Genesisi 37:4 - Siswati 1996 Bible

⁴ Batsi kube bomnakabo babone kutsi uyise umtsandza kakhulu kunabo bonkhe, base bayamtondza loJosefa, kangangekutsi babengasamkhulumisi kahle.

Genesisi 37:4 Referencias Cruzadas

Genesisi 27:41

Esawu wamtondza Jakobe ngenca yesibusiso labesitsatse kuyise, wadzimate watsi enhlitiyweni yakhe: “Emalanga ekulilela babe asayasondzela, emvakwawo Jakobe, umnaketfu, ngitambulala.”

Genesisi 37:11

Bomnakabo baba nemona, kodvwa uyise wawagcina engcondvweni yakhe lamaphupho.

Genesisi 37:5

Ngalelinye lilanga Josefa wabhudza; watsi nakabatjela labomnakabo, bamtondza kakhulu futsi.

Genesisi 4:5

kepha Khayini nemnikelo wakhe akazange amnake. Ngako-ke Khayini watfukutsela kakhulu; buso bakhe banyukumala, bahlwa.

Genesisi 49:23

Titsa takhe timhlasela ngalokwesabekako, timcoshe ngebutjoki nangemicibisholo.

Tihlabelelo 38:19

Titsa tami tiphila kahle tinemandla, banyenti nalabangitondza ngaphandle kwesici.

Tihlabelelo 69:4

Banyenti kunetinwele tenhloko yami badlanga ngemandla labafuna kungibulala, labo labangitondza ngelite. Ngiphocelelwani kutsi ngikhishiswe intfo lengingakayebi?

Jeremiya 12:6

Bomnakenu nemndeni wakenu nabo futsi bakutsengisile, baphakamisa sililo lesikhulu kakhulu ngekutsi abakufuni. Ungabetsembi nome bakhuluma kahle kuwe.”

Makho 3:25

Nangabe likhaya lehlukene ekhatsi, alichubi.

kuThithusi 3:3

Ngobe natsi matfupha sake saba tilima, singalaleli, sidukiswa, sitigcili tato tonkhe tinkhanuko nekutamasa. Besiphila ebubini nasemoneni, sitondzekile, sitondzana.

1 yaJohane 2:11

Kodvwa lowo lotondza umzalwane wakhe usebumnyameni, uhamba ebumnyameni, futsi akati nekutsi uyaphi, ngobe bumnyama buphumphutsekise emehlo akhe.

1 yaJohane 3:10

Bantfwana baNkulunkulu nebantfwana baSathane babonakala ngaloku: Umuntfu longenti kulunga nalongatsandzi umzalwane wakhe, akasiye waNkulunkulu.

1 yaJohane 3:12

Singabi njengaKhayini labe waLomubi, wabulala umnakabo. Wambulalelani-ke? Wambulala, ngobe imisebenti yakhe yayimibi, kantsi lena ya-Abela, umnakabo, yayilungile.

1 yaJohane 4:20

Umuntfu nakatsi: “Ngiyamtsandza Nkulunkulu,” kepha abe atondza umzalwane wakhe, ungulocalemanga; ngobe umuntfu longamtsandzi umzalwane wakhe lambonako, angeke amtsandze Nkulunkulu langazange asambone.

1 Samuweli 17:28

Kwatsi Eliyabe, umnakaboDavide lomkhulu, nakeva loku lokwakukhulunywa nguDavide nalamadvodza, wamvutsela ngelulaka watsi: “Utewufunani wena lapha? Utishiye nabani letimvu letimbalwa lena ehlane? Ngiyati kutsi utikhukhumeta kanjani nekutsi inhlitiyo yakho yimbi kanganani; utele kutawubukela imphi nje kuphela.”