Genesisi 37:35 - Siswati 1996 Bible

³⁵ Onkhe emadvodzana akhe ase eta kuye atekumdvudvuta. Kodvwa wala kudvudvutwa watsi: “Ngiyawuze ngehle ngiye endzaweni yalabafile, lapho kunendvodzana yami khona, seloku ngililela indvodzana yami.” Ngako-ke uyise wachubeka walila.

Genesisi 37:35 Referencias Cruzadas

Genesisi 25:8

Abrahama wafa asamdzala kakhulu asenelisekile emphilweni; walandzela bokhokho bakhe.

Genesisi 31:43

Labani waphendvula Jakobe watsi: “Lamadvodzakati lawa ngami, nalabantfwana bami, nalemihlambi yami, nako konkhe loku lokubonako kwami. Kodvwa kute lengingabuye ngikwente ngalamadvodzakati nalabantfwabawo lababatele.

Genesisi 35:29

Wafa asamdzala kakhulu, walandzela bokhokho bakhe. Wangcwatjwa bo-Esawu naJakobe, emadvodzana akhe.

Genesisi 42:31

Kodvwa samphendvula satsi: ‘Asisito tinhloli, singemadvodza letsembekile.

Genesisi 42:38

Kodvwa Jakobe watsi kuye: “Indvodzana yami angiyivumeli kutsi uhambe nayo, yewukele eGibhithe. Umnakabo ufile, nguye yedvwa losasele. Nakungahle kwenteke avelelwe yingoti nisesendleleni, ngitakufa ngibulawe buhlungu ebudzaleni bami.”

Genesisi 45:28

Israyeli wakhuluma watsi: “Sengenelisekile kutsi Josefa, indvodzana yami, uyaphila. Angehle ngiyekumbona, ngingakafi.”

Genesisi 48:11

Israyeli wakhuluma kuJosefa watsi: “Ngangingasacabangi kutsi ngiyawuphindze ngibubone buso bakho, kodvwa Nkulunkulu sewungivumele kutsi ngikubone, ngaze ngabona ngisho nebantfwabakho futsi.”

2 Samuweli 12:17

Baholi bendlu yakhe bema eceleni kwakhe bentela kumvusa, kodvwa wala, akazange adle kanye nabo.

2 Samuweli 12:23

Kodvwa nyalo njengobe asafile, sengingatsi ngizileleni? Ngingaphindze ngimbuyise yini? Mine ngitakuya kuye, kodvwa yena angeke ancandzeke ete kimi.”

2 Samuweli 19:1

Jowabe wabikelwa kwatsiwa: “Inkhosi iyakhala, ililela Absalomu.”

1 Tikhronike 7:22

Efrayimu, uyise, wabalilela emalanga lamanyenti, netihlobo takhe taze teta kutamdvudvuta.

Jobe 2:11

Kwatsi kube bakuve konkhe loko lobekumehlele Jobe, bangani bakhe labatsatfu bo-Elifazi, umThemani, naBildadi, umShuhi, kanye naSofari, umNama, besuka emakhaya abo bahlangana bacondza kuJobe, bayakumlilela nekumdvudvuta.

Tihlabelelo 77:2

Nangiselusizini ngifuna Simakadze, nasebusuku ngiphakamisa tandla tami, ngikhuleke ngingadzinwa, umphefumulo wami wale kudvudvuteka.

Tihlabelelo 77:3

Ngiyamkhumbula Nkulunkulu bese ngiyabubula; ngiyacabangisisa, bese umoya wami uphelelwa ngemandla. Cabanga.

Umshumayeli 9:10

Wonkhe umsebenti losetandleni takho wente ngemandla akho onkhe, ngobe ethuneni lapho uya khona, kute kusebenta, nekucabanga, nelwati kanye nekuhlakanipha.

Jeremiya 31:15

Naku lokushiwo nguSimakadze, utsi: “Kuvakala livi lekukhala eRama, yebo, livi lekulila nekukhala lokukhulu, Rakheli akhalela bantfwabakhe angasavumi nekudvudvutwa, ngobe bantfwabakhe bebangasekho.”