Genesisi 41:41 - Siswati 1996 Bible

⁴¹ Wachubeka Faro watsi: “Sengikubekile kutsi wengamele lonkhe live laseGibhithe.”

Genesisi 41:41 Referencias Cruzadas

Genesisi 39:22

Umgcinijele wabeka tonkhe tiboshwa ngaphansi kwesandla saJosefa; yonkhe imisebenti leyayentiwa ejele yabekwa ngaphansi kwesandla saJosefa.

Genesisi 39:5

Kusukela ngalelo langa labekwa ngalo kwengamela likhaya laPhotifari netimphahla takhe, Simakadze walibusisa lelikhaya lalomGibhithe ngenca yaJosefa. Sibusiso saSimakadze sasisetikwako konkhe Photifari labenako ekhaya nasemasimini.

Genesisi 41:44

Ngetulu kwaloko Faro wakhuluma kuJosefa watsi: “NginguFaro; ngaphandle kwakho kute umuntfu lotawuphakamisa sandla sakhe nome lunyawo lwakhe lapha kuleli laseGibhithe.”

Genesisi 42:6

Ngaleso sikhatsi Josefa abesangundvunankhulu walo lonkhe live. Kwakunguye labetsengisela bonkhe bantfu kudla. Batsi bomnakaboJosefa nabefika, bamkhotsamela, babhekise buso babo phansi.

Genesisi 45:8

“Ngako-ke, akusini lenangitfumela la, kodvwa nguNkulunkulu. Sewungente ngaba nguyise waFaro, nenkhosi yendlu yakhe, nembusi etikwelive lonkhe laseGibhithe.

Esta 10:3

Modekhayi waba siphatsimandla lesaba lisekela lenkhosi Ahashiveroshi. EmaJuda abemhlonipha amatisa, kunjalo nje naye abesebentela kutsi bantfu besive sakubo netitukulwane tabo tihlale tinekuphepha.

Tihlabelelo 105:21

Wamenta waba sikhulu semuti wakhe, waba ngundvunankhulu welive lonkhe,

Taga 17:2

Sigcili lesihlakaniphile siyakhula sibe ngetulu kwendvodzana lekuyimfanayo; lesigcili sigcina sesiyindlalifa kanye nemadvodzana.

Taga 22:29

Use wambona nje umuntfu loyingcweti emsebentini wakhe? Nguye lowo loyawusetjentiswa ngemakhosi, angeke aweswele nemsebenti.

Umshumayeli 4:14

Umuntfu lomusha angaphuma ejele angene esihlalweni sebukhosi, nome abengulotelwe angulomphofu embusweni walenkhosi.

Danyela 2:48

Inkhosi yase ibeka Danyela esikhundleni lesiphakeme kakhulu, yambhumbela ngetipho letinyenti letinkhulu. Yamenta waba ngumbusi etikwesifundza sonkhe saseBhabhulona, yambeka waba ngumengameli wato tonkhe tati takhona.

Danyela 6:3

Danyela wakhombisa likhono lebuholi lelaliphakeme emkhatsini wabo bonkhe labengameli naletikhulu, kangangekutsi inkhosi yadzimate yafuna kumbeka kutsi engamele wonkhe lombuso wayo.

Matewu 28:18

Jesu wasondzela kubo watsi: “Ngiphiwe emandla onkhe ezulwini nasemhlabeni.

Imisebenti yebaPhostoli 7:10

wamsindzisa kuto tonkhe tinhlupheko takhe. Josefa watsi nakema embikwaFaro, inkhosi yaseGibhithe, Nkulunkulu wamnika umoya lomuhle nekuhlakanipha. Faro wamenta umbusi etikwalo lonkhe laseGibhithe nasetikwendlu yakhe yonkhe.