Genesisi 41:34 - Siswati 1996 Bible

³⁴ Akachubeke Faro abeke tindvuna kuyo yonkhe imimango yalelive. Letindvuna tibotsatsa incenye yesihlanu yesivuno kulo lonkhe laseGibhithe, ngaleminyaka yenala lenkhulu.

Genesisi 41:34 Referencias Cruzadas

Genesisi 41:33

“Ngako-ke Faro akakhetse indvodza lecaphelako, nalecotfo, ayibeke yengamele lonkhe live laseGibhithe.

Genesisi 41:35

Tibutse konkhe lokudla ngaleminyaka yenala lesikhombisa letako, konkhe tikwente ngeligama nangemandla aFaro, tikubutsele emadolobheni lokudla, bese tiyakulondvolota.

Genesisi 47:24

Nanivunako, incenye yesihlanu yesivuno nitawuyetfula kuFaro, bese kutsi tincenye letine esihlanwini tibe tenu netemindeni yenu.”

Genesisi 47:26

Ngako-ke Josefa wakwenta kwaba ngumtsetfo lomile welive laseGibhithe, kuze kube ngulamuhla, kutsi Faro anikwe incenye yesihlanu yesivuno. Live lebaphristi lodvwa lelasala langete ladliwa nguFaro.

2 Tikhronike 34:12

Lamadvodza awenta ngekwetsembeka lokukhulu lomsebenti. Lababebacondzisi babo bekuboJahathi, na-Obadiya, emaLevi labeyintalelwane yaMerari, naZakhariya, naMeshulamu labebadzabuka kuKhohati. Onkhe emaLevi labebochwephesha ekudlaleni tingubhu temculo,

Nehemiya 11:9

Joweli, umsa waZikhri, abeyindvuna yabo lenkhulu, Juda, umsa waHasenuwa, abengamele Sifundza Sesibili salelidolobha.

Jobe 5:20

Ngesikhatsi sendlala uyakukusindzisa ekufeni, nasemphini akusindzise enkembeni.

Tihlabelelo 33:19

kutsi atewukhulula umphefumulo wabo ekufeni abaphilise endlaleni.

Taga 22:3

Umuntfu lohlakaniphile ingoti uyibona iseta, bese uyayibalekela; kantsi longenangcondvo ucondza ngco kuyo, bese utisola emvakwesikhatsi.

Taga 27:12

Umuntfu lohlakaniphile uyibona iseta ingoti bese uyayibalekela, uyabhaca; kodvwa longakahlakaniphi uyatfusha nje, etfuke asasetikwayo, atisole kamuva.

Numeri 31:14

Mosi wabatfukutselela labaholi bemphi, baholi betinkhulungwane nebemakhulu labancandzeka emphini.

Lukha 16:5

“Ngako wabita bonkhe lababekweleda lesicebi ngamunye ngamunye. Kulona wekucala watsi: ‘Uyikweleda malini inkhosi yami?’