Genesisi 37:14 - Siswati 1996 Bible

¹⁴ Uyise watsi: “Hamba-ke uyewuhlola kutsi bomnakenu basekahle yini, nekutsi timvu tisaphephile yini, bese uyabuya-ke utengitjela.” Wamtfuma esuka esigodzini saseHebroni.

Genesisi 37:14 Referencias Cruzadas

Genesisi 13:18

Ngako-ke, Abrama walitfutsa lithende lakhe walimisa ngasetihlahleni tema-okhi eMamre, leseHebroni; wafike lapho wakhela Simakadze lilati.

Genesisi 23:19

Emvakwaloko Abrahama wangcwaba umkakhe Sara emhumeni wensimi yaseMakhaphela, ngasemphumalanga neMamre, eHebroni, eveni laseKhenani.

Genesisi 23:2

Sara wafela eKhiriyathi Abha, lekuyiHebroni, eveni laseKhenani. Abrahama wakhalela umkakhe, Sara.

Genesisi 29:6

Watsi: “Usaphila yini?” Batsi: “Yebo, usaphila. Nanguya nje naRakheli, indvodzakati yakhe, eta netimvu takhe.”

Genesisi 35:27

Jakobe wahamba waze wefika ekhaya leyise, Isaka, eMamre ngaseKhiriyathi Abha leseyatiwa ngekutsi iHebroni, lapho kwakuhlala khona Abrahama na-Isaka.

Genesisi 37:15

Josefa wahamba waze wefika eShekhemu. Abesazulazula kuleyo ndzawo ngesikhatsi abona indvodza letsite leyambuta yatsi: “Ufunani lapha?”

Genesisi 41:16

Josefa waphendvula watsi: “Akusimi, nkhosi, kodvwa nguNkulunkulu lotawunika Faro inchazelo lengiyo.”

Genesisi 43:27

Wababuta imphilo watsi: “Linjani likhehla lelinguyihlo, lenakhuluma ngalo, lisaphila yini?”

2 Samuweli 11:7

Watsi nakefika Uriya, Davide wambuta Jowabe kutsi unjani, nekutsi emabutfo wona anjani, nekutsi imphi ichubeka kanjani.

2 Samuweli 18:32

Inkhosi yabuta kulomKushe, yatsi: “Unjani umfana Absalomu?” LomKushe waphendvula watsi: “Shangatsi loko lokwenteke kuye kungenteka kubo bonkhe labatitsa takho, nkhosi, nabo bonkhe labakuvukelako.”

1 Emakhosi 2:33

Shangatsi licala lekucitfwa kwengati yabo lingaba setikwenhloko yaJowabe nasetitukulwane takhe phakadze naphakadze; kodvwa Davide netitukulwane takhe, nendlu yakhe, nesihlalo sakhe sebukhosi kuyakuba nekuthula kwaSimakadze phakadze naphakadze.”

Esta 2:11

Onkhe emalanga Modekhayi abevamise kutendlulisa lapha esihoncweni sesigodlo, afuna phela kutfola kahle kutsi Esta unjani nekutsi uphetfwe njani.

Tihlabelelo 125:5

Kodvwa labaphambukela etindleleni tabo letimagiligombo Simakadze uyawubacosha kanye nalabenta lokubi. Kuthula akube ku-Israyeli!

Jeremiya 29:7

Funani futsi kuthula nekuphumelela kulelo dolobha lenganitfumbela kulo kutsi niyewudzingiswa. Likhulekeleni kuSimakadze, ngobe naliphumelela, nani niyawuphumelela.’

Numeri 13:22

Benyuka badzabula iNegevu, lekuyiningizimu yelive laseKhenani, baze befika eHebroni, lapho kwakuhlala khona bo-Ahimani, naSheshayi, naThalmayi, titukulwane ta-Anaki. IHebroni yayakhiwe iminyaka lesikhombisa ngaphambi kweSowani yaseGibhithe.

Lukha 19:42

Watsi: “Kube mane lamuhla bewati lokudzingwa kuthula! Kodvwa manje kufihlakele emehlweni akho.

Joshuwa 14:13

Ngako Joshuwa wabusisa Khalebi, umsa waJefune, wamabela iHebroni, yaba lifa lakhe.

Joshuwa 14:14

Kusukela ngalelo langa iHebroni yaba yaKhalebi, umsa waJefune, umKhenizi, ngobe walandzela Simakadze, Nkulunkulu wema-Israyeli, ngayo yonkhe inhlitiyo yakhe.

Joshuwa 14:15

IHebroni yayetsiwe nga-Abha, yabitwa ngekutsi yiKhiriyathi Abha. Abha abeyindvodza leyayidvume kakhulu esiveni sema-Anaki. Live laba nekuphumula, netimphi taphela.

Tikhulu 1:10

Ahloma ayawuhlasela emaKhenani labehlala eHebroni, leyayike yabitwa ngekutsi yiKhiriyathi Abha, ehlula boSheshayi, na-Ahimani kanye naThalmayi.

1 Samuweli 17:22

Davide wafike wabeka lemiphako yakhe kulona logadze tintfo, wagijima waya etichemeni wayawuvusela bomnakabo.