokukhulu kujabula.

Esta 8:2

Inkhosi yakhumula indandatho yayo leneluphawu lwayo, yona leyo labeyinike Hamani, wase uyinika Modekhayi. Esta wanika Modekhayi lilungelo lekuphatsa tonkhe timphahla bekutaHamani.

Esta 8:8

Incwadzi leneluphawu lwebukhosi ingeke iphikiswe ngumuntfu. Ngako-ke ungawabhalela egameni lami onkhe emaJuda loko lofisa kuwabhalela kona, bese lenkhulumo uyinyatselisa ngeluphawu lwebukhosi.”

Tihlabelelo 73:6

Ngako-ke kutigcabha bakwegabe entsanyeni njengeligcebesha. Budlova babembetse njengengubo.

Taga 1:9

ngobe iyakuba ngumhlobiso lonjengemchele wenhloko yakho, nanjengeligcebesha lentsamo yakho.

Taga 31:22

Wenta tembeso temibhedze, embatse timphahla letentiwe ngakotini locolisakele naletibukhwebeletane.

Taga 31:24

Utfunga tingubo ngendvwangu lecolisakele, bese utsengisela bahwebi.

Ingoma Yetingoma 1:10

Tihlatsi takho timomondziya nje nase tinemacici, nentsamo yakho nase yegatjiswe ingcibo.

Ingoma Yetingoma 4:9

Uyitfumbile inhlitiyo yami, dzadzewetfu, makoti wami. Uyitfumbile inhlitiyo yami ngekungikha kanye nje ngemehlo akho, ngelucu lunye nje lwengcibe yentsamo yakho.

Isaya 3:23

netibuko, netingubo telineni lecolisakele, nemishuculo kanye nematjalo.

Jeremiya 52:33

Ngako Jehoyakhini wababeka eceleni labomfengeni bakhe basejele, kusukela ngalelo langa abedla etafuleni lenkhosi njalo nje, imphilo yakhe yonkhe.

Hezekeli 27:7

Ilineni lecolisakele nalehlotjisiwe yaseGibhithe kwakungulona seyili lakho lelalisebenta njengesiboniso sakho; emathende akho abentiwe ngalokuluhlata njengesibhakabhaka nangalokubukhwebeletane lokuphuma etichingini tase-Elisha.

Danyela 5:16

Ngivile-ke wena kutsi ungakwati kuveta tinchazelo nekucatulula tinkinga letilukhuni. Nawungafundza lombhalo, ungitjele kutsi usho kutsini, utakwembatsiswa letibukhwebeletane, kugacwe umgaco wegolide entsanyeni yakho, bese wentiwa uba ngumbusi wesitsatfu embusweni.”

Danyela 5:29

Ngekushesha Bhelshasari watfumela livi kutsi Danyela akembatsiswe ngaletibukhwebeletane, kwagacwa entsanyeni yakhe umgaco wegolide, kwamenyetelwa kutsi yena sewungumbusi wesitsatfu embusweni.

Danyela 5:7

Inkhosi yamemeta kutsi kulandvwe bonkhe batsebuli, nabosonkhanyeti, netangoma. Yakhuluma kuletati taseBhabhulona, yatsi: “Nome ngabe ngubani longafundza lombhalo, angitjele kutsi usho kutsini, utakwembeswa ngaletibukhwebeletane, agacwe umgaco wegolide entsanyeni yakhe, entiwe abe ngumbusi wesitsatfu embusweni.”

Lukha 15:22

Kepha uyise wabita tisebenti watsi: ‘Phangisani niletse ingubo lenhle niyembatsise, niyifake nendandatho emnweni wayo, neticatfulo etinyaweni.

1 Samuweli 18:4

Jonathani wakhumula ingubo yakhe labeyembatsa, wayinika Davide, wamnika netembatfo takhe, nesikhali sakhe, nebutjoki bakhe kanye nelibhande lakhe.