Genesisi 35:5 - Siswati 1996 Bible

⁵ Ngako-ke base bayesuka boJakobe nemadvodzana akhe. Bantfu balamadolobha abesedvutane behlelwa kwesaba lokukhulu lobekuvela kuNkulunkulu, abazange babacoshe ngemuva.

Genesisi 35:5 Referencias Cruzadas

Genesisi 34:30

Jakobe wakhuluma kuboSimeyoni naLevi watsi: “Manje seningiletsele luhlupho, seningibangele kutsi ngitondzeke lapha kulabantfu bakulendzawo, kumaKhenani nakumaPheresi. Mine nginemadvodza lambalwa, ngako nabangahlangana bangihlasele bonkhe kanyekanye, bangangibhubhisa kanye nemndeni wami.”

Genesisi 35:4

Ngako-ke base batinika Jakobe tithico tebetive lababenato kanye nemacici lababewafake etindlebeni tabo. Jakobe wakumbela ngaphansi kwesihlahla se-okhi edvute neShekemu.

2 Tikhronike 14:13

Asa nemabutfo akhe bawacosha baze bayakuwabeka eGerari. Kwafa emaKushe lamanyenti kakhulu kangangekutsi akazange aphindze abe nemandla ekulwa; ehlulwa embikwaSimakadze nemabutfo akhe. Emadvodza akaJuda etfwala imphango lenkhulu kabi.

2 Tikhronike 14:14

Abhidlita onkhe emadolobha labekakhelene neGerari, ngobe lulaka lwaSimakadze lwalwehlele etikwawo. Awaphanga onkhe lawo madolobha, ngobe abenemphango lenkhulu.

2 Tikhronike 17:10

Kwesaba Simakadze kwehlela yonkhe imibuso yemave labekhelene nelakaJuda kangangekutsi ayizange seyimhlasele Jehoshafati.

Tihlabelelo 105:14

kodvwa akavumelanga muntfu kutsi abahluphe, ngenca yabo wajezisa ngisho emakhosi.

Tihlabelelo 14:5

Bayawufikelwa kwesaba lokukhulu, ngobe Nkulunkulu ume nalabacotfo.

Eksodusi 23:27

“Bantfu labaphambene nani ngitabenta besabe; ngibente badzidzeke bonkhe bantfu labalwa nani, ngente netitsa tenu tonkhe tinibalekele.

Eksodusi 34:24

Ngobe ngiyawucitsa tive embikwakho ngandzise neminyele yakho; kute loyawuhawukela live lakho, ngetikhatsi tekwenyuka kwakho katsatfu ngemnyaka nawuyekutibonakalisa kuSimakadze, longuNkulunkulu wakho.

Dutheronomi 11:25

Kute umuntfu loyawuba nemandla ekumelana nani. Simakadze Nkulunkulu wenu uyakwenta bantfu batfutfumele ngani banesabe eveni lonkhe leniyawunyatsela kulo, njengobe anetsembisa.

Dutheronomi 2:25

Kusukela lamuhla ngitawucala kwenta tonkhe tive temhlaba tinesabe titfutfumele ngani. Nativa kukhulunywa ngani, tiyawukwesaba tikhatsateke kakhulu ngani.”

Joshuwa 5:1

Atsi kube onkhe emakhosi ema-Amori ngasenshonalanga neJordane kanye nawo onkhe emakhosi emaKhenani elugwini lwelwandle eve kutsi Simakadze wayomisa kanjani iJordane embikwema-Israyeli saze sewela sonkhe, angenwa ngemanti emadvolweni, akaphindzanga aba nesibindzi sekubhekana nema-Israyeli.

1 Samuweli 11:7

Watsatsa tinkhabi letimbili, watijuba ticucu, watfumela ngetigijimi licatsa ngalinye kulo lonkhe laka-Israyeli, timemetela titsi: “Nguloku-ke lokutakwentiwa etinkhabini tayo yonkhe indvodza lengalandzeli boSawula naSamuweli.” Kwesabeka kwaSimakaze kwehlela kubo bonkhe bantfu, bagucuka bonkhe baba njengemuntfu munye.

1 Samuweli 14:15

Kutfutfumela kwahlasela onkhe emabutfo labesenkambu nalawo labesesigangeni, nalawo labesetichemeni kanye nalawo labehlasela, umhlaba watamatama. Lokutfutfumela kwaba shangatsi kutfunyelwe nguNkulunkulu.