Genesisi 35:3 - Siswati 1996 Bible

³ Sitawusuka la siye eBetheli, lapho ngitawufika ngakhe khona lilati laNkulunkulu, lowangiva wangiphendvula ngesikhatsi sekuhlupheka kwami, nalowaba nami yonkhe indzawo lapho ngangihamba khona.”

Genesisi 35:3 Referencias Cruzadas

Genesisi 28:15

Ukhumbule kutsi ngitawuba nawe ngikulondvolote nome uyaphi, ngikubuyise kulo lelive. Ngobe ngingeke ngikushiye ngingakakwenti loku lesengikwetsembise kona.”

Genesisi 31:3

Simakadze wakhuluma kuJakobe watsi: “Hamba ubuyele eveni lakini, lapho watalelwa khona, ngitawuba nawe.”

Genesisi 31:42

Kube Nkulunkulu wababe, naNkulunkulu wa-Abrahama, lokwesaba kwa-Isaka, abengekho ngakimi, ngineliciniso kutsi ngabe ungicoshile ngahamba mahhala ngite lutfo. Kodvwa Nkulunkulu ukubonile kuhlupheka kwami nemsebenti wetandla tami, wase uyakwekhuta kulobusuku bayitolo.”

Genesisi 32:24

kodvwa yena wasala ngemuva. Kwase kufika indvodza labambana nayo, kwadzimate kwadzabuka kusa.

Genesisi 32:7

Jakobe wesaba kakhulu waba neluvalo. Wehlukanisa labantfu abehamba nabo, wabenta emacembu lamabili, kanjalo nemihlambi yetimvu, neyetimbuti, neyetinkhomo kanye neyemakamela nako wakwenta njalo.

Genesisi 35:4

Ngako-ke base batinika Jakobe tithico tebetive lababenato kanye nemacici lababewafake etindlebeni tabo. Jakobe wakumbela ngaphansi kwesihlahla se-okhi edvute neShekemu.

Genesisi 35:7

Wafike wakha lilati lapho. Lendzawo wayetsa libito watsi yi-Eli Betheli ngobe ngukhona lapho Nkulunkulu atibonakalisa kuye ngesikhatsi abalekela umnakabo.

Genesisi 48:15

Jakobe wabe sewubusisa Josefa, watsi: “Shangatsi Nkulunkulu wabobabe, lowakhontwa bo-Abrahama na-Isaka, yena loNkulunkulu longihole kuyo yonkhe imphilo yami, kwaze kwaba ngulamuhla, angababusisa labafana.

Tihlabelelo 107:6

Base bakhala kuSimakadze basesekulolo lusizi lwabo, wabephula kulo.

Tihlabelelo 107:8

Akabongwe Simakadze ngemusa wakhe, ngekwentela bantfu imisebenti lemangalisako:

Tihlabelelo 46:1

Nkulunkulu siphephelo setfu nemandla etfu, utfolakala alusito ekuhluphekeni.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 91:15

Uyawungibita ngiphendvule ngibe naye ekuhluphekeni, ngimuphe kuphepha nekuhlonipheka.

Taga 3:6

Matise kuko konkhe lokwentako, yena uyakucondzisa tindlela takho.

Isaya 30:19

Awu, bantfu baseSiyoni, nine lenihlala eJerusalema, anisayikubuye nilile. Maye, uyawuba nemusa kini, nanikhala kuye nicela lusito! Uyakwenelela kuva nje, bese uyaniphendvula.

Isaya 43:2

Nawudzabula ekhatsi emantini, mine ngitawuba nawe; nanawudzabula ekhatsi emifuleni, ingeke ikukhukhule. Nawuhamba udzabula ekhatsi emlilweni, ngeke ushe, emalangabi ngeke akulumekele.

1 Samuweli 10:3

“Utawusuka-ke lapho uchubeke uhambe, uze ufike esihlahleni lesikhulu sem-okhi saseThabori. Utawuhlangana nemadvodza lamatsatfu lapho, akhuphukela kuNkulunkulu eBetheli. Lenye itabe iphetse emazinyane lamatsatfu etimbuti, lena lenye iphetse imikhama yetinkhwa letintsatfu, lenye iphetse sikhumbasikhwama lesigcwele liwayini.