Genesisi 35:29 - Siswati 1996 Bible

²⁹ Wafa asamdzala kakhulu, walandzela bokhokho bakhe. Wangcwatjwa bo-Esawu naJakobe, emadvodzana akhe.

Genesisi 35:29 Referencias Cruzadas

Genesisi 15:15

Wena-ke utawukhula, ufe ngekuthula sewumdzala kakhulu, ungcwatjwe.

Genesisi 25:17

Ishmayeli waphila iminyaka leli-137, wafa; walandzela bokhokho bakhe.

Genesisi 27:41

Esawu wamtondza Jakobe ngenca yesibusiso labesitsatse kuyise, wadzimate watsi enhlitiyweni yakhe: “Emalanga ekulilela babe asayasondzela, emvakwawo Jakobe, umnaketfu, ngitambulala.”

Genesisi 3:19

Uyawusebenta kamatima, ukujulukele kudla kwakho, udzimate ubuyele emhlabatsini, ngobe vele watsatfwa kuwo; njengobe ulutfuli, uyawubuyela elutfulini.”

Genesisi 37:35

Onkhe emadvodzana akhe ase eta kuye atekumdvudvuta. Kodvwa wala kudvudvutwa watsi: “Ngiyawuze ngehle ngiye endzaweni yalabafile, lapho kunendvodzana yami khona, seloku ngililela indvodzana yami.” Ngako-ke uyise wachubeka walila.

Genesisi 47:30

Ngifuna kungcwatjwa lapho kwangcwatjwa khona bobabe. Ubongetfwala, ungikhiphe eGibhithe ngiyekungcwatjwa lapho kwangcwatjwa khona bobabe.” Josefa wamphendvula watsi: “Ngiyawukwenta loko njengobe ushito.”

Genesisi 49:31

Abrahama naSara, umkakhe, bangcwatjwa khona; Isaka naRebheka, umkakhe, bangcwatjwa khona; naLeya ngamngcwaba khona.

Genesisi 49:33

Watsi kube Jakobe acedze kuwayala emadvodzana akhe, wabuyela walala wafa, walandzela bokhokho bakhe.

Jobe 5:26

Uyawuya ethuneni ugcwele emandla, wenelisekile ngebudzala njengetitfungo letibutfwa ngesikhatsi sato lesifanele.