Genesisi 37:9 - Siswati 1996 Bible

⁹ Josefa waphindze wabhudza, wabatjela watsi: “Ase nginitjele nali lelinye liphupho. Ngibhudze lilanga, nenyana, netinkhanyeti leti-11 tingikhotsamela.”

Genesisi 37:9 Referencias Cruzadas

Genesisi 20:3

Kodvwa Nkulunkulu weta ku-Abimeleki ngeliphupho ebusuku watsi kuye: “Wena utakufa ngenca yalomfati lomtsetse, ngobe ungumfati walendvodza.”

Genesisi 37:10

Kwatsi nakalitjela boyise nabomnakabo leliphupho, uyise wamtsetsisa watsi kuye: “Yini lena loyibhudzako wena? Ucabanga kutsi mine, nenyoko, nabomnakenu, sitakuta sitekukhotsama la kuwe?”

Genesisi 37:7

Ngibhudze sibopha titfungo ekhatsi nensimi, sitfungo sami sasukuma sema satsi mpo, leti tenu tase titungeleta lesi sami tasikhotsamela.”

Genesisi 37:8

Labomnakabo bambuta batsi: “Usho kutsi wena utawuba yinkhosi ubuse etikwetfu?” Bachubeka bamtondza kakhulu ngenca yemaphupho akhe nenkhulumo yakhe.

Genesisi 41:25

Josefa wakhuluma kuFaro watsi: “Omabili lamaphupho aFaro, asho intfo yinye. Nkulunkulu wembulele Faro ngaloko latakwenta.

Genesisi 41:32

Lokuphindzaphindzeka kwaleliphupho laFaro kuchaza kutsi loku kumiswe nguNkulunkulu, futsi Nkulunkulu utakwenta masinyane.

Genesisi 42:6

Ngaleso sikhatsi Josefa abesangundvunankhulu walo lonkhe live. Kwakunguye labetsengisela bonkhe bantfu kudla. Batsi bomnakaboJosefa nabefika, bamkhotsamela, babhekise buso babo phansi.

Genesisi 43:26

Watsi kube efike ekhaya Josefa, bomnakabo base bangenisa tipho lababemphatsele tona batetfula kuye, bamkhotsama.

Genesisi 43:28

Baphendvula batsi: “Inceku yakho lengubabe, isaphila.” Bamkhotsamela, bamshayela sihlutfu.

Genesisi 44:14

Watsi kube Juda nabomnakabo befike endlini kaJosefa, bamkhandza naye asekhona. Bakhotsama phansi embikwakhe.

Genesisi 44:19

Kucala inkhosi yami yabuta tinceku tayo yatsi: ‘Ninaye yini uyihlo nome umnakenu?’

Genesisi 45:9

“Sheshani nibuyele kubabe nifike nimtjele nitsi: ‘Josefa, indvodzana yakho, utsi: Nkulunkulu ungente ngaba yinkhosi eveni laseGibhithe lonkhe; shesha wehle ute kimi ungalibali.

Genesisi 46:29

Josefa wagibela incola yakhe waphikelela khona eGosheni, wayawuhlangabeta uyise Israyeli. Watsi achamuka nje, Josefa wambona uyise watigaca entsanyeni yakhe, wakhalela kuye sikhatsi lesidze.

Genesisi 47:12

Josefa wapha uyise kudla, wapha nabomnakabo, nemndeni weyise; kwaya ngebunyenti babo.

Danyela 8:10

Lwakhula lwadzimate lwefikela nasemabutfweni lasemazulwini, lwajikijela phansi emhlabeni letinye tetinkhanyeti, lwatigcobagcoba.

Numeri 12:6

Simakadze watsi kubo: “Lalelani la kimi: Nakunemphrofethi lapha emkhatsini wenu, ngimi Simakadze lengitibonakalisa ngemibono kuye ngikhulume naye ngemaphupho.

KubaseFiliphi 2:15

kuze nibe ngulabangasoleki, nalabangenacala, bantfwana baNkulunkulu labangenasici emkhatsini wesitukulwane lesigwegwile nalesiphambene. Kufanele nikhanye kuso lesitukulwane njengetinkhanyeti letikhanyisa esibhakabhakeni,