Genesisi 40:6 - Siswati 1996 Bible

⁶ Josefa nakefika kubo ekuseni, wakhandza kutsi bobabili bakhatsateke kakhulu.

Genesisi 40:6 Referencias Cruzadas

Genesisi 40:5

Ngalobunye busuku bobabili basejele babhudza, umphatsi wetitja lomkhulu wabhudza lakakhe liphupho, nembhaki lomkhulu wabhudza lakakhe; tinchazelo tawo tatehlukene.

Genesisi 40:7

Ngako-ke Josefa watibuta letiphatsimandla taFaro letatinaye ejele, watsi: “Buso benu bubukeka bukhatsatekile lamuhla kwenteke njani?”

Genesisi 40:8

Bamphendvula batsi: “Sobabili sibhudzile, futsi kute nalongachaza kutsi asho kutsini lamaphupho etfu.” Josefa wabaphendvula watsi: “Kantsi tinchazelo temaphupho atiphumi kuNkulunkulu yini? Ase ningitjele kutsi nibhudzeni.”

Genesisi 41:8

Ngakusasa ekuseni umphefumulo wakhe wakhatsateka kakhulu kangangekutsi wadzimate wabita tonkhe tangoma taseGibhithe kanye nabo bonkhe bosiyazi bakhona. Batsi kube befike, Faro wabalandzisa lamaphupho akhe, kodvwa kwabate ngisho namunye lowaba nemandla ekumchazela ngawo.

Danyela 4:5

Ngabhudza liphupho lelangenta ngesaba kakhulu. Ngatsi ngisalele embhedzeni wami, imicabango nemibono leyabonakala engcondvweni yami kwangetfusa.

Danyela 5:6

Buso bayo bagucuka baphaphatseka, yatfutfumela kangangekutsi kwaze kwagedletela emadvolo ayo, kwatsamba nemilente yayo.

Danyela 7:28

“Loku-ke kuphela kwendzaba yonkhe. Mine Danyela, ngakhatsateka kakhulu ngimicabango yami, buso bami baze baphaphatseka, kodvwa lendzaba yaba sifuba sami ngedvwa.”

Danyela 8:27

Mine Danyela ngaphela emandla, ngalala ngigula emalanga lamanyenti. Ngase ngiyavuka ngachubeka nemsebenti wenkhosi. Ngangimangaliswe ngulombono, futsi wawungetulu kwengcondvo yemuntfu.