Genesisi 41:14 - Siswati 1996 Bible

¹⁴ Ngako Faro watfumela kutsi kulandvwe Josefa; wakhishwa masinyane ejele. Watsi kube ahhule silevu, agcoke letinye timphahla, wase uletfwa kuFaro.

Genesisi 41:14 Referencias Cruzadas

2 Samuweli 19:24

Mefiboshethi naye, umntfwanemntfwana Sawula, wehla watawuhlangabeta inkhosi Davide. Abengazange atigeze tinyawo takhe, nesilevu sakhe abengazange asihhule, netimphahla takhe abengazange atigeze kusukela mhlazane inkhosi, Davide, iphuma eJerusalema kwaze kwaba lilanga leyabuya ngalo iphephile.

2 Emakhosi 25:29

Ngako Jehoyakhini wabeka eceleni labomfengeni bakhe basejele, kusukela ngalelo langa naye abedla etafuleni lenkhosi njalo nje, imphilo yakhe yonkhe.

Esta 5:1

Kwatsi ngelilanga lesitsatfu lekuzila Esta wembatsa imijiva yakhe yebukhosi, wahamba waze wayawungena ngekhatsi esihoncweni sendlunkhulu. Wangena ngemphundvu lemacondzana nemnyango wendlunkhulu. Inkhosi yayingekhatsi ihleti esihlalweni sayo sebukhosi imacondzana nemnyango.

Eksodusi 10:16

Faro washesha wabita boMosi na-Aroni, wafike watsi kubo: “Ngonile kuSimakadze, longuNkulunkulu wenu, ngona nakini.

Umshumayeli 4:14

Umuntfu lomusha angaphuma ejele angene esihlalweni sebukhosi, nome abengulotelwe angulomphofu embusweni walenkhosi.

Isaya 61:10

Ngiyajabula kakhulu ngaSimakadze; umphefumulo wami uyajabula ngaNkulunkulu wami. Ngobe ungembatsise ngetingubo tensindziso, wangihlobisa ngemjiva wekulunga, njengemyeni ahlobisa inhloko yakhe njengemphristi, nanjengamakoti lotihlobise ngebuhlalu bakhe.

Isaya 61:3

labakhala eSiyoni babonelelwe, banikwe umchele webuhle esikhundleni semlotsa, banikwe nemafutsa enjabulo esikhundleni sesililo, banikwe ingubo yekudvumisa esikhundleni semoya lodzabukile. Bayawubitwa ngekutsi batihlahla tekulunga, letihlanyelwe nguSimakadze, kuze kubonakaliswe inkhatimulo yakhe.

Danyela 2:25

Ariyoki watsatsa Danyela wamyisa enkhosini ngekushesha, watsi: “Ngitfole indvodza emkhatsini webatfunjwa bakaJuda lengayitjela inkhosi kutsi leliphupho layo lisho kutsini.”