Genesisi 34:7 - Siswati 1996 Bible

⁷ Atsi emadvodzana aJakobe nakefika eva ngaloku, eva buhlungu atfukutsela agcwala kokana, ngobe Shekhemu abente sento lesibi lesiphambene nesive saka-Israyeli ngekudlwengula lendvodzakati yaJakobe. Leyo kwakuyintfo lengentiwa nje vele ka-Israyeli.

Genesisi 34:7 Referencias Cruzadas

Genesisi 20:9

Abimeleki wabita Abrahama wambuta watsi: “Yini lena lose uyente la kitsi? Ngikone ngani, kutsi ungaze uletsele mine kanye nembuso wami lesono lesikhulu kangaka? Utenteleni letintfo bewungakafaneli kutenta?”

Genesisi 34:6

Hamori, uyise waShekhemu, wahamba wayawukhuluma naJakobe.

Genesisi 34:8

Hamori wefika kuJakobe watsi: “Shekhemu, indvodzana yami, utsandze intfombi yakakho. Ngiyakucela kutsi umane umnike yona ayiteke ibe ngumkakhe.

Genesisi 46:7

emadvodzana akhe, nemadvodzana awo, nemadvodzakati akhe, nemadvodzakati emadvodzana akhe; tonkhe titukulwane takhe wefika nato eGibhithe.

2 Samuweli 13:21

Watsi kube Davide akuve konkhe loko, watfukutsela wagaya tiboti.

Tihlabelelo 93:5

Bufakazi bakho buciniseke kakhulu, bungcwele buyifanele indlu yakho, phakadze naphakadze, Simakadze.

Taga 7:7

Ngabona sicunjana setinsizwa letatingenako kuhlakanipha, emkhatsini wato ngabona lenye leyayingenalwati.

Jeremiya 29:23

Ngobe babente intfo lesinengiso kabi ka-Israyeli, baphinga nebafati babomakhelwane babo, bakhuluma emanga ngeLibito lami, lengangingazange sengibatfume kutsi bakwente. Ngiyakwati loko futsi ngingufakazi wako,’ kusho Simakadze.”

Levithikusi 4:13

“ ‘Nangabe kone sonkhe sive saka-Israyeli, saba nelicala lekwephula umyalo waSimakadze, singakacondzi, nome sive besingakakucapheli loko, noko sinelicala.

Levithikusi 4:2

“Tjela sive sema-Israyeli utsi: ‘Nangabe umuntfu onile wephula nome ngangumuphi wemiyalo yaSimakadze, angakacondzi, kufanele ahambe ngalemitsetfo.

Levithikusi 4:27

“ ‘Nangabe kone umuntfu nje, abe nelicala lekwephula lomunye wemiyalo yaSimakadze, angakacondzi,

1 kubaseKorinthe 10:8

Futsi singagwadli singaphingi njengobe labanye babo bagwadla, baphinga; bafa ngalanga linye labati-23 000.

1 kubaseKorinthe 6:18

Balekelani bugwadla nebuphingi. Tonkhe tono latentako umuntfu tingephandle kwemtimba wakhe; kodvwa logwadlako nome lophingako wona umtimba wakhe.

Kubase-Efesu 5:3

Kepha bugwadla nebuphingi, nako konkhe kungcola, nome kungeneliswa, kungaphatfwa ngisho nangeligama emkhatsini wenu, njengobe labangcwele bafanele kwenta.

Dutheronomi 22:20

“Kodvwa nangabe kuliciniso kutsi akasiyo intfombi, kantsi futsi kute nebufakazi bekusekela kutsi iyintfombi,

Dutheronomi 22:21

lendvodzakati batayitsatsa bayekuyibeka emnyango wendlu yeyise, lapho takhamiti titawufike tiyigcobele khona ngematje ize ife, ngobe ihlazise Israyeli wonkhe, ngekuvula sibaya seyise isesekhaya kubo. Niyawukukhipha kanjalo-ke lokubi lokumila emkhatsini wenu.

Dutheronomi 23:17

“Kute um-Israyeli lomdvuna nome lomsikati loyawuba yingwadla yasethempelini kuso sonkhe sive sema-Israyeli.

KubaseKholose 3:5

Ngaloko-ke bulalani tonkhe tinkhanuko tenu talapha emhlabeni: bugwadla, nebuphingi, nekungcola, nekuhungeka, nekukhanuka lokubi, nebukhali lobukukhonta tithico.

1 kuThimothi 5:13

Ngetulu kwaloko bafundza buvila ngekutfunga imiti, bangagcini ngebuvila kuphela, kodvwa babuye bahlebe, bangene kulokungesiko kwabo, bakhulume nalokungakafaneli.

KumaHebheru 13:4

Umshado awuhlonishwe ngibo bonkhe; labatsetsene kufanele betsembeke lomunye kulomunye. Nkulunkulu uyawubehlulela bonkhe labagwadlako nalabaphingako.

YaJakobe 3:10

Emlonyeni munye kuphuma kubusisa nekucalekisa. Bazalwane bami, akufanele kube njalo.

Joshuwa 7:15

Loyo loyawutfolakala analetintfo lekufanele tibhujiswe uyawubulawa ngemlilo kanye nako konkhe lokungekwakhe. Ngobe wephule sivumelwane saSimakadze, wenta intfo lelihlazo esiveni saka-Israyeli.’ ”

1 yaPhetro 2:9

Kodvwa nine nibeluhlanga lolukhetsiwe, nibaphristi bebukhosi, sive lesingcwele; nibantfu baNkulunkulu labakhetselwe kumemetela imisebenti lemihle yaNkulunkulu. Nguye lowanibita kutsi niphume ebumnyameni nitewungena ekukhanyeni kwakhe lokumangalisako.

Tikhulu 20:6

Ngibese-ke ngitsatsa lesingani sami ngasicoba ticucu, ngatfumela sitfo ngasinye, kuleso nakuleso sigodzi kuleli lelilifa laka-Israyeli, ngobe bente sento sebudlundlulu nalesilihlazo ka-Israyeli.