Genesisi 33:4 - Siswati 1996 Bible

⁴ Kodvwa Esawu wagijima wamhlangabeta, wafike wamgona ngemikhono, wamanga. Bakhala bobabili.

Genesisi 33:4 Referencias Cruzadas

Genesisi 29:11

Jakobe wanga Rakheli, wakhala ngenca yenjabulo.

Genesisi 29:13

Watsi kube Labani ayive lendzaba yemshana wakhe, wagijima wamhlangabeta, wafike wamgona wamanga, wamngenisa endlini. Jakobe watekela Labani yonkhe indzaba yakhe.

Genesisi 32:11

Ngicela kutsi umane ungephule esandleni semnaketfu Esawu, ngobe ngiyamesaba, kutsi angahle angihlasele abulale bantfwana kanye nabonina.

Genesisi 32:28

Lendvodza yatsi: “Libito lakho lingeke lisaba nguJakobe, kodvwa sewutawuba ngu-Israyeli, ngobe ubambene naNkulunkulu nebantfu, wajinge wancoba.”

Genesisi 43:30

Josefa washesha waphuma, ngobe inhlitiyo yakhe yefikelwa buhlungu, wafuna indzawo lesitsele, wangena khona wakhala.

Genesisi 43:34

Batsi nabanikwa kudla kwasetafuleni laJosefa, kwakaBhenjamini kwaphindvwa kahlanu kunekwabo bonkhe. Ngako-ke badla, banatsa, bajabula kanye naye.

Genesisi 45:2

Wakhala kakhulu, kwadzimate kweva nemaGibhithe, kanye nebendlu yakaFaro.

Genesisi 46:29

Josefa wagibela incola yakhe waphikelela khona eGosheni, wayawuhlangabeta uyise Israyeli. Watsi achamuka nje, Josefa wambona uyise watigaca entsanyeni yakhe, wakhalela kuye sikhatsi lesidze.

2 Samuweli 14:33

Ngako Jowabe wavele wahamba waya enkhosini, wafike wayitjela konkhe loko. Inkhosi yabe seyibita Absalomu; wafike wakhotsamisa buso bakhe phansi emhlabatsini embikwenkhosi. Inkhosi yanga Absalomu.

Nehemiya 1:11

Awu, Simakadze, indlebe yakho ayiwuve umthandazo wenceku yakho, iwuve nalomthandazo wetinceku takho letijabulela kuhlonipha Libito lakho. Nika inceku yakho imphumelelo lamuhla ngekuyipha kubonelelwa nekuvelwa ngulombusi.” Ngaleso sikhatsi ngangingumphatsi wesitja senkhosi.

Jobe 2:12

Batsi nabambona basesekhashane, bangete bambona kutsi nguye; bacala bakhala kakhulu, baklebhula imijiva yabo, batitsela ngelutfuli etinhloko tabo.

Tihlabelelo 34:4

Ngakhuleka kuSimakadze, wangiphendvula, wangikhulula kuko konkhe kwesaba kwami.

Taga 16:7

Nangabe umuntfu ajabulisa Simakadze ngesimilo sakhe, Simakadze ubese wenta titsa takhe tihlalisane kahle naye.

Taga 21:1

Inhlitiyo yenkhosi isesandleni saSimakadze, uyicondzisa kalula njengemanti emfula.

Lukha 15:20

Ngako-ke yesuka yahamba yaya kuyise. “Yayisekudzeni kabi nelikhaya ngesikhatsi uyise ayibona. Inhlitiyo yeyise yagcwala sihawu, wayihawukela wagijima wayihlangabeta. Wayigaca ngemkhono wakhe, wayanga.

Imisebenti yebaPhostoli 20:37

Bakhala bonkhe, Pawula bamgaca ngemikhono, bamanga.

1 Samuweli 20:41

Watsi kube lomfana ahambe, Davide wesuka lapho eningizimu nelitje, wakhotsamela Jonathani katsatfu, abhekise buso bakhe phansi. Base bayangana, bakhala bobabili, kodvwa Davide wakhala kakhulu.