Genesisi 33:13 - Siswati 1996 Bible

¹³ Jakobe waphendvula watsi: “Inkhosi yami seyibabonile bantfwana kutsi bancane, timvu netinkhomo ngiyatincenekela ngobe tiyamunyisa. Natishuciswa ngemjako lilanga lonkhe, titakufa.

Genesisi 33:13 Referencias Cruzadas

Genesisi 33:12

Esawu watsi: “Asitilungisele kuhamba, mine ngitawuhamba embikwakho.”

Genesisi 33:14

Ngicela umane wena uhambe embili, mine ngitawusale ngishuca ngincengancenga nalabantfwana. Inkhosi yami ngitayikhandza e-Edomu.”

1 Tikhronike 22:5

Davide watsi: “Umsa wami Solomoni usemncane, futsi akakafundzi lutfo lolunyenti. Lendlu letakwakhelwa Simakadze kufanele kube ngubhazabhaza futsi ibe yinhle itewudvuma ibe nelidvumela kuto tonkhe tive. Ngako-ke ngitayentela kahle emalungiselelo ayo.” Davide wenta emalungiselelo lamanyenti alendlu asengakafi.

Tihlabelelo 78:71

nasekunakekeleni timvukati nemazinyane ato, kutsi atekwelusa bakaJakobe, sive sakhe, yebo, baka-Israyeli labalifa lakhe.

Taga 12:10

Umuntfu lolungile uyatinakekela tifuyo takhe; kodvwa lomubi utiphatsa dlephu.

Isaya 40:11

Welusa umhlambi wakhe njengemelusi: Ugona emazinyane akhe ngemikhono yakhe, awasondzete edvutane nenhlitiyo yakhe; utihola kahle leto letinemazinyane.

1 Samuweli 6:10

Ngako bavele bakwenta loko. Batsatsa tinkhomo letimunyisako letimbili batibophela encoleni, base bafaka lamankhonyane ato esibayeni.