Genesisi 35:22 - Siswati 1996 Bible

²² Israyeli asahleti kuleyo ndzawo, Rubeni walala nenina lomncane, Bhilha, lomunye webafati beyise. Israyeli wakuva loko. Asawonkhe emadvodzana aJakobe abelishumi namabili.

Genesisi 35:22 Referencias Cruzadas

Genesisi 35:18

Kwatsi nasafa wetsa loluswane lwakhe watsi nguBhenoni, kodvwa uyise wametsa libito watsi nguBhenjamini.

2 Samuweli 13:21

Watsi kube Davide akuve konkhe loko, watfukutsela wagaya tiboti.

2 Samuweli 20:3

Davide watsi kube efike esigodlweni sakhe eJerusalema, wabutsa lamaphovela akhe labewashiyele kutsi sale anakekela lesigodlo, wawangenisa endlini watsi akagadvwe. Abewanakekela ngato tonkhe tidzingo tawo, kodvwa akazange aphindze aweyame. Abehlala avalelwe kuleso simo, kwaze kwaba lilanga lawo lekufa, aphila njengebafelokati.

1 Tikhronike 5:1

Leti-ke titukulwane takaRubeni, litubulo la-Israyeli. Rubeni abelitubulo, kodvwa watsi kube alale nesingani seyise, walahlekelwa ngemalungelo ebutubulo bakhe, ase anikwa emadvodzana aJosefa, umsa wa-Israyeli. Ngako akabange asabalwa emlandvweni weluhlanga lwekutalana kwabo njengekwemalungelo ekutalwa kwakhe.

Eksodusi 2:1

Ngaso leso sikhatsi kwesuka indvodza yesive sakaLevi yateka umfati wesive sakubo.

Levithikusi 18:8

“ ‘Ungalali nemkayihlo, loko kutawuhlazisa uyihlo.

Numeri 10:14

Ticheme tesive sakaJuda tatfutsa kucala ngetigaba taso ngaphansi kwesiboniso sebuve baso. Umholi wato bekunguNasoni, umsa wa-Aminadabi.

Numeri 13:4

Nankha-ke emabito awo: Esiveni sakaRubeni kwakunguShamuwa, umsa waZakhuri;

Imisebenti yebaPhostoli 7:8

Nkulunkulu wanika Abrahama lisiko lekusoka, kwaba sibonakaliso sesivumelwane. Ngako Abrahama watala Isaka, wamsoka ngemvakweliviki atelwe; na-Isaka wasoka Jakobe, naJakobe wasoka bokhokho labali-12.

1 kubaseKorinthe 5:1

Kubikiwe ngempela kimi kutsi kukhona bugwadla nebuphingi emkhatsini wenu, futsi buphingi lobungazange sebubekhona ngisho nakulabangakholwa, ngobe kutsiwa umuntfu ushenda nemkayise.

Dutheronomi 27:12

“Niyakutsi nase newelele ngesheya kweJordane, tive letiyakuma eNtsabeni iGerizimu tibusise sive sonkhe kuyawuba bakaSimeyoni, nebakaLevi, nebakaJuda, nebaka-Isakhari, nebakaJosefa kanye nebakaBhenjamini.

Dutheronomi 27:20

“ ‘Ucalekisiwe umuntfu lolala nemkayise, ngobe uhlambalata licansi leyise.’ “Bonkhe bantfu bayawuphendvula batsi: ‘Amen.’

Sembulo 21:14

Lolubondza lwalelikhaya lwalunetisekelo tematje lali-12; etikwawo bekubhalwe emabito lali-12 ebaphostoli beliWundlu.

Tikhulu 5:14

Labanye bachamuka ka-Efrayimu, labatimphandze tabo tika-Amaleki. Bhenjamini abekanye nebantfu lababekulandzela. Tindvuna tehla tiphuma kaMakhire, netiphatsimandla tiphuma kaZebuloni, tiphetse intfonga yendvuna yemphi.

1 Samuweli 2:22

Eli abesamdzala kakhulu, wakuva konkhe loko lokwakwentiwa ngemadvodzana akhe esiveni sonkhe sema-Israyeli, weva nekutsi emadvodzana akhe alalana kanjani nalabasikati lababekhonta ekungeneni kwelithende lekuhlangana.