Genesisi 39:2 - Siswati 1996 Bible

² Simakadze waba naJosefa wamphumelelisa kuko konkhe. Josefa abehlala kalomnumzane waseGibhithe.

Genesisi 39:2 Referencias Cruzadas

Genesisi 21:20

Nkulunkulu waba naye lomntfwana. Wakhula, akhulela ehlane, waba yingcweti kutebutjoki.

Genesisi 21:22

Ngaso leso sikhatsi Abimeleki waya ku-Abrahama ahamba naPhikoli, indvuna yemabutfo akhe, wafike watsi: “Nkulunkulu unawe kuko konkhe lokwentako.

Genesisi 26:24

Simakadze wabonakala kuye ngabona lobo busuku, watsi: “NginguNkulunkulu weyihlo Abrahama; ungesabi, ngobe nginawe, ngiyakukubusisa ngandzise titukulwane takho ngenca yenceku yami Abrahama.”

Genesisi 26:28

Bamphendvula batsi: “Manje sekusikhanyele kutsi Simakadze unawe. Ngako-ke sitsi: Akube nesifungo emkhatsini wakho natsi. Asente sivumelwane nawe,

Genesisi 28:15

Ukhumbule kutsi ngitawuba nawe ngikulondvolote nome uyaphi, ngikubuyise kulo lelive. Ngobe ngingeke ngikushiye ngingakakwenti loku lesengikwetsembise kona.”

Genesisi 39:23

Umgcinijele akazange aphindze ahlupheke ngaloko lokwakungaphansi kwesandla saJosefa, ngobe Simakadze abenaye, futsi konkhe labekwenta Josefa Simakadze abekuphumelelisa.

Genesisi 39:3

Nalomnumzane wabona kutsi Simakadze abenaJosefa nekutsi Simakadze abekwenta kuchume konkhe lokuke kwaphatfwa tandla taJosefa.

2 Emakhosi 18:7

Simakadze waba naye, wamphumelelisa kuko konkhe labekwenta. Wayivukela inkhosi yase-Asiriya wangete wayihlehlela.

1 Tikhronike 9:20

Finehasi, umsa wa-Eleyazare, ekucaleni bekaphetse labomahlalesangweni, naSimakadze waba naye.

2 Tikhronike 1:1

Solomoni, umsa waDavide, watimisela umbuso locinile, ngobe Simakadze Nkulunkulu wakhe abenaye, wamenta waba mkhulu kakhulu.

Tihlabelelo 1:3

Unjengesihlahla lesihlanyelwe elusentseni lwemifula, sona sitsela titselo ngesikhatsi sato emacembe aso akabuni. Konkhe lakwentako kuyaphumelela.

Tihlabelelo 46:11

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 46:7

Nkulunkulu Somandla unatsi, Nkulunkulu waJakobe usiphephelo setfu. Cabanga.

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Isaya 41:10

Ngako-ke ungesabi, ngobe mine nginawe; ungajabhi, ngobe mine nginguNkulunkulu wakho. Ngitakucinisa ngikusite, ngiyakukubamba ngesandla sami sekudla lesilungile.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

Jeremiya 15:20

Ngiyawukwenta ube lubondza kulesive, yebo, lubondza lwelitfusi lolucinile: bayakulwa nawe kodvwa bangeke bakwehlule, ngobe nginawe kutsi ngikwephule ngibuye ngikusindzise,” kusho Simakadze.

Matewu 1:23

“Bheka, intfombi iyawukhulelwa itale indvodzana, libito layo kuyawutsiwa ngu-Imanuweli,” lokusho kutsi: “Nkulunkulu unatsi.”

Imisebenti yebaPhostoli 8:31

Waphendvula watsi: “Ngingeva kanjani kute longichazelako nje?” Wase ucela yena Filiphu kutsi agibele ahlale eceleni kwakhe.

1 kuThimothi 6:1

Bonkhe labangaphansi kwelijoko lekuba tisebenti ludvumo lonkhe abalunike baphatsi babo, kuze phela lingahlambalateki libito laNkulunkulu nemfundziso yakhe yonkhe.

Joshuwa 1:5

Kute namunye loyawukhona kumelana nawe, tonkhe tinsuku tekuphila kwakho. Ngiyakuba nawe, njengobe nganginaye naMosi. Ngingeke ngikushiye, futsi ngingeke ngikulahle.

Joshuwa 1:9

Angikakuyali yini? Cina ube nesibindzi. Ungetfuki, futsi ungaphelelwa ngemandla, ngobe Simakadze Nkulunkulu wakho uyakuba nawe nome ngukuphi lapho uya khona.”

Joshuwa 6:27

Ngako Simakadze waba naJoshuwa kuko konkhe, ludvumo lwakhe lwandza nalo lonkhe live.

1 Samuweli 16:18

Lenye yetinceku yaphendvula yatsi: “Ngibone indvodzana yaJese waseBhetlehema lenelikhono ekudlaleni ihabhu. Uyindvodza lenesibindzi, futsi uyingwazi. Ukhuluma kahle futsi, ulikhwa, naSimakadze unaye.”

1 Samuweli 18:14

Kuko konkhe labekwenta Davide abeba nemphumelelo, ngobe Simakadze abenaye.

1 Samuweli 18:28

Watsi kube Sawula kumkhanyele kutsi Simakadze abenaye Davide, nekutsi lendvodzakati yakhe Mikhali yayimtsandza Davide,

1 Samuweli 3:19

Simakadze waba naSamuweli asakhula, wangete wavumela ngisho nalinye livi lakhe kutsi liwele phansi.