Genesisi 38:24 - Siswati 1996 Bible

²⁴ Emvakwetinyanga letintsatfu wabikelwa Juda kwatsiwa: “Thamari, malukatana wakakho ugwadlile, manje nje sewutetfwele.” Juda waphendvula watsi: “Mkhipheni, nimshise aze afe.”

Genesisi 38:24 Referencias Cruzadas

Genesisi 20:3

Kodvwa Nkulunkulu weta ku-Abimeleki ngeliphupho ebusuku watsi kuye: “Wena utakufa ngenca yalomfati lomtsetse, ngobe ungumfati walendvodza.”

Genesisi 20:7

Manje-ke, mncandzekise lomfati walendvodza, ngobe ingumphrofethi; itakuthandazela bese uyaphila. Kodvwa nawungamncandzekisi, ubovele wati kutsi utakufa, wena nebantfu bakho.”

Genesisi 20:9

Abimeleki wabita Abrahama wambuta watsi: “Yini lena lose uyente la kitsi? Ngikone ngani, kutsi ungaze uletsele mine kanye nembuso wami lesono lesikhulu kangaka? Utenteleni letintfo bewungakafaneli kutenta?”

Genesisi 34:31

Kodvwa bamphendvula batsi: “Besingeke sivume kutsi dzadzewetfu entiwe ingwadla.”

Genesisi 38:23

Juda wamphendvula watsi: “Yiyekele itigcine leto tintfo, singaze sibe yinhlekisa kubantfu. Ngetamile kuyitfumelela lelizinyane, kodvwa wena wehlulekile kuyitfola.”

2 Samuweli 12:5

Davide watfukutsela wabila, atfukutselela lendvodza, waze wakhuluma kuNathani watsi: “Ngifunga kuphila kwaSimakadze, ngitsi, lomuntfu lowente intfo lenjena kufanele afe nekufa!

2 Samuweli 12:7

Nathani wakhuluma kuDavide, watsi: “Lowo muntfu nguwe, nkhosi! Naku-ke Simakadze Nkulunkulu wema-Israyeli lakushoko, utsi: ‘Ngakugcoba kutsi ube yinkhosi yema-Israyeli, ngakukhulula esandleni saSawula.

Umshumayeli 7:26

Ngikhandza lokubaba kakhulu kunekufa: umfati lolugibe nalonenhlitiyo lengusochaka, yebo, umfati lotandla takhe titibopho. Indvodza lejabulisa Nkulunkulu iyawubaleka kuye, kodvwa indvodza lesoni uyakuyibamba.

Jeremiya 2:20

“Lijoko lakho walephula, lokwa kadzeni, watidzabula tibopho takho, watsi: ‘Ngingeke ngikukhonte!’ Ngempela, kuwo onkhe emagcuma laphakeme nangaphansi kwato tonkhe tihlahla letendlala emagala ato, walala phansi, walala njengengwababane.

Jeremiya 3:1

“Nangabe indvodza ilahla umkayo, bese lomfati wendza kulenye indvodza, lendvodza ingabuyela yini kulomfati? Utsi kepha lelive lingete langcola lonkhe? Kodvwa utiphatsise kwengwababane ngekuphinga nemadvodza lamanyenti; manje sewungabuyela njani kimi?” kusho Simakadze.

Jeremiya 3:6

Ngesikhatsi kusabusa inkhosi Josaya, Simakadze wakhuluma kimi, watsi: “Ukubonile yini lokwentiwe ngu-Israyeli longaketsembeki? “Wenyukele etulu kuwo onkhe emagcuma laphakeme, waya nangaphansi kwato tonkhe tihlahla letendlala emagala ato, waphingela khona lapho.

Jeremiya 3:8

Ngamnika Israyeli longaketsembeki sitifiketi sesehlukaniso, ngamcosha ngenca yako konkhe loko kuphinga kwakhe. Noko ngakubona loko kungetsembeki kwadzadzewabo longuJuda kutsi akesabi; naye waphindze waphuma wayawuphinga.

Hezekeli 16:15

“ ‘Kodvwa wena wesuke wase wetsembela kulobuhle bakho, lelidvumela lakho lakwenta waba yingwababane. Watfululela konkhe kukhanuka kwakho kunome ngubani labendlula ngendlela, buhle bakho baba bake.

Hezekeli 16:25

Ekucaleni kwato tonkhe titaladi watimisela khona tindzawo letiphakeme tekukhontela tithico, watehlisa wena ebuhleni bakho, ngekunikela ngemtimba wakho ngekugwadla nekuphinga nabo bonkhe labendlula ngendlela.

Hezekeli 16:26

Wacala kugwadla nebaseGibithe, bomakhelwane bakho labagcwele inkhanuko, wangitfukutselisa ngebugwadla nebuphingi bakho lobandzako.

Hezekeli 16:28

Wesukelana nekugwadlisa base-Asiriya futsi, ngobe wawusolo ungakeneliseki; nangemva kwaloko futsi wasala ungakeneli.

Hezekeli 16:41

Liyawushisa tindlu takho, lehlisele sijeziso etikwakho embikwebafati labanyenti. Ngiyawubucedza lobugwadla bakho, futsi awuseyiwuphindza utibhadale letiphingi takho logwadla nato.

Hezekeli 23:19

Noko yena wachubeka wadlanga ngalobugwababane bakhe, njengobe abekhumbula emalanga ebusha bakhe ngesikhatsi asagwadla eGibhithe.

Hezekeli 23:44

Balala naye njengobe emadvodza alala nengwababane, alala kanjalo-ke nalamantfombatane labephetfwe luntjingintjingi lwenkhanuko, bo-Ohola na-Oholibha.

Hezekeli 23:5

“Ohola wangenela bugwababane asewami; wakhanuka emashende akhe, ema-Asiriya, lekwakutihlabani

Hoseya 2:5

Unina abengaketsembeki, wabemitsa ngekwelihlazo, watsi: ‘Ngitawulandzela emashende ami, labo labangipha kudla kwami nemanti ami, insontfo yami, nelineni yami, emafutsa ami kanye nesinatfo sami.’

Hoseya 3:3

Ngase ngiyamtjela lomkami, ngatsi: “Wena kufanele uhlale nami emalanga lamanyenti; akukafaneli lokutsi ube yingwadla nome wetayelane nalenye indvodza, nami ngitawuhlala nawe.”

Hoseya 4:15

“Awu Israyeli, nome sewuphinga kangaka nje, ningamenti Juda abe nelicala naye. “Ningayi eGilgali; ningayi eBhethi Aveni. Ningafungi futsi nitsi: ‘Kuphila kwaSimakadze!’

Levithikusi 20:10

“ ‘Nangabe indvodza iphinga nemfati walenye indvodza, nome yamakhelwane wayo, bobabili, lesiphingi nalesiphingikati, kufanele babulawe.

Levithikusi 21:9

Nangabe indvodzakati yemphristi itingcolisa ngekugwadla, ihlazisa uyise, iyawushiswa ngemlilo ize ife.

KubaseRoma 14:22

Kukholwa lonako kugcine emkhatsini wakho naNkulunkulu. Ubusisiwe lowo longatilahli ngaloko lakubone kutsi kufanele.

Dutheronomi 24:16

“Boyise abayiwubulawa ngenca yebantfwana babo, nebantfwana futsi abayiwubulawa ngenca yaboyise babo; ngulowo muntfu uyawutifela yena ngesono sakhe.

Tikhulu 19:2

Kodvwa lesingani sakhe sasingaketsembeki kuye. Samshiya sabuyela ekhaya kubo eBhetlehema kulakaJuda. Sahlala lapho kwaze kwaphela tinyanga letine,